ÉXODO 3:12 - Biblia Guarani Tumpa Iñee

¹² Jare Tumpa jei: —Ekua, echa che aïta nde ndive; jare kuae toï ikañɨmaa vaerä che etei ko romondo vae: Renoe ma Egipto güi tëta chembae yave, chemboeteta kuae ɨvɨtɨ re.

ÉXODO 3:12 Iomraidhean Croise

GÉNESIS 15:1

Opa kuaekuae reta oasa güire yandeYa oyeechauka Abram pe, jei reve chupe: —Agüɨye ekɨɨye Abram, che ko jae ndeyeopiaka. Mbaeyekou ndeparavɨkɨ jepɨgüe jeta yaeta.

GÉNESIS 15:8

Abram jei: —¡CheYa! ¿Kërai pa chepuereta aikuaa kuae ɨvɨ chembae ko vae?

GÉNESIS 26:3

eiko oguataiño vae rami kuae ɨvɨ pe, che aïta nde ndive, cheporerekuata nderé, echa ndeve jare neñemuña reta pe ameeta opaete kuae ɨvɨ. Jökorai amoañeteta ñererökuavee ayapo nderu Abraham ndive vae.

GÉNESIS 31:3

Jayave yandeYa jei vi Jacob pe: “Eyupavo jare ekua ye nderu iɨvɨ kotɨ, nerëtara reta ñogüɨnoia pe, jare che aïta nde ndive.”

2 REYES 19:29

Jayave Isaías jei Ezequías pe: “Kuae ko jae mɨakañɨ oyeapota vae: Kuae año re jare ïru año re peuta trigo äre ia, ërei mboapɨa año re peñotɨta jare peipoota, peñotɨta uva jare peuta iagüe.

1 CRÓNICAS 9:20

Tenonde yave, Finees, Eleazar taɨ oiko tenondeguarä chupe reta; jare yandeYa oiko jae ndive.

SALMOS 86:17

Eyapo che ndive kañɨmaa ikavigüe vae, toecha chemotareɨ vae reta jare timara reta, echa, ¡nde ko cheYa Tumpa, chemborɨ jare chembopɨakatu!

ÉXODO 18:5

Jare Jetro ou Moisés jembireko jare taɨ reta ndive Moisés oyembojeyupa oïa pe, Tumpa iɨvɨtɨ jóvai;

ÉXODO 3:1

Moisés omongaru oiko jovaya Jetro, sacerdote Madián pegua ivecha reta yave, güɨraja vecha reta ñuu rupi, jare ojo oväe Horeb pe, Tumpa iɨvɨtɨ pe.

ÉXODO 3:13

Jare Moisés jei Tumpa pe: —Mase, aja aväe yave Israel iñemuña reta pɨri, jare jaeta chupe reta: “Peñemuñagüe reta iTumpa chembou pekotɨ,” jare jae reta oparandu yave cheve: “¿Mbae pa jee?” ¿Che pa, mbae jaeta chupe reta?

ÉXODO 33:14

Jare Tumpa jei chupe: —Che etei aïta nde ndive, jare mbaetɨta ma mbae re reyemoambeko.

ÉXODO 4:12

Añave ekua jare che ameeta neñeerä jare romboeta kërai nemiari vaerä.

ÉXODO 4:15

Nde nemiarita chupe opaete ñee reta; che ameeta peve peñeerä, pomboeta mbae ko peyapota vae re.

ÉXODO 8:27

Mboapɨ ara roguatata ñuu rupi, jare romeeta mɨmba oyeyukagüe oreYa Tumpa pe, jae oreokuai rami.

ISAÍAS 37:30

Javoi Isaías jei Ezequías pe: “Kuae rupi reikuaata jókuae oasata vae: Kuae año jare kutɨgua año pe peuta trigo äre ia, ërei mboapɨa año pe peñotɨta jare peipoota, peñotɨta uva jare peuta iagüe.

ISAÍAS 41:10

Agüɨye ekɨɨye, che ko aï nde ndive; agüɨye ndepɨtu, che ko neTumpa romomɨ̈rata vae, romborɨ aveita, chembaepuere pe roñovatu aveita.

ISAÍAS 43:2

Ɨ reta reasa yave, che aïta nde ndive, ɨ̈aka reta reasa yave, ngaraa ɨ ndereraja; tata reasa yave, ngaraa rékai, ngaraa ave nderendɨ.

ISAÍAS 7:14

Jáeramo, yandeYa etei oyapota mɨakañɨ peve: Mase, ko metei kuñatai ndei etei kuimbae ndive oasa vae ipuruata, oata imembɨ metei kunumi raɨ, jare ombojeeta Emanuel pe.

JEREMÍAS 1:8

Agüɨye ekɨɨye kia reta güi, echa che aïta nde ndive roepɨ vaerä, che ndeYa ko, jae kuae ndeve.”

NÚMEROS 16:28

Jare Moisés jei: —Kuae rupi peikuaata yandeYa ko chembou ayapo vaerä opaete kuae mbaembae vae, mbaetɨ ko ayapo cheyeugüi aeño.

NÚMEROS 23:21

Mbaetɨi oecha ikavimbae jare yembotavɨ Israel iñemuña reta re. YandeYa Tumpa oime oï jae reta ndive. Jare jae reta osapúkai omboete mburuvicha guasu rami.

San Mateo 28:20

Pemboe reta opaete che poyókuai vae re. Jare che aïta pe ndive opaete ara kuae ɨvɨ iyapɨ regua. ¡Amén!

San Marcos 16:20

Jare jemimboe reta yogüɨraja omoërakua Tumpa Iñee opaete kerupi. Jare yandeYa omborɨ, jare omoañete jemimboe reta iñee mɨakañɨ reta rupi. Amén.

Hechos 11:21

YandeYa omborɨ reta, jare jeta vae güɨrovia jare oyerova yandeYa kotɨ.

Hechos 7:7

Ërei che aiporaraukata jókuae tëtaguasu oyapota jembiokuai retarä vae reta pe, jare jókuae jaɨkue rupi neñemuña reta oëta joko güi, jare oyeokuai retata cheve kuae ɨvɨ pe.”

Romanos 8:31

¿Mbae pa yaeta jayave kuae re? Echa Tumpa ko yandemborɨ vae, jayave ¿kia pa ñanemoamɨrita?

DEUTERONOMIO 31:23

YandeYa oyókuai Josué, Nun taɨ, jei chupe körai: “Eñemomɨ̈rata jare eñemoäta ngatu, echa nde reroiketa Israel iñemuña reta jókuae ɨvɨ añererökuavee cheree re amee vaerä chupe reta vae pe, che aïta nde ndive.”

Hebreos 13:5

Agüɨye peipotarai korepoti. Peyerovia mbaembae penoi vae re, echa Tumpa jei: “Ngaraa poeya peangarekoambae.”

JOSUÉ 1:5

Ngaraa etei kia ipuere nemoamɨri reikove reiko ramboeve; Moisés ndive aiko rami aikota nde ndive; ngaraa roeya, ngaraa roeya ndeangarekoambae.

JUECES 6:12

YandeYa iaraɨgua oyekuaa jare jei chupe: —¡Kuimbae ipɨ̈rata jare jëia yae vae, yandeYa oï nde ndive!

JUECES 6:16

Jare yandeYa jei chupe: —Añetete che aïta nde ndive, remoamɨrita Madián iñemuña reta metei kuimbae vae ramiño.

JUECES 6:17

Jayave Gedeón jei chupe: —Ndepɨakatu ko chekotɨ yave, eechauka cheve nde ko nemiari che ndive vae.

JUECES 6:21

Jare araɨgua ipo pe güɨnoi popoka vae pe oñátai soo jare mbɨyape, jare jókuae ita guasu güi oë tata, jare opa oapɨ soo jare mbɨyape; javoi yandeYa iaraɨgua okañɨ jóvai güi.

JUECES 7:11

jare eendu imiari reta vae; jayave reñemoäta ngatuta, jare reporepeñata teyupa re.” Jayave Gedeón ogüeyɨ jembiokuai Fura ndive, tovaicho reta köi yae ñogüɨnoi chugüi retaa kotɨ.

1 SAMUEL 14:10

Ërei jei reta yandeve yave: “Peyeupi peyu orekotɨ”, jayave yaja ikotɨ reta, echa yandeYa ko omee reta yandepo pe; jókuae toï ikañɨmaa vaerä yandeve.