ÉXODO 32:11 - Biblia Guarani Tumpa Iñee

¹¹ Jayave Moisés oyerure yandeYa Tumpa pe, jei: —CheYa, ¿maera pa ndearasɨta ndembae vae reta kotɨ, nde renoe ɨvɨ Egipto güi ndembaepuere yae rupi vae?

ÉXODO 32:11 Iomraidhean Croise

GÉNESIS 18:27

Abraham jei ye chupe: —Neɨ̈ro cheve cheYa, mase chemiari ye, yepe tëi che ko ɨvɨkúi jare tanimbu rami.

1 REYES 8:51

Echa tëta ndembae ko, nde renoe reta Egipto güi, horno jiero omondɨkui rami vae güi.

NEHEMÍAS 1:10

Jae reta ko nderembiokuai, ndembae vae reta ko, ndembaepuere yae rupi reepɨ reta vae.

SALMOS 106:23

Tumpa opata tëi omboai reta, ërei jembiparavo Moisés oyopia, omoröɨsa iyarasɨ chugüi, agüɨye vaerä opa omboai.

ÉXODO 32:7

Jayave yandeYa jei Moisés pe: —Ekua, egüeyɨ ekua, echa ɨvɨ Egipto güi renoe vae reta, opa oikomegua.

ÉXODO 6:6

Jáeramo, rereta Israel iñemuña reta pe: —Che ko peYa; che pogüɨnoeta mbaravɨkɨ ipoɨgüe peyapo Egipto pe vae güi, poyorata yeokuaiasɨ katu güi, che poepɨta morojäa tuichagüe rupi.

ÉXODO 8:8

Jayave Faraón oenɨi Moisés jare Aarón, jare jei chupe reta: —Peyerure peYa kotɨ oekɨ vaerä chegüi pïte reta jare cherëta güi, javoi amaeñota yogüɨraja nerëtaɨgua reta, omee reta vaerä mɨmba oyeyukagüe peYa pe.

ISAÍAS 63:17

OreYa Tumpa, ¿maera pa, reyavɨuka oreve nderemimbota, jare orembopɨa täta agüɨye vaerä romboete? Eyerova ye nderembiokuai reta reaɨu jeko pegua, ñemuña reta ndembae ae vae kotɨ.

JEREMÍAS 15:1

YandeYa jei cheve: “Yepe tëi mona Moisés jare Samuel oyerure cheve, ngaraa aiparareko kuae tëta. Ere kuae tëta pe toë, tojo reta cheróvai güi.

LAMENTACIONES 2:20

Emae cheYa Tumpa, mbaetɨi ko kia jökorai reyapo. ¿Kuña reta jouta pa imembɨ raɨ ovoɨ vae? ¿Sacerdote jare ñeemombeúa oyeyukaukata pa o mbaemboetea pe?

EZEQUIEL 20:9

Ërei aipoepɨ cheyemongeta cheree jeko pegua, agüɨye vaerä jërakua pɨ̈chɨi cheree ïru tëtaguasu reta rupi, jókuae yogüɨrekoa rupi, echa jae reta jovake ayekuaauka chupe reta jare arökuavee anoe reta vaerä Egipto güi.

DANIEL 9:15

OreYa Tumpa, ndembae vae reta renoe ɨvɨ Egipto güi ndembaepuere pe, jökorai rembotuicha nderee jókuae ara güive añave regua; ërei ore oreyoa, royapo ikavimbae.

JOEL 2:17

Tupao joka pe toyaeo sacerdote yandeYa jembiokuai reta, jare tei reta: “Neïro oreYa, kuae tëta ndembae pe, agüɨye emee ñemomarai pe ndembae vae reta; agüɨye ïru tëtaguasu reta toyuvanga jese. ¿Remaeñota pa ïru tëtaguasu reta jei vaerä: ‘Jama pa neTumpa’?”

NÚMEROS 11:11

Jare Moisés jei yandeYa pe: —¿Maera pa reyapo ikavimbae che nderembiokuai pe? ¿Maera pa mbaetɨ ndepɨakavi cheve, reñono chepo pe opaete kuae tëta iyemoambeko?

NÚMEROS 14:13

Ërei Moisés jei yandeYa pe: —Kuae oenduta ko Egiptoɨgua reta, echa nde ko renoe kuae tëta jae reta ipɨte güi ndembaepuere rupi,

NÚMEROS 16:22

Jayave jae reta oyetavatɨka jare itindɨasɨ ɨvɨ re, jare jei reta: —OreRu Tumpa, opaete oikove vae reta jekove iTumpa, ¿metei kuimbaeñoä pa iyoa? ¿Maera pa ndearasɨ opaete kuae yatɨ vae reta kotɨ?

NÚMEROS 21:7

Jayave opaete vae yogüeru Moisés oïa pe, jare jei reta chupe: —¡Oreyoa, romoë ramo oreñee yandeYa kotɨ jare nde kotɨ! ¡Eyerure yandeYa pe oekɨ vaerä oregüi kuae mboi reta! Moisés oyerure opaete vae re,

NÚMEROS 27:4

¿Maera pa okañɨta oreru jee iñemuña reta ipɨte güi? Emee oreɨvɨrä oreru jëtara reta ipɨte pe.”

1 SAMUEL 15:11

—Chembopɨatɨtɨ Saúl añono ramboeve mburuvicha guasurä, echa opia chegüi, jare mbaetɨ oyapo jaegüe. Jare Samuel ipɨatɨtɨ yae, oyerure yandeYa pe opaete jókuae pɨ̈tu omoñera reve.