ÉXODO 24:6 - Biblia Guarani Tumpa Iñee

⁶ Jare Moisés omboɨru jugüɨgüe, mbɨte rupi oñono tasa guasu pe, jare mbɨte rupi vi opa oñapiramo pɨpe mɨmba oyeyuka oyeapɨ jese vae.

ÉXODO 24:6 Iomraidhean Croise

2 REYES 17:15

güɨröɨro reta iporookuai jare morogüɨrökuavee päve oyapo iñemuñagüe reta ndive vae, mborookuai reta omee chupe reta vae, jare omboete reta tumpa-raanga reta, tëtaguasu reta iyɨ́vɨri ñogüɨnoi vae rami, yandeYa oyókuai tëi agüɨye vaerä oyapo jókuae tëtaguasu reta jeko vae.

SALMOS 99:6

Moisés jare Aarón ñogüɨnoi isacerdote reta ndive; jare Samuel oï ombaemboete vae reta ndive. YandeYa ombopo yepi jae reta iyerure.

ÉXODO 12:22

Jare peipɨɨ metei yokuaa ñana hisopo jee vae, jare pemoäkɨ mbaerugüɨ ɨvɨñae pe oï vae pe, jare peipichɨ ɨvɨra öke iarambogua re jare öke iyɨke yɨke pe oï vae re; jare agüɨye metei ave toë jo jöke güi köe regua.

ÉXODO 12:7

Jare tomboɨru reta jugüɨ, jare toipichɨ reta jöke iyɨke re ɨvɨra oï yoyavi vae re jare vi ɨvɨra öke iárambo rupi oyepɨasa oï vae re, jókuae o pe okaru retataa pe.

ÉXODO 24:8

Jayave Moisés oipɨɨ tugüɨ jare oñapiramo opaete Israel iñemuña reta iárambo, jei reve: —Kuae ko jae tugüɨ morogüɨrökuavee päve regua, yandeYa oyapo pe reta ndive, opaete kuae mbaembae reta regua vae.

ÉXODO 29:16

Javoi eyuka jókuae vecha kuimbae, jare jugüɨgüe pe eñapiramo mɨmba oyeyuka oyeapɨ jese vae re eroyere.

ÉXODO 29:20

Jare eyuka vecha kuimbae, jare emboɨru jugüɨgüe jare eipichɨ Aarón inambi iyakatu kotɨgua jembeɨ re, ipoäka guasu jare ipɨ̈sa guasu iyakatu kotɨgua re; jökorai vi eyapo taɨ reta, jare jókuae tugüɨ jembɨregüe pe eñapiramo mɨmba oyeyuka oyeapɨ jese vae iyɨke yɨke re.

JEREMÍAS 31:32

Mbaetɨ peñemuñagüe reta ndive morogüɨrökuavee päve ayapo rami, jókuae ara aipoko anoe ɨvɨ Egipto güi rami; echa cheporogüɨrökuavee päve mbaeä etei chupe reta, yepe tëi che ko jae reta ime rami. Che peYa ko jae kuae.

LEVÍTICO 1:11

Jare toñaseokɨ̈ti mɨmba oyeyuka oyeapɨ jese vae güi ɨvɨtuguasu kotɨ cheróvai; jare sacerdote reta Aarón taɨ reta toñapiramo jugüɨgüe pe mɨmba oyeyuka oyeapɨ jese vae iyɨke yɨke re.

LEVÍTICO 1:5

Jayave toñaseokɨ̈ti toro taɨrusu vae cheróvai; jare sacerdote reta, Aarón taɨ reta tomee mɨmba jugüɨgüe, jare toñapiramo reta mɨmba oyeyuka oyeapɨ jese vae iyɨke yɨke re, tupao guakapi pegua jöke pe oï vae.

LEVÍTICO 3:2

Jare jókuae mbota omee vae toñono ipo mɨmba iñäka re, jare toñaseokɨ̈ti tupao guakapi pegua ikësea jöke pe, jare sacerdote reta Aarón taɨ reta toñapiramo jugüɨgüe pe mɨmba oyeyuka oyeapɨ jese vae iyɨke yɨke re.

LEVÍTICO 3:8

Toñono ipo jókuae mɨmba iñäka re, jare jaɨkue rupi toñaseokɨ̈ti tupao guakapi pegua jóvai; jare Aarón taɨ reta toñapiramo jugüɨgüe pe mɨmba oyeyuka oyeapɨ jese vae iyɨke yɨke re.

LEVÍTICO 4:6

jare tomoäkɨ ipoäka jókuae tugüɨ pe, jare toñapiramo pɨpe chiu ye cheróvai, asoya o mbaemboetea imboyaoa kotɨ.

1 Corintios 11:25

Jaeramiño vi yandeYa oipɨɨ kopa opa ma okaru reta yave, jei reve: “Kuae vino ko jae morogüɨrökuavee päve ipɨau vae cherugüɨ pe ayapo vae, kuae peu ñavo, peyapo pemaendúa reve cheré.”

Colosenses 1:20

jare ombopɨakatu jae ndive Cristo rupi opaete mbaembae, ɨvɨ pe jare ara pe ñogüɨnoi vae reta, oyapo mbɨakatu kurusu re jugüɨ oyepɨyere vae rupi.

Hebreos 12:24

jare Jesús re, oporomoñoövaiti morogüɨrökuavee päve ipɨau ndive vae re, jare Jesús jugüɨ yandetɨo vae re, jókuae tugüɨ ikavi yae Abel jugüɨ omee vae güi.

Hebreos 8:9

Mbaetɨta peñemuñagüe reta ndive morogüɨrökuavee päve ayapo rami, jókuae ara aipoko anoe ɨvɨ Egipto güi rami; echa yogüɨreko cheporogüɨrökuavee päve pe, jáeramo che aeya reta; che peYa ko jae kuae.

Hebreos 9:18

Jáeramo oyeporu tugüɨ tenondegua morogüɨrökuavee päve oyeapo vaerä.

Hebreos 9:19

Echa Moisés opa güire omombeu Israel pegua reta pe opaete mborookuai reta, jayave oiporu toro taɨrusu vae reta jugüɨ jare kavara kuimbae reta jugüɨ, ɨ, vecharaagüe oñemopɨ̈tagüe jare ñana hisopo, pɨpe oñapiramo tembikuatía jare opaete vae reta,

Hebreos 9:21

Jaeramiño vi Moisés oñapiramo tugüɨ pe o guakapi pegua jare opaete kopa oyeporu mbaemboetea pe vae.

1 Pedro 1:19

jaeño Cristo jugüɨ jepɨ yae vae rupi, jókuae vecha kuimbae taɨrusu vae jete kavi jare ikɨambae vae oñemee Tumpa pe rami.

1 Pedro 1:2

yandeRu Tumpa peparavo, ndei ɨvɨ oyeapo mbove oikuaa voi pe reta peyeapota ko taɨ retarä. Espíritu Santo peñono tee Tumpa peguarä, peñeereendu katu vaerä jare peyeyoe vaerä Jesucristo jugüɨ pe. Tumpa ipɨakavi jare ipɨakatu toï jeta pe reta ndive.