ÉXODO 2:23 - Biblia Guarani Tumpa Iñee

²³ Kuae jaɨkue rupi, ɨma ma oasa yave, mburuvicha guasu Egipto pegua omano. Israel iñemuña reta jeieteño güɨroäse yeokuaiasɨ katu, jare ipɨatɨtɨ reve oyerure reta Tumpa pe; jare jae oendu jae reta iyerure yeokuaiasɨ katu jeko pegua.

ÉXODO 2:23 Iomraidhean Croise

GÉNESIS 16:11

Añave ndepurúa reï, oata jókuae nemembɨ jare rembojeeta Ismael. Echa yandeYa oendu ndepɨatɨtɨ.

GÉNESIS 4:10

Tumpa jei chupe: —¿Maera pa kuae reyapo? Nderɨvɨ jugüɨgüe ndemboeko oï cheve kuae ɨvɨ güive.

NEHEMÍAS 9:9

Jare nde reecha oreñemuñagüe reta oiporara Egipto pe vae, jare reendu oyaeo reta Ɨguasu Pɨ̈ta vae pe vae.

JOB 35:9

Kuimbae reta osapúkai yogüɨrekoasɨ katu jeko pegua, oeka reta kia güɨroasayepe vaerä imbaepuere vae reta güi;

SALMOS 102:1

CheYa, eyeapɨsaka cheyerure re, ¡tojo toväe ndeve chesapúkai!

SALMOS 102:2

Agüɨye chereeya chepɨatɨtɨ aï yave, emboɨke ndeapɨsa chekotɨ; ¡jarembae voi emboyevɨ cheve roenɨi yave!

SALMOS 12:5

YandeYa jei körai: “Paravete vae jare mbae re oata vae reta re peyuvanga. Jáeramo, añave apüata, aroasayepeta, oeka tëi oasayepe vaerä yogüɨreko vae.”

SALMOS 18:6

Chepɨatɨtɨ aï yave aenɨi cheYa, asapúkai cheTumpa pe, jae oendu cheñee itupao güi. ¡Chesapúkai ojo oväe jae oïa pe, jare oendu!

ÉXODO 1:14

Oiporarauka yae chupe reta mbaravɨkɨ rupi, oyapouka chupe reta tuyuapo jare ladrillo jare opaete mbaravɨkɨ kó rupigua rupi; jare opaete mbaembae oyapouka chupe reta vae rupi omombaravɨkɨasɨ katu yae.

ÉXODO 4:19

Moisés oï vɨteri Madián pe yave yandeYa jei vi chupe: —Eyerova ye Egipto kotɨ, echa opa ma omano oipota tëi ndeyuka vae reta.

ÉXODO 6:5

Jökoraiño vi, aendu Israel iñemuña reta jäse vae, Egiptoɨgua reta omombaravɨkɨ vae reta, jare chemaendúa cheporogüɨrökuavee päve re.

ÉXODO 6:9

Körai Moisés imiari Israel iñemuña reta pe, ërei jae reta mbaetɨ oyeapɨsaka Moisés iñee re, ipɨa yemoambeko reta jare yeokuaiasɨ katu jeko pegua.

ÉXODO 7:7

Moisés güɨnoi ochenta año jare Aarón güɨnoi ochenta y tres año yave imiari reta Faraón ndive.

ISAÍAS 19:20

Jókuae oïta ikañɨmaa vaerä jare oporomomaendúa vaerä yandeYa Imbaepuere yae ete vae re, ɨvɨ Egipto pe. Osapúkai reta yandeYa pe oiporarauka chupe reta vae jeko pegua yave, jae ombouta metei mburuvicha oporoepɨ vae chupe reta, oepɨ vaerä jare oyora vaerä.

ISAÍAS 5:7

Jókuae yandeYa Imbaepuere yae ete vae iuvarupa, jae ko Israel iñemuña reta, jare temitɨ ikavi vae, jae ko kuimbae Judá pegua reta. YandeYa oäro tëi chugüi reta jupi vae, ërei jeieteño ikavimbae, oäro tëi chugüi reta jupi vae, ërei jeieteño jäse oiporara vae reta.

NÚMEROS 20:16

Jare rosapúkai yandeYa pe, jare jae oendu oreyerure, ombou metei araɨgua orerenoe Egipto güi. Añave, ko ma roï Cades pe, tëta köi oï ndeɨvɨ jembeɨ güi vae pe.

Hechos 7:30

Cuarenta año ma oasa yave, metei araɨgua oyekuaa chupe ñuu pe, ɨvɨtɨ guasu Sinaí iyɨpɨ pe. Metei yai jendɨ oï vae güi.

DEUTERONOMIO 24:15

Pemboepɨ chupe jókuae ara voi ndei pɨ̈tu mbove, echa paravete ko, oatata chupe oiko jese vaerä. Agüɨye vaerä oñeapo peré yandeYa pe jare peyoa pepɨta.

Santiago 5:4

Mase, oparavɨkɨ vae reta ombaarɨvo peve vae reta pe mbaetɨ pemboepɨ vae, oñeapo oï peré. Pe reta pembotavɨ rupi mbaetɨ pemboepɨ chupe vae. Jare yandeYa Imbaepuere yae vae oendu ma iñeengeta peve jókuae ombaarɨvo vae reta vae.

JUECES 4:3

Jabín güɨnoi noveciento käretou jiero pegua, jare veinte año rupi oiporarauka yae Israel iñemuña reta pe. Jayave Israel iñemuña reta oyerure mbɨatɨtɨ ndive yandeYa pe.

1 SAMUEL 12:8

Jacob oike ɨvɨ Egipto pe yave, peñemuñagüe reta osapúkai yandeYa kotɨ oiporara reta yave, yandeYa ombou Moisés jare Aarón, jare jae reta güɨnoe peñemuñagüe reta Egipto güi, jare güeru oñono reta kuae ɨvɨ pe.

1 SAMUEL 9:16

“Pɨareve koyave etei, che ambouta ndépɨri metei kunumi Benjamín iñenuña reta iɨvɨ kotɨ güi, jae reiparavota Israel iñemuña reta pe mburuvicharä jae oepɨta chembae vae, filisteo reta ipo güi; echa aiparareko amae jese reta, jäse aendu jeko pegua.”