ÉXODO 2:11 - Biblia Guarani Tumpa Iñee

¹¹ Moisés okuakuaa ma yave, metei ara ojo jëtara reta ñogüɨnoia pe; jare oecha oiporara yae reta mbaravɨkɨ ipoɨ vae, jare oecha vi metei Egiptoɨgua oinupa güɨnoi metei jëtara hebreo.

ÉXODO 2:11 Iomraidhean Croise

ÉXODO 1:11

Jáeramo, oñono reta iárambo mbaravɨkɨ re oyangareko vae reta, oyapouka vaerä chupe reta mbaravɨkɨ ipoɨ vae; jare oyapo reta mburuvicha guasu pembaagüɨye jɨrurä, tëta Pitón pe jare Ramesés pe.

ÉXODO 3:7

Jaɨkue rupi yandeYa jei ye: —Aecha kavi ko Egipto pe tëta chembae oï vae, jare aendu iyerure mbɨatɨtɨ reve vae, oiporara yae mbaravɨkɨ iyangarekoa reta güi jeko pegua; aikuaa katu ko jembiporara reta.

ÉXODO 5:14

Jare Faraón iparavɨkɨ re omae vae reta oinupa Israel iñemuña reta güi mbaravɨkɨ re oyangareko vae reta, jei reve chupe reta: —¿Maera pa kárumbo jare añave ave mbaetɨ opa peyapo ladrillo ara ñavo peyapota vae, tenonde rupi peyapose rami?

ÉXODO 5:4

Jayave mburuvicha guasu Egipto pegua jei chupe reta: —Moisés jare Aarón, ¿maera pa pembova kuimbae reta iparavɨkɨ güi? ¡Pekua ye peparavɨkɨa pe!

ÉXODO 5:5

Faraón jei ye vi chupe: —Mase, kuae ñemuña reta jeta yae ma kuae ɨvɨ pe, ërei añave pe reta peipota peeyauka chupe reta iparavɨkɨ.

ÉXODO 5:9

Pemee jeta jókuae kuimbae reta iparavɨkɨrä; jokuaeño oyapo reta vaerä, agüɨye vaerä oyeapɨsaka reta apu re.

ÉXODO 6:6

Jáeramo, rereta Israel iñemuña reta pe: —Che ko peYa; che pogüɨnoeta mbaravɨkɨ ipoɨgüe peyapo Egipto pe vae güi, poyorata yeokuaiasɨ katu güi, che poepɨta morojäa tuichagüe rupi.

ÉXODO 6:7

Jare poapota tëta chembaerä jare che aikota peTumparä; jare pe reta peikuaata che ko jae peYa Tumpa vae, pogüɨnoe mbaravɨkɨasɨ katu peyapo Egipto pe vae güi.

ISAÍAS 58:6

Ambuae ko. Yekuaku tembíu güi chembopɨakatu vae ko jae: Yeyora jupimbae güi vae, yeyora tembiporara güi vae, ipɨatɨtɨ vae re pemaeño ojo vae jare peporoyora oipotagüe mbae güi vae;

San Mateo 11:28

Opaete peyemoambeko jare pepɨatɨtɨ peiko vae reta, peyu chekotɨ. Jare che pomombutuuta.

San Lucas 4:18

“YandeYa iEspíritu oï cheré, echa cheparavo amombeu vaerä ñee ikavi vae iparavete vae reta pe. Chembou ambogüera vaerä ipɨatɨtɨ vae reta, amoërakua vaerä yeyora tembipɨɨ reta pe, jare amomae vaerä jesambae reta. Chembou vi ayora vaerä yogüɨrekoasɨ katu vae reta.