ÉXODO 5:3 - Biblia Guarani Tumpa Iñee

³ Jayave jae reta jei: —Ore hebreo reta iTumpa oyekuaa oreve; añave, rojota ñuu kotɨ mboapɨ ara roguatata, jare romeeta mɨmba oyeyukagüe oreYa Tumpa pe, agüɨye vaerä güeru oreve mbaerasɨ ovakatu vae ani tovaicho.

ÉXODO 5:3 Iomraidhean Croise

2 REYES 17:25

Jare omboɨpɨ ramo yogüɨreko joko pe yave, jae reta mbaetɨ omboete yandeYa jeko pegua, ombou jeta yaguapope chupe reta, jare oparapiti jese reta.

2 CRÓNICAS 30:8

Añave, agüɨye peyembopɨa täta peñemuñagüe reta rami; peñeñono yandeYa ipo pe jare peyu o mbaemboetea pe, jae oñono tee jekuae avei pegua vae pe. Peyeokuai yandeYa Tumpa pe, jökorai agüɨye vaerä ma iyarasɨ pekotɨ.

ESDRAS 7:23

Opaete mbae oiporu Tumpa ara pe oï vae jo peguarä vae toñemee voi chupe, agüɨye vaerä Tumpa iyarasɨ ou mburuvicha guasu iporookuaía re jare taɨ reta kotɨ.

ÉXODO 3:18

Oendu retata neñee; jare reota nde jare Israel iñemuña itenondegua reta ndive mburuvicha guasu Egipto pegua pɨri, jare pereta chupe: “OreYa, hebreo reta iTumpa oyekuaa oreve; jáeramo, añave rojota ñuu kotɨ, mboapɨ ara roguatata romee vaerä mɨmba oyeyukagüe oreYa Tumpa pe.”

ÉXODO 7:16

Joko pe ere chupe: “OreYa, hebreo reta iTumpa chembou ndekotɨ, jae vaerä ndeve jae jei vae: Emaeño toyogüɨraja tëta chembae, chemboete vaerä ñuu pe; ërei nde jekuaeñoi mbaetɨ reipota reyeapɨsaka cheñee re.

ÉXODO 8:1

Jayave yandeYa jei Moisés pe: —Eike Faraón oïa pe jare ere chupe: “CheYa Tumpa jei körai: Emaeño toyogüɨraja tëta chembae, chemboete vaerä.

ÉXODO 8:20

YandeYa jei Moisés pe: —Ndeimbove epüa jare ekua Faraón jóvai; mase, jae ojota ɨ̈aka pe, jare ere chupe: “OreYa jei körai: ‘Emaeño toyogüɨraja tëta chembae, chemboete vaerä.

ÉXODO 8:27

Mboapɨ ara roguatata ñuu rupi, jare romeeta mɨmba oyeyukagüe oreYa Tumpa pe, jae oreokuai rami.

EZEQUIEL 6:11

YandeYa jei cheve: “Eäpiro, eyoko yoko neäka, neräse Israel pegua reta ikavimbae yae oyapo vae re, echa ñeraro pe, karuai pe jare mbaerasɨ ovakatu vae rupi omano retata.

LEVÍTICO 26:25

Ambouta peve ñeraro, ayepɨ vaerä mbaetɨ ramo perovia cheporogüɨrökuavee päve re, jare peeka yave perëta guasu rupi ñepɨ̈roka, che amondota mbaerasɨ ovakatu vae pepɨte pe, jare peñemoamɨriukata perovaicho reta pe.

DEUTERONOMIO 28:21

YandeYa güeruta peve mbaerasɨ pɨ̈chɨi yae vae, opa regua pemokañɨtei kuae ɨvɨ peike peiko vaerä pɨpe vae güi.