ÉXODO 20:8 - Biblia Guarani Tumpa Iñee

⁸ Pemaendúa ara mbutuu pegua re peñono tee vaerä.

ÉXODO 20:8 Iomraidhean Croise

GÉNESIS 2:2

Tumpa opa omboapɨ jembiapo reta; jare oputuu chiúa ara pe opaete jembiapo reta güi.

GÉNESIS 2:3

Jökorai Tumpa iporerekua chiúa ara re, jare oñono tee iyeupeguarä, echa jókuae ara oputuu opaete jembiapo güi, oyapo güire opaete mbaembae.

NEHEMÍAS 13:15

Jókuae ara rupi aecha oime amogüe Judá pegua reta oyapo vino ara mbutuu pe vae, trigo oyeokuagüe ovoɨ vae reta, jare ovoɨ vi vino imburika re, ani uva, ɨva jare oipotagüe voɨta güeru reta Jerusalén pe ara mbutuu pe. Jayave añeengata chupe reta jókuae ara omaemee vae re.

NEHEMÍAS 9:14

Jare reyókuai vi oñono tee reta vaerä ara mbutuu, jare nderembiokuai Moisés ipo rupi remee chupe reta mborookuai reta jare yemboe kavi.

ÉXODO 23:12

Ova ara peparavɨkɨ, jare chiúa ara pe peputuu, oputuu vaerä pegüeye jare pemburika, jökorai oputuu vaerä perembiokuai jare ketɨgua.

ÉXODO 31:12

YandeYa jei ye Moisés pe:

ÉXODO 35:1

Moisés omboatɨ opaete Israel iñemuña reta, jare jei chupe reta: “Kuae ko jae mbaembae reta, yandeYa oporookuai oyeapo vaerä vae:

ISAÍAS 56:2

Oyeroviata kuimbae oiko kuae mborookuai reta jeigüe rupi vae, omboete ara mbutuu jare mbaetɨ güɨröɨro vae, oyeandu mbae ikavimbae oyapo vaerä güi vae.”

ISAÍAS 58:13

Emboete ara mbutuu pegua, agüɨye eyapo ndeparavɨkɨ cheara oñeñono tee vae pe. Kuae ara ereko, ara yerovia katu pegua, che ndeYa peguarä oñeñono tee jare imboetea yae vae. Emboete, agüɨye eeka nderemimbotaño ani mbae ndeyeupeguaräño.

JEREMÍAS 17:21

Körai jei yandeYa: Ara mbutuu pe agüɨye etei peraja voɨta, Jerusalén jöke rupi ave agüɨye peroike voɨta, peaɨu perekove yave.

JEREMÍAS 17:22

Agüɨye penoe pero güi ave voɨta ara mbutuu pe, agüɨye ave vi peparavɨkɨ, peñono tee ara mbutuu cheve, peñemuñagüe reta ayókuai rami.

JEREMÍAS 17:24

‘Che, peYa jae: Peyapo che jaegüe, agüɨye kërai ave peroike voɨta kuae tëta guasu jöke rupi ara mbutuu pe, mbae nunga mbaravɨkɨ ave agüɨye peyapo; peñono tee ara mbutuu.

EZEQUIEL 20:20

jare peñono tee cheara mbutuu pegua, toiko kañɨmaarä cheve jare peve, jökorai peikuaata che ko jae peYa Tumpa vae.

LEVÍTICO 19:3

Metei ñavo tomboete tu jare ichɨ, Tomboete vi cheara mbutuu pegua. Che ko peYa Tumpa.

LEVÍTICO 19:30

Pemboete cheara reta mbutuu pegua, jare chero mbaemboetea. Che ko peYa.

LEVÍTICO 23:3

Peparavɨkɨ ova ara, ërei chiúa ara pe peputuu, ara mbutuu pegua ko, yemboatɨ mbaemboete pegua ko. Agüɨye peyapo mbae nunga mbaravɨkɨ, ara mbutuu pegua ko cheveguarä, peyomboatɨ oipota rupi peikoa rupi.

LEVÍTICO 26:2

Pemboete cheara reta mbutuu pegua, jare pemboete chero mbaemboetea. Echa che ko peYa Tumpa.

NÚMEROS 15:32

Israel iñemuña reta ñogüɨnoi ma yave ñuu pe, oväe reta metei kuimbae, yepea omonoo oiko vae.

DEUTERONOMIO 5:12

Pemaendúa ara mbutuu pegua re, peñono tee vaerä, peYa Tumpa peokuai rami.