ÉXODO 32:5 - Biblia Guarani Tumpa Iñee

⁵ Aarón oecha kuae yave, oyapo metei mɨmba oyeyuka oyeapɨ jese vae, toro taɨrusu vae iä jóvai, jare osapúkai jei reve: —¡Pɨareve yayapo arete yandeYa peguarä!

ÉXODO 32:5 Iomraidhean Croise

1 REYES 21:9

Jókuae oikuatía vae pe jei: “Pemoërakua yekuaku tembíu güi vae, jare peñono Nabot re opaete vae jóvai.

2 REYES 10:20

jáeramo oporookuai oñemoërakua vaerä metei arete tuicha vae oyeapota Baal pe vae; jökorai oyeapo.

2 REYES 16:11

Jare Urías omopüa mɨmba oyeyuka oyeapɨ jese vae, mburuvicha guasu Acaz ombou iä chupe Damasco güi rami kavi, jökorai opa oyapo sacerdote Urías, ndei mburuvicha guasu Acaz ou ye Damasco güi mbove.

2 CRÓNICAS 30:5

oyemongeta reta omondo vaerä tupapire rupi omoërakua opaete Israel rupi, Beerseba güive Dan kotɨ, oparea reta chupe yogüeru vaerä Jerusalén pe oyapo Pascua yandeYa pe, Israel iTumpa pe. Echa ɨma ma mbaetɨ oyapo reta Pascua jeta vae ndive, oyekuatía oï rami.

ÉXODO 10:9

Moisés jei chupe: —Rojota oremichia reta ndive, ndechi reta ndive, oreraɨ reta jare orerayɨ reta ndive, orevecha reta jare oreguaka reta ndive; echa orearete tuicha yae vae ko oreYa peguarä.

ÉXODO 12:14

Jare kuae ara topɨta peve pemaendúa vaerä, jare peyapo arete tuicha yae vae che peYa peguarä, jare peñemuña reta toyapo vi jekuae avei.

ÉXODO 17:15

Jare Moisés oyapo metei mɨmba oyeyuka oyeapɨ jese vae, jare ombojee “yandeYa-nissi,”

ÉXODO 32:4

Aarón oipɨɨ chugüi reta, jare omondɨkui oro, jare oyasɨa jiero iyasɨaa pe, oyapo kavi regua metei toro taɨrusu vae iä. Jayave opaete reve jei reta. —¡Israel iñemuña reta, kuae ko jae petumpa, ɨvɨ Egipto güi perenoe vae!

ÉXODO 32:6

Pɨareve pe opüa reta ndeimboveasɨ, jare omee reta mɨmba oyeyukagüe opaetei oyeapɨ vae jare mbota mbɨakatu pegua, javoi oguapɨ reta okaru, okau, jare opüa reta güɨropo.

OSEAS 8:11

Echa Efraín jeta omopüa mɨmba oyeyuka oyeapɨ jese vae, ërei mbaeyoa omoïru iyeupe vaeräño omopüa reta.

OSEAS 8:14

Israel oyapo o reta ikavigüe, ërei ñakañɨ iYapoa Tumpa güi, Judá omopüa jeta tëta guasu reta jëguambae, ërei che opata amboai tata pe jókuae tëta guasu reta, jare mburuvicha guasu jo reta opata oyemboai.”

LEVÍTICO 23:2

“Ere Israel iñemuña reta pe: Peyapo arete reta ikavi yae vae cheve, pemoërakua yemboatɨ guasu mbaemboete pegua, jae kuae reta:

LEVÍTICO 23:21

Jókuae ara peyapo yemboatɨ mbaemboete pegua, agüɨye mbae nunga mbaravɨkɨ ipoɨgüe peyapo; mborookuai jekuae avei pegua toiko peve jare peñemuña reta peguarä oipota rupi peikoa rupi.

LEVÍTICO 23:37

Jae kuae arete reta ikavi yae vae cheveguarä, pemoërakua yemboatɨ guasu mbaemboete pegua, pemee vaerä mbota oyeapɨ vae cheve, mɨmba oyeyukagüe opaetei oyeapɨ vae jare mbota temitɨ jäɨgüe, jare mɨmba oyeyukagüe jare mbota vino oyepɨyere vae. Opaete kuaekuae toyeapo iara pe kavi.

LEVÍTICO 23:4

Jae kuae arete reta mbaemboete pegua cheveguarä, yemboatɨ reta mbaemboete pegua ko; kuae ara oväe ñavo peyomboatɨ:

1 Corintios 5:8

Jáeramo yayapo arete, ërei agüɨye mbɨyape imbovúa indechigüe ndive ani ikavimbae ndive. Jaeño mbɨyape oyembovumbae ikavigüe jare añetegüe ndive.

1 SAMUEL 14:35

Jare Saúl omopüa metei mɨmba oyeyuka oyeapɨ jese vae yandeYa pe, jare jae räri omee jese mɨmba oyeyukagüe.