ÉXODO 4:21 - Biblia Guarani Tumpa Iñee

²¹ Jare yandeYa jei Moisés pe: —Reo reväe Egipto pe yave, eyapo Faraón jóvai opaete mɨakañɨ reta amee reyapo vaerä vae; ërei che amotätata ipɨa agüɨye vaerä omaeño yogüɨraja Israel iñemuña reta.

ÉXODO 4:21 Iomraidhean Croise

GÉNESIS 6:3

Jare yandeYa jei: “Mbaetɨta amaeño kuimbae oikove jekuae avei, echa jae ko sooño; jáeramo jaeño oikoveta ciento veinte año.”

1 REYES 22:22

jare jókuae espíritu jei, jae omee vaerä iyapu opaete ñeemombeúa reta mburuvicha guasu pe. Jayave yandeYa jei, jókuae rupi oyapota vae, jare omee ojo oyapo.

SALMOS 105:25

Ërei jae oipoepɨ Egiptoɨgua reta ipɨa, omotareɨ vaerä imbae vae reta, jare oyemongeta kaviä vaerä Tumpa jembiokuai reta kotɨ.

SALMOS 78:43

oyapo yave mɨakañɨ tuichagüe Egipto pe, ɨvɨ Zoán pe;

ÉXODO 10:1

YandeYa jei Moisés pe: —Ekua Faraón oïa pe; echa che amotäta ipɨa jare jembiokuai reta ipɨa, aechauka vaerä jese reta kuae mɨakañɨ ayapo vae reta,

ÉXODO 10:20

Ërei yandeYa omotäta Faraón ipɨa, jare jae mbaetɨ omaeño yogüɨraja Israel iñemuña reta.

ÉXODO 10:27

Ërei yandeYa omotäta Faraón ipɨa, jare mbaetɨ omaeño yogüɨraja.

ÉXODO 11:10

Moisés jare Aarón oyapo opaete kuae mɨakañɨ reta Faraón iɨvɨ pe; echa yandeYa omotäta Faraón ipɨa, jare mbaetɨ omaeño yogüɨraja Israel iñemuña reta ɨvɨ Egipto güi.

ÉXODO 11:9

Jayave yandeYa jei Moisés pe: —Faraón ngaraa oendu peve, jökorai jetata mɨakañɨ reta ayapogüe kuae ɨvɨ Egipto pe.

ÉXODO 14:17

Jare che amotätata Egiptoɨgua reta ipɨa, peraɨkuemoña vaerä; ayemboeteukata Faraón maratuta oasa vae rupi, opaete isundaro reta kavayu regua reta rupi, jare käretou reta ñeraro pegua rupi vi;

ÉXODO 14:4

Jare che amotätata Faraón ipɨa, peraɨkuemoña vaerä; jare ayemboeteukata Faraón rupi jare opaete isundaro reta rupi, jare oikuaata Egiptoɨgua reta che ko jae peYa vae.” Jare jae reta jökorai oyapo.

ÉXODO 14:8

YandeYa omotäta Faraón mburuvicha guasu Egipto pegua ipɨa, jare oaɨkuemoña Israel iñemuña reta; ërei Israel iñemuña reta mbaepuere yae ete rupi ko ñogüɨnoe yogüɨraja.

ÉXODO 3:19

Ërei che aikuaa katu ko mburuvicha guasu Egipto pegua ngaraa omaeño peo vaerä, jaeño chembaepuere rupi omaeñota peo.

ÉXODO 3:20

Ërei che amopüata chepo; jare aiporaraukata Egipto pe, opaete mɨakañɨ ayapota joko pe vae rupi, jayaveño omaeñota peo.

ÉXODO 7:13

Ërei jeseve Faraón ipɨa oñemotäta, mbaetɨ oipota oyeapɨsaka jae reta iñee re, yandeYa jei rami.

ÉXODO 7:3

Ërei che amotätata Faraón ipɨa, jare ayapota jeta mɨakañɨ reta ɨvɨ Egipto pe.

ÉXODO 8:11

Jare pïte reta yogüɨrajata ndegüi, ndero güi, nderembiokuai reta güi, jare nerëta pegua reta güi, opɨta retata ɨ̈aka rupiño.

ÉXODO 8:15

Ërei Faraón oecha jaekaviño ma oputuu ye yave, omotäta ipɨa jare mbaetɨ oipota oyeapɨsaka jae reta iñee re, yandeYa jei rami.

ÉXODO 8:32

Ërei ngatu Faraón omotäta yeño ipɨa, jare mbaetɨ omaeño yogüɨraja tëta yandeYa imbae.

ÉXODO 9:12

Ërei yandeYa omotäta Faraón ipɨa, jare mbaetɨ oendu jae reta iñee, yandeYa jei Moisés pe rami.

ÉXODO 9:35

Faraón ipɨa oñemotäta, jare mbaetɨ omaeño yogüɨraja Israel iñemuña reta, yandeYa jei Moisés rupi rami.

ISAÍAS 6:10

Embopɨatäta kuae tëta; eyapete iyapɨsa reta jare esaöva, agüɨye vaerä oecha reta jare oendu reta, jare ipɨa reta ave agüɨye toikuaa kavi, agüɨye toyepoepɨ reta jeko güi, okuera reta vaerä.”

ISAÍAS 63:17

OreYa Tumpa, ¿maera pa, reyavɨuka oreve nderemimbota, jare orembopɨa täta agüɨye vaerä romboete? Eyerova ye nderembiokuai reta reaɨu jeko pegua, ñemuña reta ndembae ae vae kotɨ.

San Juan 12:40

“Tumpa oesaöva reta jare ombopɨa täta, agüɨye vaerä oecha kavi reta jare agüɨye vaerä oikuaa kavi reta, jare agüɨye vaerä oyepoepɨ reta. Echa oyepoepɨ reta yave, Tumpa ombogüerata.”

Romanos 1:28

Jae reta oipotaä oikuaa Tumpa regua ramo, jae omboeterenga reta yemongeta ikavimbae pe, oyapo reta vaerä agüɨyeta tëi oyapo vae.

Romanos 9:18

Jáeramo, Tumpa oiparareko, ikɨ̈reɨ oiparareko vae. Jare ombopɨatäta, ikɨ̈reɨ ombopɨatäta vae.

2 Corintios 2:16

Oporogüɨroviambae vae reta pe kuae mano pegua ko, ërei oporogüɨrovia vae reta pe tekove pegua ko. Jare ¿kia pa ipuere oyapo kuae?

DEUTERONOMIO 2:36

Aroer güive, jae ko ɨ̈aka Arnón pegua iyɨ́vɨri, ojoi oväe Galaad pe mbaetɨ metei tëta ave oasayepe yandegüi, opaetei yandeYa Tumpa omee yandepo pe.

JOSUÉ 11:20

echa yandeYa omotäta kuae tovaicho reta ipɨa, jovaicho pota vaerä Israel iñemuña reta re, Israel iñemuña reta opa vaerä omboai, agüɨye vaerä mboroparareko güɨnoi jese reta, yandeYa oyókuai Moisés rami.

1 Pedro 2:8

Jae ko metei ita pɨ̈sa-yeyuka pegua, ita oporopɨaka vae. Echa jae reta oyepɨaka reta Tumpa iñee oendúä ramo, jókuae ra oyembojee reta ramo.