ÉXODO 2:14 - Biblia Guarani Tumpa Iñee

¹⁴ Jare jae jei chupe: —¿Kia pa neñono oreruvicharä jare orejäa vaerä? ¿Reyemongeta pa cheyuka vaerä Egiptoɨgua reyuka rami? Jayave Moisés ou okɨɨye jare jei: “Kuae reta oikuaa ma yepe ayapogüe.”

ÉXODO 2:14 Iomraidhean Croise

GÉNESIS 13:8

Jayave Abram jei Lot pe körai: “Ñañoëtara ko yande, mbaetɨ ikavi ñañoraro vaerä oyoupii aeño, mbaetɨ vi ikavi oñoraro vaerä yanderembiokuai reta.

GÉNESIS 19:9

Jayave jae reta jei chupe: —¡Esɨrɨ katu joko güi! Nde ketɨgua reyu reiko orepɨte pe. ¿Reñemopüa pa mburuvicha oporojäa vaerä? ¡Añave royapota ndeve ikavimbae yae vae! Jare oporepeña reta Lot re, jare oasa reta omopë vaerä öke.

GÉNESIS 34:27

Yogüeru vi ïru Jacob taɨ reta tëta pe omanogüe reta oïa pe jare opa opɨ̈ro reta mbaembae oyepɨ vaerä jeindɨ re oyuvangaiño ramo.

PROVERBIOS 19:12

Mburuvicha guasu iyarasɨ, yaguapope pochɨ vae iñee rami, ërei ipɨakavi, ɨsápɨi oa ñana re rami.

PROVERBIOS 29:25

Kuimbae güiño yaipoɨu vae, ñuai rami ko, ërei yandeYa reño oyeko vae, oyemboeteukata ko.

NÚMEROS 16:13

¿Mbaeä etei pa ndeve opa orereru ɨvɨ kavi güi vae, opa vaerä oreyukauka kuae ñuu pe, jare vi reyemombae oreré reyembotuicha reve?

NÚMEROS 16:3

Yatɨ reta Moisés jare Aarón kotɨ, jei reta chupe körai: —¡Joko peño mo pe reta! Echa opaete Israel iñemuña reta oñeñono tee vae ko, oime ko yandeYa oiko jae reta ipɨte pe. ¿Maera pa pe reta peñeñono mburuvicharä kuae tëta yandeYa imbae re?

San Mateo 21:23

Jesús ou oväe yave tupao pe, sacerdote reta itenondegua reta jare tëta guasu pegua reta itenondegua reta yogüeru jae oïa pe oporomboe oï yave, jare oparandu reta chupe: —¿Mbae nunga mbaepuere ndive pa kuae mbaembae reyapo? ¿Kia pa omee ndeve kuae mbaepuere?

San Lucas 12:14

Ërei Jesús jei chupe: —Kuimbae, ¿kia pa cheñono peve mburuvicha oporojäa vaerä ani ombaemboyao vaerä?

San Lucas 19:14

Ërei jëtaɨgua reta omotareɨ jókuae mburuvicha, jare omondo reta jaɨkue jei reta vaerä: ‘Mbaetɨ roipota kuae kuimbae oiko vaerä oreruvicha guasurä.’

San Lucas 19:27

Ërei peru kuae pe cherovaicho reta, jókuae mbaetɨ oipota juvicharä aiko vae reta. Peñäka-sɨa cheróvai.’ ”

Hechos 7:35

Kuae Moisés ko jae Israel pegua reta güɨröɨro vae. Echa jei reta chupe: “¿Kia pa neñono oreruvicharä, orejäa vaerä?” Tumpa omondo Moisés mburuvicharä jare oporoyora vaerä, araɨgua yai jendɨ vae pe oyekuaa chupe vae rupi.

Hebreos 11:27

Iporogüɨrovia rupi Moisés ojo Egipto güi, okɨɨyembae reve mburuvicha guasu iyarasɨ güi, echa oñemomɨ̈rata oecha rami Tumpa Oyekuaambae vae.