ÉXODO 6:6 - Biblia Guarani Tumpa Iñee

⁶ Jáeramo, rereta Israel iñemuña reta pe: —Che ko peYa; che pogüɨnoeta mbaravɨkɨ ipoɨgüe peyapo Egipto pe vae güi, poyorata yeokuaiasɨ katu güi, che poepɨta morojäa tuichagüe rupi.

ÉXODO 6:6 Iomraidhean Croise

1 REYES 8:42

jare oyerure kuae tupao pe yave (echa oikuaa nderee tuicha yae vae ko jare ndembaepuere tuicha yae vae),

2 REYES 17:36

che peYa, pogüɨnoe ɨvɨ Egipto güi mbaepuere yae ndive, chegüi peipoɨu, chemboete jare cheve pemee mɨmba oyeyukagüe.

1 CRÓNICAS 17:21

¿Oime ra ïru tëta ɨvɨ pe tëta Israel ndembae rami vae? ITumpa güɨnoe Egipto güi imbaerä mɨakañɨ tuichagüe rupi vae, nerërakua yae vaerä. Nde remoë remombo jenonde güi ïru tëtaguasu reta,

NEHEMÍAS 1:10

Jae reta ko nderembiokuai, ndembae vae reta ko, ndembaepuere yae rupi reepɨ reta vae.

SALMOS 77:16

CheRu Tumpa, ɨguasu ndereecha yave, okɨɨye, orɨrɨi ɨguasu jugua okɨɨye güi.

SALMOS 81:11

Ërei tëta chembae vae mbaetɨ oipota oyeapɨsaka cheñee re; ¡Israel, mbaetɨ oipota oyapo che jae vae!

SALMOS 81:6

“Ambogüeyɨ voɨta ndeatiɨ güi, ndepo reta opoi mbaravɨkɨ ipoɨ vae güi.

SALMOS 81:7

Resapúkai reyerure mbɨatɨtɨ iara pe jare che roepɨ; amboyevɨ ndeve ararɨapu rupi; rojäa ɨ Meriba jembeɨ pe.

ÉXODO 1:11

Jáeramo, oñono reta iárambo mbaravɨkɨ re oyangareko vae reta, oyapouka vaerä chupe reta mbaravɨkɨ ipoɨ vae; jare oyapo reta mburuvicha guasu pembaagüɨye jɨrurä, tëta Pitón pe jare Ramesés pe.

ÉXODO 12:41

jare cuatrociento treinta año oasa yave, jókuae ara etei yandeYa imbae reta jeta yae vae opa ñogüɨnoe ɨvɨ Egipto güi.

ÉXODO 12:51

Jókuae ara etei yandeYa güɨnoe ɨvɨ Egipto güi Israel iñemuña reta, ñemuña ñavo rupi kavi.

ÉXODO 13:14

jare ïru ara rupi peraɨ reta oparandu yave peve: ‘¿Mbae pa ko kuae?’ Pe pereta chupe reta: ‘YandeYa orerenoe imbaepuere yae ete rupi Egipto güi, yeokuaiasɨ katu güi.

ÉXODO 13:16

Añave toiko pepoapɨ re ani peresɨva re mbae ikañɨmaa vae rami, yandeYa orerenoe imbaepuere yae ete rupi Egipto güi vae jeko pegua.’ ”

ÉXODO 13:3

Jare Moisés jei opaete vae pe: “Pemaendúa kuae ara peñerenoe Egipto güi vae re, yeokuaiasɨ katu güi, echa yandeYa perenoe kuae güi imbaepuere rupi. Jáeramo agüɨye peu mbɨyape oyembovugüe.

ÉXODO 15:13

Ndeporoparareko rupi reroata kuae tëta reyora vae; reraja ndembaepuere rupi nerëta oñeñono tee vae pe.

ÉXODO 16:6

Jayave Moisés jare Aarón jei opaete Israel iñemuña reta pe: —Kaaru yave peikuaata yandeYa ko perenoe ɨvɨ Egipto güi vae,

ÉXODO 18:1

Jetro, sacerdote Madián pegua Moisés jovaya oendu opaete mbaembae Tumpa oyapo Moisés ndive vae, jare Israel iñemuña reta ndive vae re, jare yandeYa kërai güɨnoe Egipto güi vae.

ÉXODO 2:11

Moisés okuakuaa ma yave, metei ara ojo jëtara reta ñogüɨnoia pe; jare oecha oiporara yae reta mbaravɨkɨ ipoɨ vae, jare oecha vi metei Egiptoɨgua oinupa güɨnoi metei jëtara hebreo.

ÉXODO 3:17

Jare perenoeta mbɨatɨtɨ güi, Egipto güi metei ɨvɨ kavi pe, cananeo reta, heteo reta, amorreo reta, ferezeo reta, heveo reta jare jebuseo reta iɨvɨ pe.”

ÉXODO 3:8

Jare ayu ayora vaerä Egiptoɨgua reta ipo güi, anoe reta vaerä jókuae ɨvɨ güi metei ɨvɨ ikavi jare ipɨguasu vae pe, ɨvɨ kavi pe; cananeo reta, heteo reta, amorreo reta, ferezeo reta, heveo reta jare jebuseo reta ñogüɨnoia pe.

ÉXODO 32:11

Jayave Moisés oyerure yandeYa Tumpa pe, jei: —CheYa, ¿maera pa ndearasɨta ndembae vae reta kotɨ, nde renoe ɨvɨ Egipto güi ndembaepuere yae rupi vae?

ÉXODO 6:2

Tumpa jekuae omomiari ye Moisés jare jei chupe: —Che ko jae peYa.

ÉXODO 6:29

körai jei chupe: —Che ko peYa. Ere Faraón mburuvicha guasu Egipto pegua pe, opaete mbaembae reta che jae ndeve vae.

ÉXODO 6:8

Pogüɨrajata poñono Abraham, Isaac jare Jacob pe chepo amopüa reve añererökuavee amee vaerä ɨvɨ chupe reta vae pe, che ameeta peve pembaerä. Che ko peYa.

ÉXODO 7:4

Jare Faraón ngaraa oyeapɨsaka peñee re; ërei che aitɨta chembaepuere Egipto re, anoeta chesundaro reta, chembae vae, Israel iñemuña reta ɨvɨ Egipto güi tuichagüe morojäa rupi.

ÉXODO 7:5

Jare Egiptoɨgua reta oikuaata che ko jae peYa vae, aitɨ yave chembaepuere Egipto re, Israel iñemuña reta pogüɨnoe jae reta ipɨte güi yave.

ISAÍAS 9:12

Kuaraɨ oëa kotɨ güi Siriaɨgua reta, kuaraɨ oikea kotɨ güi filisteo reta. Metei jeia pe opa voi omokañɨtei reta Israel. Ërei yandeYa mbaetɨ iyarasɨ poi; jekuaeñoi iyarasɨ oï.

ISAÍAS 9:17

Jáeramo, yandeYa mbaetɨ ipɨakatu taɨrusu vae reta re, mbaetɨ oiparareko omae tɨ̈reɨ reta re jare imemano vae reta re. Echa opaete vae jupiä jare ikaviä jeko reta, opaete vae jei oipotagüeño. Ërei yandeYa mbaetɨ iyarasɨ poi; jekuaeñoi iyarasɨ oï.

ISAÍAS 9:21

Manasés opüata Efraín re, Efraín opüata Manasés re; kuae reta mókoi reve oñemopüata ɨvɨ Judá re. Ërei yandeYa mbaetɨ iyarasɨ poi; jekuaeñoi iyarasɨ oï.

JEREMÍAS 21:5

Che etei añorarota pe ndive, opaete chembaepuere ndive jare chearasɨ yae reve.

JEREMÍAS 27:5

Che chembaepuere pe ko ayapo ɨvɨ, kuimbae jare mɨmba reta ñogüɨnoi ɨvɨ iárambo vae, jare amee che aipota vae pe.

JEREMÍAS 32:21

Renoe ɨvɨ Egipto güi Israel iñemuña reta; renoe ndembaepuere pe mɨakañɨ reta tuichagüe ndive, remongɨɨye yae reve opaete vae.

EZEQUIEL 20:33

Che peYa jae cheyé aeño, chembaepuere yae reve jare chearasɨ aitɨ peré reve, aporookuaita peré.

Hechos 13:17

Israel pegua reta iTumpa oiparavo ñaneñemuñagüe reta, jare ombotuichauka Egipto pe ketɨgua yogüɨreko ramboeve. Jare Tumpa imbaepuere yae rupi opa güɨnoe joko güi

DEUTERONOMIO 11:2

Peikuaa añave yandeYa Tumpa iporombosɨmbi re, peraɨ reta mbaetɨ oikuaa jare mbaetɨ vi oecha. Peikuaa yandeYa Tumpa iporonupa, tuicha yae vae, imbaepuere yae vae jare ipo oporoiämondo yae vae,

DEUTERONOMIO 15:15

Pemaendúa peikose tembipɨɨ Egipto pe vae re, jare yandeYa Tumpa perenoe. Jáeramo che amee peve kuae mborookuai.

DEUTERONOMIO 26:8

orerenoe Egipto güi imbaepuere yae rupi jare ipo oporoiämondo yae vae rupi, yemongɨɨye tuicha vae rupi jare jeta mɨakañɨ reta rupi,

DEUTERONOMIO 4:23

Peyeandu agüɨye vaerä peakañɨ yandeYa Tumpa morogüɨrökuavee päve oyapo pe ndive vae güi, agüɨye peyapo peyeupe oipotagüe mbae iä yandeYa Tumpa oyopia pegüi vae.

DEUTERONOMIO 4:34

¿Ani oime pa mbae nunga tumpa ou oiparavo tëtaguasu imbaerä ïru tëtaguasu güi vae, yemboaporova ndive, mɨakañɨ ndive, ñeraro ndive, imbaepuere yae jare ipo oporoiämondo yae reve, opaete oyapo perovake yandeYa Tumpa Egipto pe rami?

DEUTERONOMIO 5:15

Pemaendúa peikose tembiokuai ɨvɨ Egipto pe vae re, jare peYa Tumpa perenoe joko güi imbaepuere pe, jáeramo peYa Tumpa peokuai peñovatu vaerä ara mbutuu pegua.

DEUTERONOMIO 6:12

peyeandu agüɨye vaerä peakañɨ yandeYa güi, perenoe ɨvɨ Egipto güi vae, yeokuaiasɨ katu güi.

DEUTERONOMIO 7:19

Yemboaporova tuichagüe peecha vae, jare mɨakañɨ yavaetegüe, jare mbaepuere tuichagüe rupi yandeYa Tumpa oyapo perenoe vaerä vae re. Jökoraita yandeYa Tumpa oyapo opaete pekɨɨye chugüi vae.

DEUTERONOMIO 7:8

YandeYa peraɨu ramo, jare oipota ombopo jókuae peñemuñagüe reta pe güɨrökuavee jee re vae jeko pegua perenoe Egipto güi imbaepuere pe, jare pereepɨ yeokuaiasɨ katu güi, Egipto pegua mburuvicha guasu Faraón ipo güi.

DEUTERONOMIO 9:29

Ndembae reta ko kuae tëta, nde ko renoe Egipto güi ndembaepuere tuicha yae vae rupi, jare reyapo etei vae rupi.’