ÉXODO 3:8 - Biblia Guarani Tumpa Iñee

⁸ Jare ayu ayora vaerä Egiptoɨgua reta ipo güi, anoe reta vaerä jókuae ɨvɨ güi metei ɨvɨ ikavi jare ipɨguasu vae pe, ɨvɨ kavi pe; cananeo reta, heteo reta, amorreo reta, ferezeo reta, heveo reta jare jebuseo reta ñogüɨnoia pe.

ÉXODO 3:8 Iomraidhean Croise

GÉNESIS 11:5

Jare yandeYa ogüeyɨ omae vaerä tëta guasu re jare o ɨvate yeyé kuimbae reta oyapo ñogüɨnoi vae re,

GÉNESIS 11:7

Añave, ikavi yagüeyɨ joko pe yamoambuae chugüi reta iñee, agüɨye vaerä ipuere oikuaa reta iñee oyoupe.”

GÉNESIS 15:13

Jayave yandeYa jei Abram pe: —Añetete, neñemuña reta yogüɨrekota ɨvɨ ambuae pe, joko pe yogüɨreko retata tembiokuai oyeguagüe rami, jare oiporara retata cuatrociento año rupi.

GÉNESIS 15:14

Ërei jókuae tëtaguasu oiporaraukata chupe reta vae, che aiporaraukata vi chupe reta; kuae jaɨkue rupi oë reta yeta jeta mbaeyekou ndive.

GÉNESIS 18:21

añave agüeyɨta jokotɨ, jare aechata oyapo reta ra mbaeyoa, jërakua cheve rami. Ërei mbaetɨ yave aikuaata.

GÉNESIS 43:11

Jayave tu Israel jei taɨ reta pe: —Körai ko añete, jayave peyapo jökorai: Peñoña pevoɨtarɨru pe opaete mbaembae ikavigüe kuae yandeɨvɨ pe oñemuña vae, peraja jókuae kuimbae pe mbota; peraja mbovɨ ɨvɨra iyaɨsɨgüe Bálsamo jee vae, ei jare mbae ikäti kavi vae, mirra jare nuez jäɨ jare almendra jäɨgüe.

GÉNESIS 46:4

Che ajata nde ndive Egipto pe, jare che vi anoe yeta joko güi neñemuña reta. José oïta nde ndive remano yave.

GÉNESIS 50:24

Jare José jei jëtara reta pe: “Che amanota ma, ërei Tumpa outa metei ara pemborɨ, jae perenoeta kuae ɨvɨ güi, arakae ma Tumpa güɨrökuavee ɨvɨ Abraham pe vae, jare Isaac pe jare yanderu Jacob pe vae kotɨ.”

1 CRÓNICAS 1:15

heveo reta, araceo reta, sineo reta,

NEHEMÍAS 9:8

Jare reecha ipɨa jupi ndekotɨ, jare reyapo morogüɨrökuavee päve jae ndive, remee vaerä chupe jare iñemuña reta pe cananeo reta iɨvɨ, heteo reta, amorreo reta, ferezeo reta, jebuseo reta jare gergeseo reta imbae. ¡Jare nde rembopo neñee, echa nde ko jupi vae!

SALMOS 12:5

YandeYa jei körai: “Paravete vae jare mbae re oata vae reta re peyuvanga. Jáeramo, añave apüata, aroasayepeta, oeka tëi oasayepe vaerä yogüɨreko vae.”

SALMOS 12:6

YandeYa iñee ikɨambae ko; ¡korepoti oyeambae rami ko, oyekɨa yoe kavi yae horno pe vae rami!

SALMOS 34:8

Peeka jare peikuaa, ikavi ko yandeYa. ¡Oyerovia yae ko kuimbae, jese oyeko vae!

SALMOS 91:15

Chereenɨita, jare che aenduta chupe; ¡jae ndive aïta mbɨatɨtɨ pe! Aepɨta jare amboeteukata.

ÉXODO 12:41

jare cuatrociento treinta año oasa yave, jókuae ara etei yandeYa imbae reta jeta yae vae opa ñogüɨnoe ɨvɨ Egipto güi.

ÉXODO 12:51

Jókuae ara etei yandeYa güɨnoe ɨvɨ Egipto güi Israel iñemuña reta, ñemuña ñavo rupi kavi.

ÉXODO 13:5

kuae yasɨ pe etei peyapota arete, yandeYa pereraja ma peñono jókuae ɨvɨ kavi yae vae pe yave, jae ko cananeo, heteo, amorreo, heveo, jare jebuseo reta iɨvɨ, peñemuñagüe reta pe jae oñererökuavee omee vaerä peve vae pe.

ÉXODO 3:17

Jare perenoeta mbɨatɨtɨ güi, Egipto güi metei ɨvɨ kavi pe, cananeo reta, heteo reta, amorreo reta, ferezeo reta, heveo reta jare jebuseo reta iɨvɨ pe.”

ÉXODO 34:11

Peyapo che poyókuai añave vae; mase, che amoëta amombo perenonde güi amorreo reta, cananeo reta, heteo reta, ferezeo reta, heveo reta jare jebuseo reta.

ÉXODO 5:23

Echa, nderee re ayu chemiari Faraón ndive güive mbaetɨ ikavi güɨreko ndembae vae reta; jare nde mbaetɨ etei mbae reyapo reepɨ vaerä.

ISAÍAS 36:17

Ou regua pereraja metei ɨvɨ, kuae peɨvɨ rami vae pe, ɨvɨ kavi trigo peguarä jare uva peguarä vae pe, tembíu katúa pe.

ISAÍAS 64:1

Remondoro yave mona ara, javoi regüeyɨ, nderóvai opata ko tɨkui ɨvɨtɨ reta,

JEREMÍAS 11:5

Jökorai, che ambopota morogüɨrökuavee päve ayapo peñemuñagüe reta ndive vae, amee vaerä peve ɨvɨ kavi yae añave penoi vae.’ ” Jare che jae: “Añete ko cheYa.”

JEREMÍAS 2:7

Che ko pogüeru kuae ɨvɨ kavi pe, mbaagüɨye reta peu vaerä chugüi jare mbaembae ia ikavi vae. Ërei peike jare perokomegua kuae cheɨvɨ, pemongɨa jare chemboyuguaruuka kuae ɨvɨ chembae güi.

JEREMÍAS 32:22

Remee kuae ɨvɨ kavi Israel pe, nde rerökuavee iñemuñagüe reta pe rami.

EZEQUIEL 20:6

Jókuae ara añererökuavee anoe reta vaerä Egipto güi, araja vaerä ɨvɨ kavi che ameeta chupe retaa pe, ¡ɨvɨ ipöra yae ïru ɨvɨ reta güi vae!

LEVÍTICO 20:24

Ërei che arökuavee peve peiko vaerä jókuae jae reta iɨvɨ iyarä, che amee jókuae ɨvɨ kavi pembaerä. Che ko peYa Tumpa, peparavo ïru tëta reta güi vae.

AMÓS 2:10

Che ko pogüɨnoe ɨvɨ Egipto güi, jare pogüɨroata ñuu rupi cuarenta año, peike vaerä pepɨ̈ro peyeupe amorreo reta iɨvɨ.

NÚMEROS 13:18

pemae kavi kërai etei ko ɨvɨ vae, jare joko pegua tëta re, imbaepuere yae reta ra, ani ipɨtu yae reta ra, jeta yae reta ra, ani mbovɨño ra vae.

NÚMEROS 13:19

Kërai ra jókuae ɨvɨ yogüɨreko reta pɨpe vae, ikavi ra ani ikaviä ra; jaeramiño vi kërai etei ra tëta yogüɨreko pɨpe vae, teyupaño ra ani tëta oñekëse kavi yae vae ra;

NÚMEROS 13:27

Imiari reta Moisés pe körai: —Rojo roväe jókuae ɨvɨ oremondo romae jesea pe; añetete yepe ɨvɨ ikavi yae; kuae ko jae joko pegua temitɨ iagüe.

San Juan 3:13

Mbaetɨ kia ave ojo ara pe, jaeño ara güi ogüeyɨ vae, jae ko che Kuimbaerä ayeapo vae.

San Juan 6:38

Echa agüeyɨ ara güi ayapo vaerä chembou vae jemimbota. Mbaetɨ ayu ayapo vaerä cheremimbota.

DEUTERONOMIO 1:25

Jare güeru reta yandeve jókuae ɨvɨ güi mbae iagüe, jare imiari reta jei reve: ‘Ikavi yae ɨvɨ yandeYa Tumpa omee yandeve vae.’

DEUTERONOMIO 1:7

Peyupavo jare pekua amorreo reta iɨvɨ ɨvɨtɨ katuai vae rupi, jare opaete iyɨ́vɨri rupigua ɨvɨ rupi: Arabá pegua ɨvɨtɨ katuai vae rupi, ñuu rupi, jare Neguev rupi, Ɨguasu Mediterráneo jembeɨ rupi, cananeo reta iɨvɨ pe jare Líbano, ɨ̈aka guasu Éufrates kotɨ peväe regua.

DEUTERONOMIO 27:3

peikuatía jese opaete kuae mborookuai reta, peasa ma yave yandeYa Tumpa omee ɨvɨ ikavi yae vae peve vae pe, yandeYa Tumpa güɨrökuavee peñemuñagüe reta pe rami.

DEUTERONOMIO 28:11

YandeYa pemboyekouta pembaembae rupi, peraɨ reta rupi, perɨmba imembɨ reta rupi, peremitɨ reta ia rupi, jókuae ɨvɨ güɨrökuavee jee re omee vaerä peñemuñagüe reta pe vae pe.

DEUTERONOMIO 6:3

Pe, Israel iñemuña reta, peendu peyeupe, peyeandu avei agüɨye vaerä peakañɨ peyapo, peiko kavi vaerä jókuae ɨvɨ kavi pe, peñemuña vaerä jeta, yandeYa, peñemuñagüe reta iTumpa güɨrökuavee peve rami.

DEUTERONOMIO 7:1

YandeYa Tumpa pereroike yave ɨvɨ peiketa peñemoëta pɨpe vae pe, jare opa ma yave omoë omombo perenonde güi chiu tëtaguasu reta imbaepuere yae pegüi vae: Heteo reta, gergeseo reta, amorreo reta, cananeo reta, ferezeo reta, heveo reta jare jebuseo reta.

JOSUÉ 5:6

Echa Israel iñemuña reta oguata yogüɨreko ñuu rupi cuarenta año, opaete kuimbae ñeraro regua opa ma omano regua, yandeYa iñee mbaetɨ güɨrovia reta jeko pegua; jáeramo yandeYa jee re ae jei chupe reta, mbaetɨta oechauka chupe reta iñemuñagüe reta pe jae güɨrökuavee jee re ae ɨvɨ omee vaerä vae, ɨvɨ ikavi yae vae.

JOSUÉ 9:1

Opaete kuae mbaembae oendu yave mburuvicha guasu reta ɨ̈aka Jordán jovaicho pe kuaraɨ oikea kotɨ yogüɨreko vae reta, ɨvɨtɨ guasu rupi, ɨvɨpe kavi rupi jare opaete ïguasu Mediterráneo jembeɨ rupi Líbano jóvai yogüɨreko vae reta, heteo reta, amorreo reta, cananeo reta, ferezeo reta, heveo reta jare jebuseo reta,

JOSUÉ 9:7

Jare Israel iñemuña reta jei heveo reta pe: —Güɨramoi pe reta köiño peiko oregüi; ¿këraita pa royapo ñemoïru pe ndive?