ÉXODO 27:1 - Biblia Guarani Tumpa Iñee

¹ Toyapo reta vi mɨmba oyeyuka oyeapɨ jese vae ɨvɨra käti pegua, ipɨgüe togüɨnoi mókoi metro veinticinco centímetro päve irundɨ reve iyɨke, jare ɨvategüe togüɨnoi metei metro veinticinco centímetro.

ÉXODO 27:1 Iomraidhean Croise

2 SAMUEL 24:18

Gad ou jókuae ara David pɨri, jare jei chupe omopüa vaerä metei mɨmba oyeyuka oyeapɨ jese vae, Arauna Jebús pegua itrigo oyembopiriría pe.

2 REYES 16:14

Jare mɨmba oyeyuka oyeapɨ jese vae jiero iyu vae pegua yandeYa jo jóvai oï vae, Acaz ombosɨrɨ jare oñono ɨvɨtuguasu kotɨ mɨmba oyeyuka oyeapɨ jese vae ipɨau vae iyɨke pe, echa tupao güi jare jae oyapouka ramo vae güi ipäu pei ma opɨta.

1 CRÓNICAS 6:49

Ërei Aarón jare iñemuña reta ko jae oapɨ mbota reta vae, mɨmba oyeyukagüe opaetei oyeapɨ jesea pe vae jare ikäti kavi vae incienso oyeapɨ jesea vae re. Jare vi oyapo reta opaete mbaravɨkɨ tupao rapɨpe oñeñono tee kavi yae vae pe, joko pe oyapo reta Tumpa iñɨ̈ro vaerä Israel iyoa re. Oyapo reta Moisés Tumpa jembiokuai oporookuai rami.

2 CRÓNICAS 4:1

Salomón oyapo vi mɨmba oyeyuka oyeapɨ jese vae jiero iyu vae pegua, chau metro güɨnoi ipukugüe jare ipɨgüe, jare ɨvategüe güɨnoi irundɨ metro y medio.

ESDRAS 3:2

Jayave Jesúa, Josadac taɨ jare jëtara sacerdote reta, jare Zorobabel, Salatiel taɨ jare jëtara reta, omopüa reta mɨmba oyeyukagüe oyeapɨ jese vae Israel iTumpa pe, omee vaerä jese mɨmba oyeyukagüe opaetei oyeapɨ vae, Moisés, Tumpa jembiokuai iporookuai reta jei rami.

ÉXODO 17:15

Jare Moisés oyapo metei mɨmba oyeyuka oyeapɨ jese vae, jare ombojee “yandeYa-nissi,”

ÉXODO 24:4

Moisés oikuatía opaete yandeYa iñee reta, jare opüa pɨareve ndeimbove yave, jare omopüa metei mɨmba oyeyuka oyeapɨ jese vae ɨvɨtɨ igüɨ pe, jare oñono doce ita, Israel doce taɨ iñemuña peguarä ñavo.

ÉXODO 31:9

mɨmba oyeyukagüe opaetei oyeapɨ jese vae jare opaete jembiporu ndive, ɨrɨru jare iguapɨka,

ÉXODO 35:16

mɨmba oyeyukagüe opaetei oyeapɨ jese vae, jare japɨpe pegua güɨrapembɨecha vae, iɨvɨra reta jare opaete jembiporu reta, jare ɨrɨru iguapɨka ndive;

ÉXODO 39:39

mɨmba oyeyuka oyeapɨ jese vae jiero iyu vae pegua, jare japɨpegua güɨrapembɨecha vae ndive jiero iyu vae pegua, jare opaete jembiporu reta, ɨrɨru jare iguapɨka;

ÉXODO 40:10

Epɨyere vi asaite yeparavo pegua mɨmba oyeyukagüe opaetei oyeapɨ jese vae re jare opaete jembiporu reta re; jökorai eñono tee mɨmba oyeyuka oyeapɨ jese vae, jare toiko oñeñono tee kavi yae vae.

ÉXODO 40:29

jare oñono mɨmba oyeyukagüe opaetei oyeapɨ jese vae, tupao guakapi pegua jöke re katu, jare omee jese mɨmba oyeyukagüe opaetei oyeapɨ vae jare mbota temitɨ iagüe, yandeYa oyókuai Moisés vae rami.

ÉXODO 40:6

Jaɨkue rupi eñono mɨmba oyeyukagüe opaetei oyeapɨ jese vae, tupao guakapi pegua jöke re katu.

NÚMEROS 3:31

Jae reta ipo pe toï käjou, mesa, mechero renda, mɨmba oyeyuka oyeapɨ jese vae, ikäti kavi vae incienso oyeapɨ jese vae, jare opaete ïru tembiporu reta joko pe oyeporu vae jare asoya o imboyaoa jare opaete jesegua.

NÚMEROS 4:13

Toitɨo reta tanimbu mɨmba oyeyuka oyeapɨ jese vae güi, jare toyasoi reta temimonderä vae vecharaagüe pegua pɨ̈taasɨ vae pe.

NÚMEROS 4:14

Jare toñono reta iárambo tembiporu reta joko pe oyeporu vae: sɨpe reta, tɨ̈ai reta, tätapɨi oyemboyeupi pɨpe vae reta, jare tasa guasu reta, jare opaete ïru tembiporu reta jókuae mɨmba oyeyuka oyeapɨ jese vae pe oyeporu vae; jare toyasoi reta mɨmba pire ikavi yae vae pe, jare toñono reta jese iɨ reta.

Hebreos 13:10

Yande ñanoi metei mɨmba oyeyuka oñemee jese vae, joko pe mbaetɨ ipuere okaru sacerdote reta o guakapi pegua pe oparavɨkɨ vae reta.