ÉXODO 19:16 - Biblia Guarani Tumpa Iñee

¹⁶ Jare mboapɨa ara pe, köe ma ou yave, ou amapɨtu pɨtumimbi vae ɨvɨtɨ opa oyasoi, ara jɨapu jare ama-vera, jare temimbɨñee täta yae vae; jare teyupa pe ñogüɨnoi vae reta opaetei orɨrɨi okɨɨye güi.

ÉXODO 19:16 Iomraidhean Croise

2 SAMUEL 22:10

Ombotindɨ ara jare ogüeyɨ. ¡Ipɨ igüɨ pe oï amapɨtu jüu vae!

2 CRÓNICAS 5:14

Jare sacerdote reta mbaetɨ ipuere ñogüɨnoi joko pe oparavɨkɨ vaerä jókuae amapɨtu jeko pegua, echa yandeYa iyemboetea omotɨnɨe tupao guasu.

JOB 38:25

¿Kia pa oipea tape ɨporu pe, ama-vera jare ararɨapu pe?

SALMOS 50:3

Outa ñaneTumpa, ërei ngaraa kïriiño ou; jenonde outa tata oporomboai vae, iyɨ́vɨri rupi, ɨvɨtuai imbaepuere yae vae.

SALMOS 77:18

Ndeararɨapu oï kusumirou re; neama-vera omoembipe ɨvɨ jare omokana.

SALMOS 81:8

Peyeapɨsaka, tëta chembae, amombeu kavi voita peve. ¡Israel, eendu cheñee!

SALMOS 97:4

Iama-vera reta omboesape ɨvɨ; ¡jókuae oecha yave kuae ɨvɨ okana!

ÉXODO 19:11

jare toyupavo reta toñogüɨnoi kóeramo peguarä, echa mboapɨa ara pe, che peYa agüeyɨta opaete vae reta jesa róvai ɨvɨtɨ Sinaí re.

ÉXODO 19:15

Jei chupe reta: —Peyupavo kóeramo peguarä; agüɨye pepoko kuña re.

ÉXODO 19:17

Jare Moisés güɨnoe Israel iñemuña reta, güɨraja ñogüɨnoia güi oövaiti reta vaerä Tumpa; yogüɨraja reta oyemboɨ ɨvɨtɨ igüɨ pe.

ÉXODO 19:9

jayave yandeYa jei Moisés pe: —Mase, ko che ayuta ndekotɨ metei amapɨtu pɨtumimbi yae vae re, Israel iñemuña reta oendu vaerä chemiari yave nde ndive, ndererovia reta vaerä jekuae avei. Jayave Moisés omombeu yandeYa pe opaete vae iñee,

ÉXODO 20:18

Opaete Israel iñemuña omae jare oendu reta ararɨapu, ama-vera, jare mimbɨ vecha kuimbae-räti pegua oñee vae, jare ɨvɨtɨ jätati vae; kuae oecha reta yave, orɨrɨi okɨɨye güi, jare osɨrɨ reta mombɨrɨ.

ÉXODO 20:21

Jayave Israel iñemuña reta omae ñogüɨnoi mombɨrɨ güiño, jayave Moisés oya amapɨtu pɨtumimbi oï vae re, echa joko pe Tumpa oï.

ÉXODO 40:34

Jayave metei amapɨtu oñova tupao guakapi pegua, jare yandeYa iyemboetea omotɨnɨe tupao guakapi pegua.

ÉXODO 9:23

Jare Moisés güɨropövee ipopoka ara kotɨ, jayave yandeYa ombojɨapu ara jare ombou amandau, jare ama-tiriri yavaetegüe oa ɨvɨ re; jökorai yandeYa oitɨ amandau ɨvɨ Egipto pe.

JEREMÍAS 5:22

Che, peYa jae: ¿Mbaetɨ pa peipoɨu chegüi? ¿Mbaetɨ pa pekɨɨye chegüi? Che añono ɨvɨkuitï ɨguasu jembeɨrä, ɨguasu ngaraai oasa vae. Yepe tëi tuicha ɨaparúa opüa, ërei ngaraai ipuere oasa.

NAHUM 1:3

YandeYa mbaetɨ iyarasɨ raivi vae ko jare tuicha yae mbaepuere pe, jare mbaetɨ oeya jökoraiño jeko vae. YandeYa oguata ama ɨvɨtuai reve vae rupi, jare amapɨtu reta, ipɨ omoätati vae ko.

San Mateo 24:31

Jare amondota chearaɨgua reta jemimbɨguasu omoñee reve güeru vaerä aiparavogüe reta opaete ketɨ ketɨ güi.

DEUTERONOMIO 5:5

Jayave che aï yandeYa jare pe reta pepäu pe, amombeu vaerä yandeYa iñee reta, echa pe reta pekɨɨye tata güi, jare mbaetɨ peyeupi ɨvɨtɨ re. Jayave yandeYa jei:

Hebreos 12:21

Jare jókuae oyekuaa vae yavaete yae ramo Moisés jei: “Arɨrɨi yae akɨɨye ramo.”

Apocalipsis 1:10

Espíritu Santo güɨnoi mbaepuere cheré tenondegua ara semana iyɨpɨ pe, jare aendu chekupe kotɨ ñee tätagüe, mimbɨguasu iñee rami,

Apocalipsis 11:19

Jare Tumpa itupao oyepea ara pe, jare käjou morogüɨrökuavee päve pegua oyekuaa oï japɨpe pe. Jare oyeendu ama-vera, ñee reta, ararɨapu, ɨvɨkana jare jeta amandau.

Apocalipsis 4:1

Kuae jaɨkue rupi amae jare aecha metei öke oyepea oï ara pe. Jare ñee tenonde yave aendu mimbɨguasu iñee rami vae imiari cheve vae jei cheve: “Eyeupi kuae pe jare aechaukata ndeve mbaembae oasata kuae jaɨkue rupi vae.”

Apocalipsis 4:5

Jare jókuae tenda güi oë ama-vera, ararɨapu jare ñee reta. Jare jókuae tenda jóvai chiu mechero jendɨ ñogüɨnoi, jae ko Espíritu Santo chiu jembiapo güɨnoi vae.

Apocalipsis 8:5

Jayave araɨgua oipɨɨ ikäti kavi vae incienso oyeapɨ pɨpe vae jare omotɨnɨe tätapɨi jendɨ vae pe mɨmba oyeyuka oyeapɨ jese vae güi, jare omombo ɨvɨ re, jare oyeendu ararɨapu, ñee reta, ama-vera jare ɨvɨkana.