ÉXODO 20:4 - Biblia Guarani Tumpa Iñee

⁴ Agüɨye peyapo peyeupe mbae iägüe pemboete vaerä, ani mbae iägüe ɨvate ara pe oï vae ave, ani ɨvɨ pe oï vae ave, ani ɨ pe ɨvɨgüɨ pe oï vae ave.

ÉXODO 20:4 Iomraidhean Croise

1 REYES 12:28

Jare oyemongeta reta ma kuae re yemboatɨa pe ramo, mburuvicha guasu oyapouka mókoi toro taɨrusu iä oro pegua, jare jei opaete vae pe: “Pe Israel iñemuña reta, peo mbateeiño ma Jerusalén kotɨ; ko oï petumpa reta, kuae reta ko perenoe pereru Egipto güi.”

2 REYES 17:12

Omboete reta mbae iägüe, kuaekuae reta re yandeYa jei chupe reta: “Agüɨye peyapo kuae.”

2 CRÓNICAS 33:7

Oñono vi mbae iä jae oyapogüe Tumpa jo pe, kuae re ko yandeYa jei David pe jare taɨ Salomón pe: “Kuae o pe, Jerusalén pe, aiparavo opaete Israel iñemuña reta güi vae pe añonota cheree jekuae avei pegua.

SALMOS 78:58

Mbaemboete renda ɨvɨtɨ rupigua oyapo reta vae rupi omboarasɨuka reta, jare omboete reta tumpa-raanga reta vae rupi omoägüɨrouka.

SALMOS 97:7

Imara reta opaete tumpa-raanga imboetea, oyemboete jókuae re vae reta. ¡Opaete tumpa-raanga reta oa jae jóvai!

ÉXODO 20:23

Agüɨye peyapo tumpa oro pegua ani korepoti pegua, pemboete vaerä che chemboete rami.

ÉXODO 32:1

Israel iñemuña reta oecha Moisés ogüeyɨ raiviä ma ɨvɨtɨ güi yave, oyomboatɨ reta Aarón oïa pe jare jei reta chupe: —Eyapo oreve tumpa orereroata vaerä; echa Moisés orerenoe ɨvɨ Egipto güi vae, mbaetɨ roikuaa mbae ra oasa vae.

ÉXODO 32:23

Jae reta ko jei cheve: “Eyapo oreve tumpa orereroata vaerä, echa Moisés orerenoe ɨvɨ Egipto güi vae, mbaetɨ roikuaa mbae ra oasa vae.”

ÉXODO 32:4

Aarón oipɨɨ chugüi reta, jare omondɨkui oro, jare oyasɨa jiero iyasɨaa pe, oyapo kavi regua metei toro taɨrusu vae iä. Jayave opaete reve jei reta. —¡Israel iñemuña reta, kuae ko jae petumpa, ɨvɨ Egipto güi perenoe vae!

ÉXODO 32:8

Jarembae yae opia reta che ayókuai reta vae güi, oyapo reta iyeupe toro taɨrusu vae iä oro pegua, oyemondɨkui oyeapo vae, omboete reta jare omee reta chupe mɨmba oyeyukagüe, jare jei reta: “¡Israel iñemuña reta, kuae ko jae petumpa, ɨvɨ Egipto güi perenoe vae!”

ÉXODO 34:17

Agüɨye peyapo peyeupe tumpa reta jiero oyemondɨkui oyeapo vae pegua.

ISAÍAS 42:17

Tumpa-raanga reta re güɨrovia vae reta, mbae iä reta re güɨrovia vae reta, mbae iä reta re oñemotumpa vae reta, imara yaeta opa oyerova reta.”

ISAÍAS 42:8

Che ko ndeYa, kuae ko jae cheree; ïru vae pe ngaraa amee cheyemboetea, jare tumpa-raanga reta pe ave ngaraa amee cheyemboetea.

ISAÍAS 45:16

Opaete tovaicho reta oñemomichita jare imara yaeta opɨta. Jare tumpa-raanga iyapoa reta imara yaeta opɨta.

EZEQUIEL 20:7

Jayave jae chupe reta oeya reta vaerä opaete itumpa-raanga reta, agüɨye vaerä oyemongɨa Egiptoɨgua reta itumpa-raanga pe. Echa che ko jae peYa Tumpa.

EZEQUIEL 8:10

Aike, jare aecha oguambɨ re oñemopïra oyeapo oipotagüe mɨmba ipɨtía re oguata vae reta iä, jare mɨmba oyeumbae vae reta iä, güɨroyere reta oyapo oguambɨ re, Israel pegua reta itumpa-raanga iä reta.

EZEQUIEL 8:3

Jare jókuae kuimbaeecha vae ombou ipo jare chepɨɨ chea pe. Jare Tumpa imbaepuere chereraja ɨvate ɨvɨ güi, Tumpa oechauka cheve vae rupi chereraja Jerusalén pe, jare cheñono öke japɨpe pegua pe, ɨvɨtuguasu kotɨ omae vae pe, joko pe oï tumpa-raanga yandeYa omboarasɨuka vae iä.

LEVÍTICO 19:4

Agüɨye pemboete tumpa-raanga reta, agüɨye vi peyapo petumparä jiero oyemondɨkuigüe. Che ko peYa Tumpa.

LEVÍTICO 26:1

Agüɨye peyapo tumpa-raanga reta pemboete vaerä, agüɨye pemopüa peyeupe mbae iägüe pemboete vaerä, peɨvɨ pe ave agüɨye pemopöra peñopa ita peyetavatɨka jóvai vaerä, echa che ko peYa Tumpa.

NÚMEROS 12:8

oyoova pe ko chemiari kavi yae jae ndive, mbaetɨ mbae iä rupi; jae chereecha etei. Jayave, ¿maera pa mbaetɨ peipoɨu peñeenguru cherembiokuai Moisés kotɨ?”

Hechos 17:29

Tumpa iñemuña ko yande yave, mbaetɨ ko ikavi yae vaerä Tumpa ko jae mbae iä oro pegua, korepoti pegua ani ita pegua, kuimbae reta ipoki rupi oyapo vaeño ko.

Romanos 1:23

Echa oipoepɨ reta Tumpa oikove avei vae iyemboetea, kuimbae oikove aveimbae vae iä pe, güɨra iä pe, mbaemɨmba iä pe jare mɨmba ipɨtía re oguata vae iä pe.

DEUTERONOMIO 16:22

Agüɨye vi pemopüa peyeupe mbae iä, jókuae nunga yandeYa Tumpa omotareɨ ko.

DEUTERONOMIO 27:15

‘Tijeko jókuae kuimbae oyapo mbae iägüe ani tumpa-raanga jiero oyemondɨkuigüe pe vae, pɨ̈chɨi yae ko yandeYa pe, kuimbae ipoki vae jembiapo, jare oñomi oñono vae.’ Jare opaete vae tei: ‘Amén.’

DEUTERONOMIO 5:8

Agüɨye peyapo peyeupe mbae iä, mbae iägüe ɨvate ara pe oï vae, ani ɨvɨ pe oï vae ave, ani ɨ pe ɨvɨgüɨ pe oï vae ave.

Apocalipsis 16:2

Jayave tenondegua araɨgua ojo opɨyere kopa güɨnoi vae ɨvɨ re, jare opa ombopere omojemɨi jare jasɨ yae reve ɨvɨ pegua reta, jókuae mbaemɨmba guasu ikañɨmaa güɨnoi vae, jókuae mbaemɨmba guasu iä omboete vae reta.

Apocalipsis 9:20

Jare opaete ɨvɨ pegua reta mbaetɨ omano kuae mbaembae rupi vae, mbaetɨ oyepoepɨ jembiapo reta ikavimbae güi, mbaetɨ vi oeya mbaemboete aña reta pegua jare tumpa-raanga oro pegua, korepoti pegua, jiero iyu vae pegua, ita pegua jare ɨvɨra pegua; yepe tëi jókuae tumpa-raanga reta mbaetɨ omae, mbaetɨ oendu ani oguata;