ÉXODO 3:9 - Biblia Guarani Tumpa Iñee

⁹ Israel iñemuña reta iyerure ou aendu, jare aecha vi Egiptoɨgua reta oiporarauka chupe vae.

ÉXODO 3:9 Iomraidhean Croise

GÉNESIS 16:11

Añave ndepurúa reï, oata jókuae nemembɨ jare rembojeeta Ismael. Echa yandeYa oendu ndepɨatɨtɨ.

GÉNESIS 31:12

Jayave Araɨgua jei: ‘Emopüa neäka jare emae, reechata opaete vecha kuimbae oipɨɨ jembireko vae ipara, ipara jɨsɨ jare ipini vae. Echa aecha opaete Labán oyapo ndeve vae.

2 REYES 13:4

Jayave Joacaz oyerure yandeYa pe, jare yandeYa oendu chupe iyerure, echa omae Israel iñemuña reta ipɨatɨtɨ yae vae re, oecha kërai mburuvicha guasu Siria pegua oiporarauka yae Israel iñemuña pe reta vae.

2 REYES 20:5

“Eyerova ye jare ere Ezequías pe, chembae vae reta juvicha pe: ‘Körai jei yandeYa, neñemuñagüe David iTumpa: Che aendu ndeyerure jare aecha nderesaɨ. Rombogüerata jare mboapɨ araa pe reota chetupao pe.

NEHEMÍAS 9:9

Jare nde reecha oreñemuñagüe reta oiporara Egipto pe vae, jare reendu oyaeo reta Ɨguasu Pɨ̈ta vae pe vae.

SALMOS 12:5

YandeYa jei körai: “Paravete vae jare mbae re oata vae reta re peyuvanga. Jáeramo, añave apüata, aroasayepeta, oeka tëi oasayepe vaerä yogüɨreko vae.”

SALMOS 9:14

Chemiari vaerä ndeño ipuere ndemboete vae. Tëta guasu Sión jöke pe amoërakuata. Ayerovia, echa nde chereroasayepe.

ÉXODO 1:11

Jáeramo, oñono reta iárambo mbaravɨkɨ re oyangareko vae reta, oyapouka vaerä chupe reta mbaravɨkɨ ipoɨ vae; jare oyapo reta mburuvicha guasu pembaagüɨye jɨrurä, tëta Pitón pe jare Ramesés pe.

ÉXODO 1:22

Jayave Faraón oyókuai opaete jëtaɨgua reta, körai: “Pemombo ɨ pe opaete michia raɨ kuimbae oa vae, ërei kuña ko yave pemaeño toikove.”

ÉXODO 1:8

Jayave opüa ïru mburuvicha guasu Egipto pe mbaetɨ oikuaa José regua vae; jare jei jëtaɨgua reta pe:

ÉXODO 2:23

Kuae jaɨkue rupi, ɨma ma oasa yave, mburuvicha guasu Egipto pegua omano. Israel iñemuña reta jeieteño güɨroäse yeokuaiasɨ katu, jare ipɨatɨtɨ reve oyerure reta Tumpa pe; jare jae oendu jae reta iyerure yeokuaiasɨ katu jeko pegua.

ÉXODO 2:25

Tumpa omae Israel iñemuña reta re, jare oecha kërai yogüɨreko vae.

ÉXODO 3:7

Jaɨkue rupi yandeYa jei ye: —Aecha kavi ko Egipto pe tëta chembae oï vae, jare aendu iyerure mbɨatɨtɨ reve vae, oiporara yae mbaravɨkɨ iyangarekoa reta güi jeko pegua; aikuaa katu ko jembiporara reta.

ECLESIASTÉS 4:1

Javoi amae opaete tekorai oyeapo kuae ɨvɨ pe vae re. Aecha oyaeo yogüɨrekoasɨ katu vae reta, jare mbaetɨ kia ombopɨakatu reta vaerä. Echa oporogüɨrekoasɨ katu vae reta güɨnoi mbaepuere jese reta.

ECLESIASTÉS 5:8

Metei tëtaguasu pe reecha yave paravete vae oyererekoasɨ katu jare jupigüe mbaetɨ oyeapo chupe yave, agüɨye nepɨakañɨ jese; echa metei mburuvicha re omae, ïru mburuvicha ma tuicha vae, jare ïru mburuvicha tuicha yae ete vae güɨnoi mbaepuere kuae mókoi reta re.

AMÓS 4:1

Peendu kuae ñee, guaka reta Basán pegua, Samaria iɨvɨtɨ re peiko vae, peyuvanga paravete vae reta re vae; peme reta pe pere: “Peru vino rou vaerä.”

DEUTERONOMIO 26:7

Jayave royerure mbɨatɨtɨ ndive Tumpa pe, oreñemuñagüe reta iTumpa pe; jare jae oendu oreñee, jare oecha roiporara vae jare oreokuaiasɨ katu vae;

1 SAMUEL 9:16

“Pɨareve koyave etei, che ambouta ndépɨri metei kunumi Benjamín iñenuña reta iɨvɨ kotɨ güi, jae reiparavota Israel iñemuña reta pe mburuvicharä jae oepɨta chembae vae, filisteo reta ipo güi; echa aiparareko amae jese reta, jäse aendu jeko pegua.”