ÉXODO 32:4 - Biblia Guarani Tumpa Iñee

⁴ Aarón oipɨɨ chugüi reta, jare omondɨkui oro, jare oyasɨa jiero iyasɨaa pe, oyapo kavi regua metei toro taɨrusu vae iä. Jayave opaete reve jei reta. —¡Israel iñemuña reta, kuae ko jae petumpa, ɨvɨ Egipto güi perenoe vae!

ÉXODO 32:4 Iomraidhean Croise

1 REYES 12:28

Jare oyemongeta reta ma kuae re yemboatɨa pe ramo, mburuvicha guasu oyapouka mókoi toro taɨrusu iä oro pegua, jare jei opaete vae pe: “Pe Israel iñemuña reta, peo mbateeiño ma Jerusalén kotɨ; ko oï petumpa reta, kuae reta ko perenoe pereru Egipto güi.”

1 REYES 12:32

Ombojee vi oyeapo vaerä metei arete ikavi yae vae quince ara juri yasɨa pe, Judá pe arete ikavi yae vae oyeapo rami, jare jae etei omee mɨmba oyeyukagüe, mɨmba oyeyuka oyeapɨ jese vae re. Oyapo Bet-el pe, omee mɨmba oyeyukagüe toro taɨrusu iä oyapogüe pe. Jókuae mbaemboete renda oyapoa pe ombojee vi sacerdote retarä.

2 REYES 10:20

jáeramo oporookuai oñemoërakua vaerä metei arete tuicha vae oyeapota Baal pe vae; jökorai oyeapo.

2 REYES 10:29

Ërei ngatu Jehú mbaetɨ oyembosɨrɨ amogüe Jeroboam Nabat taɨ iyoa reta güi, Israel iñemuña reta pe oyapouka mbaeyoa vae güi, echa jekuaeñoi omboete toro taɨrusu vae iägüe oro pegua, Bet-el pe jare Dan pe oï reta vae.

2 CRÓNICAS 11:15

Jare jae oñono isacerdoterä mbaemboete renda reta ɨvɨtɨ re ñogüɨnoi vae peguarä, omee vaerä mbaemboete aña reta pe jare toro taɨrusu vae iä reta pe jae oyapo vae pe.

2 CRÓNICAS 13:8

Añave pe reta peipota peñemopüa yandeYa iporookuaía David taɨ reta ipo pe oï vae re, echa pe reta jeta peï jare penoi toro taɨrusu vae iä oro pegua Jeroboam oyapo itumparä vae.

NEHEMÍAS 9:18

Yepe tëi oyapo reta iyeupe tumpa-raanga, oro oyemondɨkuigüe pegua metei toro taɨrusu vae iä, jei reta jókuae tumpa ko omborɨ reta ñogüɨnoe vaerä Egipto güi vae, jare oyapo reta mbae pɨ̈chɨi yae vae ndekotɨ,

ÉXODO 20:2

“Che ko jae peYa Tumpa, perenoe ɨvɨ Egipto güi vae, yeokuaiasɨ katu güi.

ÉXODO 20:23

Agüɨye peyapo tumpa oro pegua ani korepoti pegua, pemboete vaerä che chemboete rami.

ÉXODO 20:4

Agüɨye peyapo peyeupe mbae iägüe pemboete vaerä, ani mbae iägüe ɨvate ara pe oï vae ave, ani ɨvɨ pe oï vae ave, ani ɨ pe ɨvɨgüɨ pe oï vae ave.

ÉXODO 28:11

oikatu ita oikuatía vae pe, sello oyeapo rami eikuatiauka mókoi ita reta re Israel taɨ reta jee, jare jembeɨ rupi toñova reta oro pe.

ÉXODO 28:9

Jare toikuatía reta mókoi ita ónice jee vae re Israel taɨ reta jee;

ÉXODO 32:1

Israel iñemuña reta oecha Moisés ogüeyɨ raiviä ma ɨvɨtɨ güi yave, oyomboatɨ reta Aarón oïa pe jare jei reta chupe: —Eyapo oreve tumpa orereroata vaerä; echa Moisés orerenoe ɨvɨ Egipto güi vae, mbaetɨ roikuaa mbae ra oasa vae.

ÉXODO 32:24

Che jae chupe reta: “Oro güɨnoi vae tombosɨrɨ.” Jare omee reta cheve, jare aitɨ tata pe, ¡jare oë kuae toro taɨrusu vae iä!

ÉXODO 32:3

Jayave opaete vae oekɨ iyeugüi namicha oro pegua, jare güɨraja reta Aarón pe;

ÉXODO 32:35

Jare yandeYa ombou mbaerasɨ opaete vae re, echa omboete reta toro taɨrusu vae iä, Aarón oyapo chupe reta vae.

ÉXODO 32:5

Aarón oecha kuae yave, oyapo metei mɨmba oyeyuka oyeapɨ jese vae, toro taɨrusu vae iä jóvai, jare osapúkai jei reve: —¡Pɨareve yayapo arete yandeYa peguarä!

ÉXODO 32:7

Jayave yandeYa jei Moisés pe: —Ekua, egüeyɨ ekua, echa ɨvɨ Egipto güi renoe vae reta, opa oikomegua.

ÉXODO 32:8

Jarembae yae opia reta che ayókuai reta vae güi, oyapo reta iyeupe toro taɨrusu vae iä oro pegua, oyemondɨkui oyeapo vae, omboete reta jare omee reta chupe mɨmba oyeyukagüe, jare jei reta: “¡Israel iñemuña reta, kuae ko jae petumpa, ɨvɨ Egipto güi perenoe vae!”

ISAÍAS 30:22

Jayave, reröɨrota remae mbae iä korepoti pe jare oro pe oñeova vae reta re. Opata kuae mbaembae reta renoe remombo mbae ikavimbae rami, ɨtɨ rami remaeta jese reta.

ISAÍAS 46:6

Amogüe reta güɨnoe oro jɨru güi ani ojäa korepoti mbaejäaka pe, javoi oyókuai metei ipoki korepoti pegua mbaravɨkɨ oyapo vae, oyókuai oyapo vaerä itumparä; javoi oyetavatɨka omboete.

EZEQUIEL 23:8

Egipto pe omboɨpɨ iyaguasa pota vae mbaetɨ oeya. Taɨrusu güive oyapakua kuimbae ndive jare oasa jae ndive, jökorai oyeapo iyaguasa pota yae vaerä.

OSEAS 10:5

Guaka taɨrusu vae iä Bet-avén pegua oyemboai jeko pegua okɨɨyeta Samaria pegua reta. Jae reta jare isacerdote reta jäse retata toro taɨrusu vae iä oyemboai vae re, echa iyemboetea oyekou jese vae opata okañɨtei.

OSEAS 13:2

¡Ërei jeseve jeieteño iyoa reta! Ikorepoti omondɨkui reta oyapo vaerä itumparä mbae iä, ipoki mbae oyapo vae oipota oyapo rami. Javoi jei reta: “¡Pemee mɨmba oyeyukagüe chupe!” Jare oovapɨte reta jókuae toro taɨrusu iä.

Hechos 17:29

Tumpa iñemuña ko yande yave, mbaetɨ ko ikavi yae vaerä Tumpa ko jae mbae iä oro pegua, korepoti pegua ani ita pegua, kuimbae reta ipoki rupi oyapo vaeño ko.

Hechos 7:41

Jayave oyapo reta metei toro taɨrusu vae iä, jare omee reta mɨmba oyeyukagüe jókuae tumpa-raanga pe. Omboarete reta jókuae ipo pe oyapo vae.

1 Corintios 10:7

Agüɨye petumpa-raanga pota jae reta rami, echa oyekuatía oï körai: “Oguapɨ reta okaru, okau, jare opüa reta güɨropo.”

DEUTERONOMIO 9:16

Jare amae yave pekotɨ aecha peyoa yepe yandeYa Tumpa kotɨ, peyapo peyeupe toro taɨrusu vae iä jiero oyemondɨkui vae pegua, pepia aramoete yandeYa peokuai tëi vae güi,

JUECES 8:24

Jaeño aipota pemee cheve moäka-vera reta pepɨ̈rogüe. Echa Madián pegua reta omomora yae oro, jae ko ismaelita reta.

JUECES 8:27

Jókuae oro güi Gedeón oyapo tumpa-raanga, jare oñono Ofra pe, jae jëta pe, jare opaete Israel iñemuña reta yogüɨraja joko pe jókuae tumpa-raanga jeko pegua jare opia reta Tumpa güi; kuae rupi ou yemboavai Gedeón pe jare jo pegua reta pe.