ÉXODO 2:6 - Biblia Guarani Tumpa Iñee

⁶ Jare oipea yave oecha michia kuimbae; jare kuae michia oyaeo oï, jare oiparareko omae jese, jare jei: —Hebreo reta imichia ko kuae.

ÉXODO 2:6 Iomraidhean Croise

1 REYES 8:50

Jare neɨ̈ro tëta ndembae vae pe iyoa ndekotɨ vae re, opaete oyembopɨapochɨ ndekotɨ vae re. Jare emee jókuae oporogüɨraja vae pe oiparareko vaerä omae jese.

NEHEMÍAS 1:11

Romoñera cheYa Tumpa, añave eyeapɨsaka che nderembiokuai iyerure re, jare ïru nderembiokuai reta iyerure, jae reta oipota omboete nderee; emee añave che nderembiokuai pe toë ikavi mbaembae cheve, jare emeeuka cheve mboroparareko mburuvicha guasu güi.”

SALMOS 106:46

¡Yepe tëi jae reta yogüɨreko imoamɨría reta ipo pe, ërei Tumpa omee vi jókuae reta, güɨnoi vaerä mboroparareko jese reta!

ÉXODO 1:22

Jayave Faraón oyókuai opaete jëtaɨgua reta, körai: “Pemombo ɨ pe opaete michia raɨ kuimbae oa vae, ërei kuña ko yave pemaeño toikove.”

ÉXODO 2:5

Jare Faraón tayɨ ogüeyɨ ɨ̈aka pe oyau yave, jembiokuai kuñatai reta oguata ramboeve ɨ jembeɨ rupi, jae oecha kanata käipepe pɨte pe, jare omondo metei jembiokuai kuñatai güeru vaerä chupe.

ÉXODO 2:7

Jayave michia jeindɨ jei Faraón tayɨ pe: —¿Ajata pa aenɨi ndeve metei hebrea michia iyangarekoa, ombokambu vaerä ndeve kuae michia?

PROVERBIOS 21:1

Sekea rupi ɨ yamondo yaipotaa kotɨ rami; jökorai ko mburuvicha guasu iyemongeta yandeYa ipo pe.

JEREMÍAS 34:9

Jókuae yemongeta oyeapogüe pe jei, metei ñavo oyora vaerä jembiokuai kuimbae ani jembiokuai kuña jëtara hebreo, jökorai agüɨye vaerä metei ave kia güɨnoi jembiokuairä jëtara hebreo.

Hechos 7:21

Ërei omano vaerägüe Faraón tayɨ oepɨ, jare ombokuakuaa imembɨ rami.

1 Pedro 3:8

Ïru mbae ye. Penoi metei ramiño yemongeta, peyoparareko, peyoaɨu, pepɨakavi jare peïru pota,