ÉXODO 23:8 - Biblia Guarani Tumpa Iñee

⁸ Agüɨye peipɨɨ vɨari mbota teko iya güi; echa jókuae mbota güɨrokomegua oporojäa vae reta jare jupi vae reta.

ÉXODO 23:8 Iomraidhean Croise

SALMOS 15:5

Mbaetɨ ikorepoti oiporuka vae pe oasa ete okovara vae; mbaetɨ oipɨɨ vɨari korepoti jekombae vae regua vae. Jökorai oiko vae, oiko kavi aveita.

SALMOS 26:10

Jae reta ipo tɨnɨe güɨnoi ikavimbae, jare mbae oyemboepɨ vɨari vae jepɨgüe.

PROVERBIOS 15:27

Imbaepotarai vae, güɨrokomegua jo aeño; ërei mbaemboepɨ vɨari güɨröɨro vae, oiko kavita.

PROVERBIOS 17:23

Iyoa vae, oipɨɨ mbaemboepɨ vɨari, güɨ rokomegua vaerä jupi vae.

PROVERBIOS 17:8

Mbaemboepɨ vɨari omomora vae pe, ita ipöra yae vae rami ko jókuae, echa oë kavi chupe opaete mbaembae oyapo vae.

PROVERBIOS 19:4

Mbaeyekou rupi oime jeta vɨa-ïru, ërei paravete vae, ivɨa-ïru ave oyembosɨrɨ chugüi.

ECLESIASTÉS 7:7

Teko rai ombojopa yarakuaa vae, jare mbaemboepɨ vɨari güɨrokomegua jeko kavi.

ISAÍAS 1:13

Agüɨye mo peru raangaiño mbota cheve; ikäti kavi vae incienso pɨ̈chɨi yae ko cheve; arete reta yasɨ pɨau jare ara mbutuu iara, peyomombarandu peyomboatɨ vae mbaetɨ chepuere aropɨa; pearete reta ikavi yae peyapo vae, ikaviä yae ko cheve.

ISAÍAS 1:23

Nderuvicha reta, oyapota tëi vae, mbaetɨ oyapo reta, imonda vae reta ndive oñemoïru reta. Omomora yae reta mbae oyemboepɨ vɨari chupe reta vae, oeka reta kia omee vaerä mbota chupe reta. Mbaetɨ oyapo reta jupi vae tɨ̈reɨ pe, imemano vae iñeapo re, mbaetɨ omborɨ reta.

ISAÍAS 33:15

Jupi rupi oiko vae jare jupi rupi imiari vae, güɨröɨro yemboikokatu maepɨ̈ro rupi vae, mbaetɨ omomora mbae oyemboepɨ vɨari vae, mbaetɨ oyeapɨsaka yemongeta ikavimbae pegua vae re vae, jare mbaetɨ omae ipɨa pe ikavimbae re vae;

ISAÍAS 5:22

¡Peparavete!, pe reta perëia yae peu vaerä vino vae, perëia yae pemboyea vaerä vino peyeupe.

ISAÍAS 5:23

Peipɨɨ vɨari korepoti vae rupi mbaetɨ pemboeko, jeko tëi vae, jare mbaetɨ peñono kavi teko, jekombae vae peguarä.

EZEQUIEL 22:12

Nderapɨpe yogüɨreko vae reta oipɨɨ vɨari korepoti oyuka vaerä ïru vae; oiporuka korepoti oasa ete okovara ye vaerä jese, oyuvanga katu japicha re jare iñakañɨ reta chegüi. Che peYa jae.

OSEAS 4:18

¡Mbaetɨ ipɨ̈rata osavaɨpo vae reta rami! Jekuaekuae oyapo reta mbaeyoa juvicha reta oaɨu teko pɨ̈chɨiño.

AMÓS 5:12

Echa che aikuaa ko pepɨapochɨ yae vae, jare jeta peyoa reta vae; aikuaa ko peiporarauka jupi vae pe vae, jare peipɨɨ mbae oyemboepɨ vɨari vae, jare ñejäa renda pe paravete vae reta pemoamɨriuka.

MIQUEAS 7:3

Oikatu yae oyapo reta vaerä ikavimbae; mburuvicha reta oekɨ mbae iyeupe ïru vae reta güi, jare oporojäa vae reta oporojäa jepɨ chupe ramoño; mbaepuere güɨnoi vae imiari ipɨa jeiaño, jare opaete vae reta omborɨ katu.

DEUTERONOMIO 10:17

echa yandeYa Tumpa güɨnoi mbaepuere tumpa-raanga reta güi, jare imbaepuere yae ete mbaepuere güɨnoi vae reta güi, Tumpa tuicha yae vae jare imbaepuere yae vae, mbaetɨ oporomboyoavɨ jare mbaetɨ oipɨɨ vɨari mbae oyemboepɨ vɨarigüe;

DEUTERONOMIO 16:19

Agüɨye perokomegua jupi vae; agüɨye etei pemboyoavɨ metei vae ïru ndive, echa jókuae nunga güɨrokomegua yarakuaa vae reta jare jupi vae reta.

1 SAMUEL 12:3

Ko, aï peróvai: Oime yave apɨ̈ro kia igüeye, ani imburika, ani cheñee ndaye kia re, ani aiporarauka kia pe, ani aipɨɨ vɨari korepoti mbae re, pepuere chemboeko yandeYa jóvai jare mburuvicha guasu jóvai; jare tamboepɨ jókuae ayapogüe.

1 SAMUEL 8:3

Ërei mbaetɨ omomoe reta tu jeko, imbae potarai yae reta, korepoti oipɨɨ vɨari reta, güɨrokomegua reta teko jupi vae.