ÉXODO 3:10 - Biblia Guarani Tumpa Iñee

¹⁰ Jáeramo añave eyu, romondota Faraón oïa pe, renoe vaerä Egipto güi tëta chembae, Israel iñemuña reta.

ÉXODO 3:10 Iomraidhean Croise

GÉNESIS 15:13

Jayave yandeYa jei Abram pe: —Añetete, neñemuña reta yogüɨrekota ɨvɨ ambuae pe, joko pe yogüɨreko retata tembiokuai oyeguagüe rami, jare oiporara retata cuatrociento año rupi.

GÉNESIS 15:14

Ërei jókuae tëtaguasu oiporaraukata chupe reta vae, che aiporaraukata vi chupe reta; kuae jaɨkue rupi oë reta yeta jeta mbaeyekou ndive.

SALMOS 105:26

Jayave Tumpa ombou jembiokuai Moisés, jare Aarón, jae oiparavo vae.

SALMOS 77:20

Reroatase ndembae vae reta vecha rami, Moisés jare Aarón rupi.

ÉXODO 12:40

Cuatrociento treinta año etei Israel iñemuña reta yogüɨreko Egipto pe,

ÉXODO 12:41

jare cuatrociento treinta año oasa yave, jókuae ara etei yandeYa imbae reta jeta yae vae opa ñogüɨnoe ɨvɨ Egipto güi.

ÉXODO 33:12

Jare Moisés jei yandeYa pe: —Mase, nde cheokuai ayangareko vaerä kuae reta re, jare mbaetɨ remombeu cheve kia ko remondota cherupíe vae. Ërei ngatu nde rere cheve rokuaa kavi yae ko vae, jare chekotɨ renoi mbɨakatu vae.

ÉXODO 33:13

Añave, ndepɨakatu ko chekotɨ yave, romoñera reikuaauka vaerä cheve ndeyemongeta reta, rokuaa vaerä jare aikuaa vaerä ndepɨakatu ko chekotɨ vae, echa opaete kuae reta ndembae ko.

ÉXODO 6:26

Kuae reta jae ko, jókuae Aarón jare Moisés; kuae reta pe yandeYa jei: —Penoe Israel iñemuña reta ɨvɨ Egipto güi oyoaɨkue yoaɨkue reve kavi.

OSEAS 12:13

Metei ñeemombeúa rupi, yandeYa güɨnoe Israel iñemuña reta Egipto güi; ¡metei ñeemombeúa rupi oyangareko jese reta!

MIQUEAS 6:4

Echa che pogüɨnoe ɨvɨ Egipto güi, yeokuaiasɨ katu güi poepɨ, jare añono pereroata vaerä Moisés, Aarón jare María.

Hechos 7:34

Che añetete aecha kërai oiporara chembae vae reta Egipto pe, jare aendu iyaeo. Jáeramo agüeyɨ ayora vaerä. Añave eyu toromondo Egipto pe.”

Hechos 7:36

Moisés güɨnoe reta güeru, mɨakañɨ reta oyapo Egipto pe vae rupi, Ɨguasu Pɨ̈ta vae pe, jare cuarenta año ñuu rupi yogüɨreko ramboeve.

Hechos 7:6

Jare Tumpa omombeu chupe: “Neñemuña reta yogüɨrekota ïru vae reta iɨvɨ pe, jare jókuae ɨvɨ pegua reta oyapota jembiokuai retarä jare güɨrekoasɨ katuta cuatrociento año rupi.

Hechos 7:7

Ërei che aiporaraukata jókuae tëtaguasu oyapota jembiokuai retarä vae reta pe, jare jókuae jaɨkue rupi neñemuña reta oëta joko güi, jare oyeokuai retata cheve kuae ɨvɨ pe.”

JUECES 6:14

YandeYa omae jese jare jei chupe: —Jókuae mɨ̈rata renoi vae ndive ekua, jare eepɨ Israel iñemuña reta Madián iñemuña reta ipo güi. Che etei ko romondo.

1 SAMUEL 12:6

Jayave Samuel jei opaete vae pe: “YandeYa oenɨi Moisés jare Aarón vae, jare peñemuñagüe reta güɨnoe ɨvɨ Egipto güi vae, jae toï oecha vaerä yandeve añave.

1 SAMUEL 12:8

Jacob oike ɨvɨ Egipto pe yave, peñemuñagüe reta osapúkai yandeYa kotɨ oiporara reta yave, yandeYa ombou Moisés jare Aarón, jare jae reta güɨnoe peñemuñagüe reta Egipto güi, jare güeru oñono reta kuae ɨvɨ pe.