ÉXODO 22:22 - Biblia Guarani Tumpa Iñee

²² Agüɨye metei ave imemano vae pe jare tɨ̈reɨ pe peiporarauka,

ÉXODO 22:22 Iomraidhean Croise

JOB 31:16

Paravete vae reta amborɨ mbae oata chupe yave, mbaetɨ amaeño imemano vae reta oiporara yɨmbɨaɨ.

JOB 34:28

Paravete jare yogüɨrekoasɨ katu vae reta jäse, ojo oväe Tumpa jóvai, jare jae oendu.

SALMOS 10:14

Nde reecha ko; echa remae jembiapo re jare iyuvanga katu re, ¡nde etei remee vaerä chupe jembiapo jekovia! Nderé oyemboya iyangarekoambae oiko vae. Nde ko jae tɨ̈reɨ omborɨ vae.

SALMOS 34:7

YandeYa iaraɨgua oiko, oipoɨu chugüi vae reta iyɨ́vɨri jare oepɨ.

PROVERBIOS 22:23

echa yandeYa oepɨta jókuae reta, oiporaraukata, jókuae oiporarauka chupe vae reta pe.

PROVERBIOS 23:10

Agüɨye erosɨrɨ ndeɨvɨ jembeɨ oyembojaangaño mai oï vae; agüɨye eroike ndeɨvɨ jembeɨ tɨ̈reɨ reta iɨvɨ pe ave,

PROVERBIOS 23:11

echa jae reta jepɨa, jae ko Ipɨ̈rata yae vae, jae ko oëta jae reta ipoepɨka pe ndekotɨ.

ISAÍAS 1:17

¡Peyemboe mo peyapo ikavi vae; peeka peyapo vaerä jupi vae, peyapo mo ikavi vae, oiporara yae vae reta pe, peyapo jupi vae tɨ̈reɨ reta pe, peepɨ imemano vae reta!”

ISAÍAS 1:23

Nderuvicha reta, oyapota tëi vae, mbaetɨ oyapo reta, imonda vae reta ndive oñemoïru reta. Omomora yae reta mbae oyemboepɨ vɨari chupe reta vae, oeka reta kia omee vaerä mbota chupe reta. Mbaetɨ oyapo reta jupi vae tɨ̈reɨ pe, imemano vae iñeapo re, mbaetɨ omborɨ reta.

ISAÍAS 10:2

mbaetɨ vaerä peyapo jupi vae paravete vae reta pe, pemboeteä etei vaerä paravete vae reta kuae tëta chembae vae pegua, peyuvanga vaerä imemano vae reta re, pepɨ̈ro vaerä mbae tɨ̈reɨ reta güi!

JEREMÍAS 7:6

jare mbaetɨ peyuvanga ketɨgua re, tɨ̈reɨ re jare imemano vae re yave, ani kuae ɨvɨ pe ave mbaetɨ jekombae peyuka yave, ani jókuae tumpa ambuae reta mbaetɨta ikavi peve vae mbaetɨ pemboete yave,

JEREMÍAS 7:7

ameeta peikoño vaerä jekuae avei pegua kuae ɨvɨ pe, peñemuñagüe reta pe amee vae pe.

EZEQUIEL 22:7

Nderapɨpe yogüɨreko vae reta omboeteä tu jare ichɨ, oiporarauka reta ketɨgua pe, opɨ̈ro reta mbae tɨ̈reɨ güi jare imemano vae güi.

ZACARÍAS 7:10

Agüɨye perekoasɨ katu imemano vae, tɨ̈reɨ, ketɨgua, ani paravete vae. Agüɨye metei ave toyemongeta pɨ̈chɨi ipɨa pe ïru vae kotɨ.’

MALAQUÍAS 3:5

Jei yandeYa Imbaepuere yae ete vae: “Jare ayuta pekotɨ aporojäa vaerä; amoañete vaerä imbaekuaa vae reta jeko jare iyaguasa vae reta, yapu reve imiari vae reta, jembiokuai pe mbaetɨ omboepɨ kavi vae reta, imemano vae tɨ̈reɨ, jare ketɨgua pe jupimbae oyapo vae reta mbaetɨ reve oipoɨu reta chegüi.”

San Mateo 23:14

¡Paravete pe jova mókoi vae reta! Mborookuai re oporomboe vae reta jare fariseo reta. Echa pepɨ̈ro imemano vae reta güi imbaembae, jare peyereroviauka vaerä puku peyerure Tumpa pe añetegüe nunga. Jáeramo peiporara yaeta ko.

DEUTERONOMIO 10:18

oyapo jupi vae tɨ̈reɨ pe jare imemano vae pe; oaɨu ketɨgua, omee chupe tembíu jare temimonde.

DEUTERONOMIO 15:9

Peyeandu agüɨye vaerä oime yemongeta ikavimbae pepɨa pe, jare pere: ‘Köiño ma año chiúa oime vaerä ñɨ̈ro opaete mbia reta re.’ Jare perova arasɨ pemae perëtaɨgua paravete vae re, jare mbaetɨ mbae peiporuka chupe, echa jae ipuere oñeapo peré yandeYa pe jare jae omaeta peré, iyoa vae.

DEUTERONOMIO 24:17

Agüɨye peyapo jupimbae ketɨgua kotɨ, ani tɨ̈reɨ kotɨ, imemano vae jemimonde ave agüɨye peekɨ chugüi ipía re.

DEUTERONOMIO 24:18

Pemaendúa, pe reta tembiokuai ko peikose Egipto pe vae, jare joko güi yandeYa Tumpa perenoe; jáeramo, che poyókuai peyapo vaerä opaete kuae.

DEUTERONOMIO 27:19

‘Tijeko oyapo ikavimbae ketɨgua pe vae, tɨ̈reɨ pe ani imemano vae pe vae.’ Jare opaete vae tei: ‘Amén.’

Santiago 1:27

Mborogüɨrovia ikavi jare ikɨambae yandeRu Tumpa jóvai vae, jae ko: Yamborɨ tɨ̈reɨ reta jare imemano vae reta oiporara ñogüɨnoi vae, jare yayeangareko ɨvɨ pegua ikavimbae vae güi.