ÉXODO 2:2 - Biblia Guarani Tumpa Iñee

² Jare jókuae kuña ipurúa jare oa imembɨ metei kuimbae; jare oecha ipöra yae ramo, oñomi güɨreko mboapɨ yasɨ rupi.

ÉXODO 2:2 Iomraidhean Croise

2 REYES 11:3

Jökorai Joás oñemi oiko iyangarekoa ndive yandeYa jo pe ova año. Atalía oiko ramboeve mburuvicharä jókuae ɨvɨ pe.

SALMOS 112:5

Kuimbae jeko kavi vae, iporoparareko jare ombaeporuka; opaete mbaembae oyapo vae, oyapo jupi rupi kavi.

ÉXODO 6:20

Jare Amram güɨreko jembirekorä iyaiche Jocabed, kuae imembɨ chupe, jare ombojee Aarón jare Moisés. Jare Amram oiko ciento treinta y siete año.

NÚMEROS 26:59

Amram jembireko jee Jocabed, Leví tayɨ, Egipto pe oa chupe vae; kuae kuña imembɨ Amram pe, jare oa chupe Aarón, Moisés jare jeindɨ María.

Hechos 7:20

Jókuae ara reta pe etei oa Moisés. Tumpa ipɨakatu jókuae michia raɨ re. Jare mboapɨ yasɨ rupi tu reta güɨreko jo pe.

DEUTERONOMIO 33:16

yagüɨye kavi yae ɨvɨ rupi vae ñurati pɨte pe oyekuaa vae, ipɨakatu vae tou José iárambo, jókuae jëtara reta itenondeguarä oï vae re.

Hebreos 11:23

Iporogüɨrovia rupi Moisés oa yave tu reta oñomi güɨreko mboapɨ yasɨ rupi, echa oecha reta michia Moisés maepöra yae ko, jare mbaetɨ okɨɨye reta mburuvicha guasu iporookuai güi.

1 SAMUEL 16:12

Jökorai omondo güeruruka. Jae ko ipireyu, jesäɨäta jare kunumi kavi. Jayave yandeYa jei: —Epüa jare eñono tee, echa jae ko kuae.