ÉXODO 27:16 - Biblia Guarani Tumpa Iñee

¹⁶ Jare toyeapo öke reguarä asoya chau metro pukugüe vecharaagüe inimbo jovɨ vae, pɨ̈taü vae, pɨ̈taasɨ vae jare lino oñepövagüe pegua, ipoki ombaapo vae jembiapo jare togüɨnoi irundɨ ɨvɨra jare irundɨ iguapɨka.

ÉXODO 27:16 Iomraidhean Croise

SALMOS 45:14

Temimonde oñemopöra kavi yae ndive oyererajata mburuvicha guasu jóvai, kuñatai reta ndeiño etei kuimbae ndive oasa vae yogüɨrajata jae ndive, jae reta ndive yogüeruta reïa pe.

ÉXODO 26:31

Toyapo reta vi o imboyaoa asoya, vecharaagüe jovɨ vae, pɨ̈taü vae, pɨ̈taasɨ vae jare lino oñepövagüe pegua; toyeapo jese mboki rupi kavi araɨgua reta iä.

ÉXODO 26:36

Tupao guakapi pegua jökerä toyapo reta asoya vecharaagüe jovɨ vae, pɨ̈taü vae, pɨ̈taasɨ vae jare lino oñepövagüe pegua, ipoki ombaapo vae reta jembiapo.

ÉXODO 27:15

jare öke jovaicho kotɨgua asoya togüɨnoi chiu metro pukugüe, mboapɨ ɨvɨra jare mboapɨ iguapɨka.

ÉXODO 27:17

Opaete oka ikësea poste iyapɨte regua reta toyeapo korepoti pegua, itɨ̈ai reta korepoti pegua jare iguapɨka reta jiero iyu vae pegua.

ÉXODO 28:39

Toikuatía reta metei temimonde lino pegua jare toyapo reta metei äka-ɨru lino pegua jare toyapo reta vi metei kuakuaa ipoki ombaapo vae jembiapo.

ÉXODO 36:37

Oyapo reta vi asoya tupao guakapi pegua jökerä vecharaagüe inimbo jovɨ vae, pɨ̈taü vae, pɨ̈taasɨ vae jare lino oñepövagüe, ipoki ipo pe ombaapo vae reta jembiapo rami.

ÉXODO 39:29

Jökorai vi kuakuaa lino oñepövagüe pegua, vecharaagüe inimbo jovɨ vae, pɨ̈taü vae jare pɨ̈taasɨ vae pegua, ipoki ombaapo vae jembiapo, yandeYa oyókuai Moisés vae rami.

NÚMEROS 3:26

jare joka oñekëse pɨpe vae jare jöke regua asoya mɨmba oyeyuka oyeapɨ jese vae iyɨpɨ pe oï vae re; jaeramiño vi iñapɨtía reta, oyeporu aveita vae.

JUECES 5:30

‘Güɨramoi oime omboyao ñogüɨnoi oyoupe ñeraro pe opɨ̈rogüe. Metei ani mókoi tembipɨɨ kuñatai, ñeraro regua peguarä ñavo; Sísara peguarä temimonde ipïra kavi vae; metei ani mókoi, oporomoamɨri vae iyayu reguarä jeta ipïra vae. Oporomoamɨri vae reta juvicha reta peguarä temimonde jeta ipïra vae.’