ÉXODO 18:8 - Biblia Guarani Tumpa Iñee

⁸ Joko pe Moisés imiari jovaya pe yandeYa oyapo opaete mbaembae Faraón pe jare Egiptoɨgua reta pe vae re, Israel iñemuña reta oaɨu jeko pegua, jare opaete mbaemboavai oasa jae reta ndive tape rupi vae re, kërai yandeYa güɨroasayepe vae re.

ÉXODO 18:8 Iomraidhean Croise

GÉNESIS 44:34

Echa, ¿këraita pa ayerova ye cheru kotɨ kuae kunumi mbaetɨ yave ojo ye cherupíe? Mbaetɨta chepuere aja aecha vaerä mbɨatɨtɨ tuichagüe cheru oiporarata vae.”

NEHEMÍAS 9:32

Jáeramo, oreTumpa, Tumpa tuicha yae vae, imbaepuere yae vae, kɨɨyea yae vae, iporoparareko avei vae, jare ombopo iñee oñererökuavee mbae oyapo vaerä yave vae, agüɨye emaeiño oreruvicha guasu reta, oreruvicha reta, oresacerdote reta, neñeemombeúa reta, oreñemuñagüe reta jare opaete vae oiporara vae re, arakae mburuvicha guasu Asiria pegua reta yogüɨreko güive añave regua.

SALMOS 106:10

Jökorai, güɨroasayepe tovaicho reta güi, imotareɨa reta ipo güi.

SALMOS 106:8

Ërei Tumpa güɨroasayepe, oaɨu jee ramo; oechauka vaerä imbaepuere.

SALMOS 107:2

Jovaicho reta güi yandeYa oepɨ vae reta tei jökorai, jovaicho reta imbaepuere güi yandeYa oepɨ vae reta,

SALMOS 66:16

¡Peyu, opaete Tumpa güi peipoɨu vae reta! ¡Peyeapɨsaka, amombeuta peve mbae oyapo cheveguarä vae!

SALMOS 81:7

Resapúkai reyerure mbɨatɨtɨ iara pe jare che roepɨ; amboyevɨ ndeve ararɨapu rupi; rojäa ɨ Meriba jembeɨ pe.

ÉXODO 15:16

¡Toa jese reta ñeiämondo jare kɨɨye! ¡Ndeyɨva imbaepuere jeko pegua topɨta reta kïrii ita rami, opa regua oasa ndembae vae reta, cheYa, opa regua oasa ndembae vae reta reyora vae!

ÉXODO 15:6

CheYa, ndepo ndeakatu kotɨgua omboyekuaa ndembaepuere, ndepo ndeakatu kotɨgua omoamɨri tovaicho reta.

ÉXODO 16:3

Körai jei Israel iñemuña reta chupe reta: —¡Maera ra romano voiä yandeYa ipo pe ɨvɨ Egipto pe! Roguapɨse yave yapepo soo ndive jare mbɨyape rou orerɨ̈vɨata regua; ërei pe orerenoe kuae ñuu rupi oreyukauka vaerä yɨmbɨaɨ pe opaete kuae roiko vae.

ÉXODO 18:1

Jetro, sacerdote Madián pegua Moisés jovaya oendu opaete mbaembae Tumpa oyapo Moisés ndive vae, jare Israel iñemuña reta ndive vae re, jare yandeYa kërai güɨnoe Egipto güi vae.

ÉXODO 2:25

Tumpa omae Israel iñemuña reta re, jare oecha kërai yogüɨreko vae.

ÉXODO 23:23

Echa chearaɨgua ojota perenonde, jare pererajata amorreo, heteo, ferezeo, cananeo, heveo jare jebuseo reta iɨvɨ pe; kuae reta che opata amboaiuka.

ÉXODO 4:23

Che jae ma ndeve remaeño vaerä yogüɨraja chemboete; ërei mbaetɨ ramo remaeño yogüɨraja, che ayukata nderaɨrɨpɨ.”

ÉXODO 7:4

Jare Faraón ngaraa oyeapɨsaka peñee re; ërei che aitɨta chembaepuere Egipto re, anoeta chesundaro reta, chembae vae, Israel iñemuña reta ɨvɨ Egipto güi tuichagüe morojäa rupi.

ÉXODO 7:5

Jare Egiptoɨgua reta oikuaata che ko jae peYa vae, aitɨ yave chembaepuere Egipto re, Israel iñemuña reta pogüɨnoe jae reta ipɨte güi yave.

NÚMEROS 20:14

Moisés omondo ɨvɨ Cades güi, jekovia pe kuimbae reta imiari vaerä Edom iñemuña reta juvicha guasu ndive, jei reve: “Körai jei nerëtara Israel iñemuña reta: ‘Nde reikuaa jeta mbaembae ou oreve vae.