ÉXODO 19:5 - Biblia Guarani Tumpa Iñee

⁵ Añave, peyeapɨsaka yave cheñee re jare peñovatu yave cheporogüɨrökuavee päve, peikota chembaerä mbae jepɨ yae vae rami opaete ïru tëta reta güi, echa chembae ko opaete ɨvɨ.

ÉXODO 19:5 Iomraidhean Croise

GÉNESIS 17:9

Tumpa jei pɨau ye Abraham pe: —Ndepo pe oï remboete vaerä kuae morogüɨrökuavee päve; jaeramiño vi opaete neñemuña reta ou yoapɨ apɨta kuri vae.

1 REYES 8:53

Echa nde rembosɨrɨ ndeyeupe kuae tëta ïru tëta reta ɨvɨ pe ñogüɨnoi vae ipɨte güi, jökorai remombeu nderembiokuai Moisés rupi, renoe oreñemuñagüe reta Egipto güi yave, cheYa Tumpa.”

1 CRÓNICAS 17:22

echa nde reiparavo Israel ndembaerä jekuae avei pegua, jare nde cheYa reiko jae reta iTumparä.

JOB 41:11

¿Oñeñono jóvai vae, oasayepeta ra? ¡Opaete ara igüɨ pe ñogüɨnoi vae, chembae ko!

JOB 41:3

¿Nemoñerata ra reiparareko vaerä, ani iñee yeaeä ndeve okɨɨye güi?

SALMOS 135:4

Echa jae oiparavo iyeupe tëta Israel, Jacob iñemuña reta.

SALMOS 24:1

YandeYa imbae ko ɨvɨ jare opaete mbaembae oï pɨpe vae, jare opaete yogüɨreko pɨpe vae.

SALMOS 25:10

Opaete yandeYa jemimbota ko mboroparareko jare añete vae, iporogüɨrökuavee päve jare iporookuai reta oñovatu jare oyapo vae pe.

ÉXODO 15:26

jei körai: “Peendu kavi yave che peYa Tumpa iñee, jare peyapo yave jupi vae cheresa róvai, peendu jare peyapo yave opaete cheporookuai, ngaraa ambou peve metei ave mbaerasɨ reta Egiptoɨgua reta pe ambou vae; echa che ko jae peYa pepoanoa.”

ÉXODO 23:22

Ërei añetete perovia iñee jare peyapo opaete che jae peve vae yave, aikota perovaicho reta jovaichorä jare ambopɨatɨtɨta pembopɨatɨtɨ vae reta.

ÉXODO 24:7

Jare oipɨɨ tembikuatía morogüɨrökuavee päve regua oï pɨpe vae, jare omongeta opaete vae reta pe, jare jae reta jei: —Toroendu jare toroyapo opaete mbae yandeYa jei vae.

ÉXODO 34:9

Jare jei: —Añave cheYa, ndepɨakatu ko chekotɨ yave, ekua orerupíe añave; echa kuae reta ipɨa täta yae vae ko, neɨ̈ro oreve orembaeyavɨ re, oreyoa re jare toroiko ndembaerä.

ÉXODO 6:7

Jare poapota tëta chembaerä jare che aikota peTumparä; jare pe reta peikuaata che ko jae peYa Tumpa vae, pogüɨnoe mbaravɨkɨasɨ katu peyapo Egipto pe vae güi.

ÉXODO 8:22

Ërei jókuae ara che añono teeta ɨvɨ Gosén, echa joko pe tëta chembae oiko; agüɨye vaerä metei mbae nunga mberu ave oï jókuae ɨvɨ pe, reikuaa vaerä che ko peYa jókuae ɨvɨ pe oï vae.

ÉXODO 9:29

Jare Moisés jei chupe: —Kuae tëta güi aë ñoete aupita chepo ayerure oreYa kotɨ, jare ararɨapu jare amandau osondo vaerä; reikuaa vaerä oreYa ko jae ɨvɨ iya vae.

CANTARES 8:12

¡Cheuvarupa chembae ko, che aeño ayangareko vaerä jese! Jókuae mil reare korepoti pegua vae, toï ndembaeräño Salomón, jare dosciento, omaangareko vae reta peguarä.

ISAÍAS 1:19

pekɨ̈reɨ yave jare peendu yave, peuta ɨvɨ omee mbaagüɨye kavi vae;

ISAÍAS 41:8

“Ërei nde Israel, Jacob iñemuña, agüɨye ekɨɨye cherembiokuai ko nde, che ko roparavo, chevɨa-ïru Abraham iñemuña reta:

ISAÍAS 43:1

Añave, Israel, Jacob iñemuña reta, yandeYa, ndeapoa jei ndeve körai: “Agüɨye ekɨɨye, che ko roepɨ; che ko reenɨi, chembae ko nde.

ISAÍAS 56:4

Echa yandeYa jei: “Eunuco reta omboete yave cheara mbutuu, yogüɨreko yave jaegüe rupi jare cheporogüɨrökuavee päve rupi,

JEREMÍAS 10:16

Ërei ¡ambuaeyee ko chugüi reta Jacob iTumpa, opaete mbaembae iYapoa! Jae oiparavo imbaerä Israel. YandeYa Imbaepuere yae ete vae; jókuae jae ko jee.

JEREMÍAS 13:11

Kia omoata ikuakuaa iyé vae rami, opaete vae Israel pegua jare Judá pegua amboatɨ tëi cheyé, yogüɨreko vaerä chembaerä, jërakua vaerä cheree jare cheyemboetea. Ërei mbaetɨ oyapo reta che jae vae. Che ndeYa jae kuae.

JEREMÍAS 7:23

Jaeño ayókuai reta oendu katu vaerä cheñee; echa jökorai yave che aikota iTumparä jare jae reta yogüɨrekota chembae retarä. Ayókuai vi yogüɨreko vaerä che ayókuai rami, ikavi yogüɨreko vaerä.

EZEQUIEL 16:8

Aasa ye ndeɨpɨ rupi yave, roecha rekuakuaa ma jare reñemokuña ma; jare cheñeapevaka pe roñova nenandi reï vae; añererökuavee ndeve jare ayapo morogüɨrökuavee päve nde ndive, jökorai reiko chembaerä. Che ndeYa Tumpa jae.

LEVÍTICO 20:24

Ërei che arökuavee peve peiko vaerä jókuae jae reta iɨvɨ iyarä, che amee jókuae ɨvɨ kavi pembaerä. Che ko peYa Tumpa, peparavo ïru tëta reta güi vae.

AMÓS 3:2

“Pe retaño poparavo opaete ɨvɨ pegua reta ipɨte güi, jáeramo, aiporaraukata peve opaete peyoa reta re.”

AMÓS 6:1

¡Paravete, Sión pe yogüɨreko pɨagüive vae reta! ¡Jare tëta Samaria ɨvɨtɨ re oï vae pe yogüɨreko pɨagüive vae reta, tenondegua reta, iyemboetea yae tëtaguasu pe vae reta, kuae reta re ko oyemboya Israel iñemuña reta!

MALAQUÍAS 3:17

YandeYa Imbaepuere yae ete vae jei: “Che cheporojäa iara pe yogüɨreko yeta chembaerä mbae jepɨ yae vae rami, cheɨ̈rota chupe reta metei kuimbae iñɨ̈ro taɨ oyeokuai chupe vae pe rami.

1 Corintios 10:26

Echa kuae ɨvɨ jare opaete mbaembae oï pɨpe vae yandeYa imbae ko.

1 Corintios 10:28

Ërei kia jei yave peve: “Kuae mɨmba ko omee tumpa-raanga reta pe vae.” Agüɨye peu omombeu peve vae jeko pegua jare agüɨye vaerä pepɨa pe peyemboeko. Echa kuae ɨvɨ jare opaete mbaembae oï pɨpe vae yandeYa imbae ko.

DEUTERONOMIO 10:14

Mase, yandeYa Tumpa imbae ko ara, jare ara ɨvate yae vae jare ɨvɨ, jare opaete mbaembae oï pɨpe vae.

DEUTERONOMIO 11:27

Penoita mborerekua, peyapo yave yandeYa Tumpa iporookuai reta, che amombeu añave peve vae.

DEUTERONOMIO 14:2

Echa pe tëta oñeñono tee yandeYa Tumpa pe vae ko, jae ko peparavo imbaerä opaete tëta reta ɨvɨ pegua güi.

DEUTERONOMIO 14:21

Agüɨye mɨmba omanoiño vae peu, echa pe ko tëta oñeñono tee yandeYa Tumpa peguarä vae, ërei pepuere pemee ketɨgua yogüɨreko pepɨte pe vae pe, jae reta ipuere jou, jare ketɨgua oasa jokoropi vae pe pepuere pemee. Agüɨye kavara raɨ isoogüe pemboyɨ ichɨ ineche pe.

DEUTERONOMIO 26:18

Jare yandeYa jei añave, pe jae ko tëta imbae, güɨrökuavee peve rami, peyapo vaerä opaete iporookuai reta.

DEUTERONOMIO 26:19

Jae pembotuicha vaerä opaete ïru tëtaguasu reta oyapogüe güi, mbaemboete pe, jare perërakua yaeta vae pe, peiko vaerä jae jei rami: Tëta oñeñono tee yandeYa Tumpa peguarä vae.”

DEUTERONOMIO 28:1

Peendu ete kavi peyeupe yandeYa Tumpa iñee yave, peyapo yave mborookuai reta amombeu añave peve vae, yandeYa Tumpa pembotuichata opaete tëtaguasu reta ɨvɨ pegua güi.

DEUTERONOMIO 28:9

Peendu jare peyapo yave yandeYa Tumpa iñee, jae pererekota metei tëta oñeñono tee vae imbaerä, oñererökuavee jee re peve rami.

DEUTERONOMIO 4:20

Ërei ngatu yandeYa perenoe jókuae horno omondɨkui jiero vae güi, jae ko Egipto, peapo vaerä jae imbaerä, añave rami.

DEUTERONOMIO 5:2

YandeYa Tumpa oyapo yande ndive morogüɨrökuavee päve ɨvɨtɨ Horeb pe.

DEUTERONOMIO 7:6

Echa pe reta ko jae tëta oñeñono tee yandeYa Tumpa peguarä vae; yandeYa Tumpa ko peparavo, peiko vaerä chupeguarä metei tëta ikavi yae vae, opaete ïru tëta reta kuae ɨvɨ pe ñogüɨnoi vae güi.

DEUTERONOMIO 9:29

Ndembae reta ko kuae tëta, nde ko renoe Egipto güi ndembaepuere tuicha yae vae rupi, jare reyapo etei vae rupi.’

Tito 2:14

Echa jae oñemee omano vaerä yanderé, jae yandereepɨ vaerä opaete ikavimbae güi, jare oyoe vaerä yandepɨa yandeyoa reta güi, yandeapo vaerä imbae retarä, yaipota yae vaerä yayapo mbaravɨkɨ ikavi vae.

Hebreos 11:8

Iporogüɨrovia rupi Abraham, Tumpa oenɨi yave ojo, Tumpa güɨrökuavee omeeta ɨvɨ imbaerä vae kotɨ; oë ojo oikuaambae reve ketɨ ko ojo vae kotɨ.

Hebreos 8:9

Mbaetɨta peñemuñagüe reta ndive morogüɨrökuavee päve ayapo rami, jókuae ara aipoko anoe ɨvɨ Egipto güi rami; echa yogüɨreko cheporogüɨrökuavee päve pe, jáeramo che aeya reta; che peYa ko jae kuae.

JOSUÉ 24:24

Jare opaete vae jei Josué pe: —YandeYa Tumpa peño toroyeokuai jare toroyapo jae oreokuai vae.

1 Pedro 2:9

Ërei pe reta ko jae ñemuña oyeparavogüe, sacerdote reta, tëtaguasu oñeñono tee vae, Tumpa peparavo jae imbaerä, pemoërakua vaerä mbae tuichagüe oyapogüe, perenoe pɨtumimbi güi peiko vaerä jembipe ikavi yae vae pe.

1 SAMUEL 15:22

Jayave Samuel jei: “¿Oyerovia yae pa yandeYa mɨmba reta oyeyukagüe opaetei oyeapɨ vae re, jare mɨmba reta oyeyuka vae re, iñeerendu katu vae re rami? Añetete, ñeereendu katu ko ikavi yae mɨmba reta oyeyukagüe güi, jare yeapɨsaka katu vecha kuimbae reta ikɨragüe güi.