ÉXODO 24:11 - Biblia Guarani Tumpa Iñee

¹¹ Ërei Tumpa mbaetɨ mbae oyapo Israel iñemuña juvicha reta kotɨ; oecha reta Tumpa jare mbaetɨ omano reta.

ÉXODO 24:11 Iomraidhean Croise

GÉNESIS 16:13

Jayave Agar ombojee yandeYa jae ndive imiari vae: “Nde jae Tumpa chereecha vae”, echa jei: “Tumpa chereecha jare aikoveño.”

GÉNESIS 18:18

echa chugüi oñemuñata tëtaguasu imbaepuere yaeta vae. Jare jese vi opaete tëtaguasu reta ɨvɨ rupigua oyekouta.

GÉNESIS 31:54

Jayave Jacob oyuka mɨmba omee Tumpa pe jókuae ɨvɨtɨ re jare oenɨi jëtara reta okaru. Opaete jae reta okaru jare joko pe iköe reta.

1 REYES 21:8

Jayave jae oikuatía tupapire Acab jee re, jare omboyeɨ jese mburuvicha ipoäka-vera, jare omondo tenondegua reta pe jare mburuvicha reta pe, Nabot jëta pegua reta pe.

2 CRÓNICAS 23:20

Jaɨkue rupi oenɨi sundaro ruvicha reta, mburuvicha reta, tëta ruvicha reta jare opaete vae, güɨraja reta vaerä mburuvicha guasu tupao guasu güi; oike reta ma öke guasu rupi mburuvicha guasu jo iporookuaía pe yave, omboguapɨ reta mburuvicha guasu iguapɨa pe,

NEHEMÍAS 2:16

Mburuvicha reta mbaetɨ oikuaa ketɨ ko aja vae ani mbae ko ayapo vae. Echa mbaetɨ vi amombeu judío reta pe, ani sacerdote reta pe, ani mburuvicha reta pe, ani ïru mbaravɨkɨ iyapoa reta pe.

SALMOS 139:5

Opaete cheɨ́vɨri rupi ko reï, ndeporoangareko rupi ko cherereko.

ÉXODO 18:12

Jare Jetro, Moisés jovaya omee mɨmba oyeyukagüe opaetei oyeapɨ vae jare mɨmba oyeyukagüe Tumpa peguarä. Javoi Aarón jare opaete Israel iñemuña itenondegua reta ndive yogüeru okaru vaerä Moisés jovaya ndive Tumpa jóvai.

ÉXODO 19:21

YandeYa jei Moisés pe: —Egüeyɨ ekua ere Israel iñemuña reta pe, agüɨye toasa reta jókuae oyembojaanga oï vae chereecha reta vaerä, echa jeta yae ko omanota chugüi reta.

ÉXODO 24:1

YandeYa jei Moisés pe: —Peyeupi che aïa pe, nde jare Aarón, Nadab, Abiú jare setenta Israel iñemuña itenondegua reta; jare chemboete mombɨrɨ güiño.

ECLESIASTÉS 9:7

Jayave, ekaru kavi ndepɨayerovia reve; echa ndeparavɨkɨ omboyerovia ko Tumpa.

JEREMÍAS 14:3

Oikokatu vae reta omondo jembiokuai reta oeka ɨ; yogüɨraja ɨupa pe oväe yave, mbaetɨ oväe reta ɨ, oyerova reta ye iɨrɨru reta ipombaeño; imara yae reta, mbaetɨ oikuaa reta mbae jei vaerä, iñäkatindɨ reta imara güi.

DANIEL 10:17

¿Këraita pa chepuere chemiari nde ndive, chepuerembae reve jare opaetei cherëogüe aï vae?’

NÚMEROS 12:8

oyoova pe ko chemiari kavi yae jae ndive, mbaetɨ mbae iä rupi; jae chereecha etei. Jayave, ¿maera pa mbaetɨ peipoɨu peñeenguru cherembiokuai Moisés kotɨ?”

NÚMEROS 21:18

¡Mburuvicha reta oyoo vae, jare tenondegua reta oyoo popoka oporookuai pɨpe vae rupi!” Jare jókuae ñuu güi yogüɨraja Matana kotɨ,

DEUTERONOMIO 12:7

Joko pe pekaru yandeYa Tumpa jóvai, jare peyerovia katu pero pegua reta ndive peparavɨkɨagüe re, yandeYa Tumpa iporerekua peré vae rupi.

DEUTERONOMIO 4:33

¿Oime pa amogüe tëta oendu Tumpa iñee tata mbɨte güi pe reta peendu rami jare oikoveño oï vae?

JUECES 13:22

jare jei jembireko pe: —Ñamanota ko, echa Tumpa yaecha.

JUECES 5:13

Jayave Israel iñemuña reta ogüeyɨ, oñeraro jëia yae vae reta ndive; yandeYa jee re ogüeyɨ oñeraro vaerä, kuimbae reta ñeraro regua ndive.