ÉXODO 22:7 - Biblia Guarani Tumpa Iñee

⁷ Kia nunga vae omee yave japicha pe korepoti ani mbae jepɨ vae, oñovatu vaerä chupe, jare okañɨ yave jókuae kuimbae jo güi, jare jókuae imonda vae oñeväe yave, tomboepɨ metei yoarambo ye;

ÉXODO 22:7 Iomraidhean Croise

ÉXODO 22:4

Mɨmba oñomigüe oñeväe yave, ipo pe jekove reveño, güeye, mburika ani vecha yave, tomboepɨ metei yoarambo ye.

ÉXODO 22:6

Kia nunga vae omoendɨ yave tata, jare ɨtɨ oapɨta tëi yave jendɨ trigo oyemboatɨ oï vae, ani oyearɨvota oï vae ani opaete kó, jókuae omoendɨ tata vae, tomboepɨ jókuae opa ókai vae.

JEREMÍAS 2:26

Imonda vae oyepokou yave imara rami, Israel iñemuña reta imarata opɨta: Opaete vae reta, juvicha guasu reta, juvicha reta, isacerdote reta jare ñeemombeúa reta;

LEVÍTICO 19:13

Agüɨye peyuvanga perapicha re, agüɨye peñomi mbae chugüi. Agüɨye pemombɨta oparavɨkɨ peve vae ikorepoti pɨareve peguarä, pemboepɨ voi chupe.

LEVÍTICO 6:1

YandeYa jei Moisés pe:

LEVÍTICO 6:2

“Kia nunga vae iyoa yave, oyapota tëi vae oyapoä yave, oyavɨ ko chekotɨ, japicha güi oikuaku yave mbae oyókuai oeya jese vae, ani mbae oeya ipo pe vae, ani mbae oñomi ani ndaye rupi mbae opɨ̈ro iyeupe japicha güi yave,

LEVÍTICO 6:5

ani opaete mbae re oyeepɨ añete rami Tumpa jee re vae, pandepo yave tomboekovia iya pe pandepo reve jare metei ye, jókuae ara omee yave mɨmba cheɨ̈ro vaerä jókuae oyapogüe re.

San Juan 12:6

Ërei mbaetɨ jei jökorai paravete vae reta omborɨ vaerä. Jei jökorai imonda ramo. Echa güɨnoi korepoti ïru vae reta omee chupe reta vae jɨru, jare oekɨ vɨari yepi korepoti iyeupeguarä.

1 Corintios 6:10

imonda vae reta, imbaepotarai vae reta, isavaɨpose vae reta, iyuru pochɨ vae reta ani oporombotavɨ vae reta ngaraa yogüɨreko Tumpa iporookuaía pe.