ÉXODO 18:12 - Biblia Guarani Tumpa Iñee

¹² Jare Jetro, Moisés jovaya omee mɨmba oyeyukagüe opaetei oyeapɨ vae jare mɨmba oyeyukagüe Tumpa peguarä. Javoi Aarón jare opaete Israel iñemuña itenondegua reta ndive yogüeru okaru vaerä Moisés jovaya ndive Tumpa jóvai.

ÉXODO 18:12 Iomraidhean Croise

GÉNESIS 12:7

YandeYa oyekuaa Abram pe, jare jei chupe: “Neñemuña reta pe ameeta kuae ɨvɨ.” Jayave Abram omopüa mɨmba oyeyuka oyeapɨ jese vae yandeYa peguarä, jókuae jae oyekuaa chupea pe.

GÉNESIS 26:25

Jayave Isaac omopüa joko pe mɨmba oyeyuka oyeapɨ jese vae, jare oyerure yandeYa jee re, oyatɨka vi jo guakapi pegua jare jembiokuai reta oipea ɨkua joko pe.

GÉNESIS 26:30

Jayave jae oyapouka tembíu kavi chupe reta; okaru jare jou reta vino.

GÉNESIS 31:54

Jayave Jacob oyuka mɨmba omee Tumpa pe jókuae ɨvɨtɨ re jare oenɨi jëtara reta okaru. Opaete jae reta okaru jare joko pe iköe reta.

GÉNESIS 4:4

Jare Abel güeru vi ivecha reta imembɨrɨpɨ ikɨra kavi vae. Jare yandeYa ipɨakatu omae Abel re jare mbota güeru vae re.

GÉNESIS 43:25

Jae reta oyapo katu mbota ndei ou mbove José kuaraɨ ara mbɨte pe, echa oendu reta jae ndive ko okaru retata vae.

GÉNESIS 8:20

Noé omopüa mɨmba oyeyuka oyeapɨ jese vae yandeYa peguarä, jare oipɨɨ mɨmba oyeu vae ñavo güi, güɨra oyeu vae ñavo güi, oyuka omee opaetei oyeapɨ vae Tumpa pe.

2 SAMUEL 9:7

Jare David jei chupe: —Agüɨye ekɨɨye, echa che anoita mboroparareko ndekotɨ nderu Jonatán jeko pegua. Opata amboyevɨ ye ndeve opaete neramɨigüe Saúl iɨvɨ; jare nde rekaru aveita che ndive.

2 CRÓNICAS 30:22

Jare Ezequías oyapo yasoropai opaete levita reta oechauka kërai oyeokuai yandeYa pe vae reta pe. Javoi okaru reta arete chiu ara vae pe, omee reta reve mɨmba oyeyukagüe yembopɨakatu pegua jare omee reta reve yasoropai yandeYa pe, iñemuñagüe reta iTumpa pe.

JOB 1:5

Jare opa güire omboasa reta iarete yave, Job omondo oenɨiuka taɨ reta, jare ndeimboveasɨ opüa omee mbota mɨmba oyeyukagüe opaetei oyeapɨ vae, taɨ reta ñavo re; jökorai oyapo chupe reta yetɨo iyoa güi, echa Job jei: “Güɨramoi cheraɨ reta oyapo mbaeyoa ani oyangao reta ipɨa pe Tumpa.” Jökorai avei oyapo Job.

JOB 42:11

Jare yogüeru ípɨri opaete jëtara jare jeindɨ reta, jare opaete tenonde yave rupi oikuaa vae reta, jare okaru reta jae ndive jo pe, ipɨatɨtɨ reta jese, jae ndive oasagüe re, jare ombopɨakatu reta opaete jókuae mbaembae ikavimbae yandeYa ombou jese vae re; jare metei ñavo omee reta chupe korepoti jare moäka-vera oro pegua.

JOB 42:8

Añave peipɨɨ chiu toro raɨ jare chiu vecha kuimbae, jare pekua cherembiokuai Job pɨri, jare perökuavee mbota mɨmba oyeyukagüe opa etei oyeapɨ vae peyé, jare cherembiokuai Job oyerureta peré; echa añetete jae iyerure reño ayeapɨsakata, agüɨye vaerä ayapo ikavimbae peve, echa mbaetɨ pemiari kavi jupi rupi cheré, cherembiokuai Job rami.”

ÉXODO 18:13

Pɨareve pe Moisés oguapɨ ojäa opaete vae; jare ndeimbove güive kaaru regua ñogüɨnoi Moisés jóvai.

ÉXODO 2:16

Jare ɨkua iyɨpɨ pe oguapɨ oï ramboeve, sacerdote Madián pegua chiu tayɨ reta yogüeru güɨnoe ɨ, omotɨnɨe vaerä mɨmba iɨguarɨru reta, omboɨu reta vaerä tu ivecha reta,

ÉXODO 2:20

Jayave Reuel jei tayɨ reta pe: —¿Kia pe pa oime oï? ¿Maera pa peeya jókuae kuimbae? ¡Pekua peenɨi ou vaerä okaru!

ÉXODO 20:24

Peyapo cheve mɨmba oyeyuka oyeapɨ jese vae ɨvɨ pegua, jare pemee jese cheve mɨmba oyeyukagüe opaetei oyeapɨ vae jare mbota mbɨakatu pegua, pevecha reta jare peguaka reta, opaete oïa rupi, che aipota cheree oï avei jesea rupi, che ayuta pekotɨ, jare cheporerekuata peré.

ÉXODO 24:11

Ërei Tumpa mbaetɨ mbae oyapo Israel iñemuña juvicha reta kotɨ; oecha reta Tumpa jare mbaetɨ omano reta.

ÉXODO 24:5

Omondo Israel iñemuña reta güi, taɨrusu vae reta omee vaerä yandeYa pe mɨmba reta oyeyukagüe opaetei oyeapɨ vae jare toro taɨrusu vae reta, mɨmba oyeyukagüe mbɨakatu pegua.

ÉXODO 3:1

Moisés omongaru oiko jovaya Jetro, sacerdote Madián pegua ivecha reta yave, güɨraja vecha reta ñuu rupi, jare ojo oväe Horeb pe, Tumpa iɨvɨtɨ pe.

ÉXODO 33:7

Jayave Moisés oipɨɨ metei küaraɨa guakapi pegua, jare omopüa mombɨrɨ katu teyupa güi ikatu pe, jare ombojee tupao guakapi pegua. Jare oipotagüe yandeYa oeka vae, ojo jókuae tupao guakapi pegua pe, teyupa güi ikatu pe oïa pe.

DANIEL 10:3

Mbaetɨ jau tembíu jëe ngatu vae, mbaetɨ jau soo ani vino ave yepe, mbae ikäti kavi vae ave mbaetɨ añono cheyé mboapɨ semana rupi.

NÚMEROS 10:29

Jayave Moisés jei jovaya Hobab pe, Ragüel taɨ pe; Ragüel ko jae Moisés jembireko tu, Madián pegua: —Ore rojota ɨvɨ yandeYa güɨrökuavee orevea kotɨ. Yaja orerupíe, ore romae kavita nderé, echa yandeYa güɨrökuavee ikavi vae Israel iñemuña reta pe.

San Lucas 14:1

Jare metei ara Jesús ojo oike metei fariseo reta itenondegua jo pe okaru vaerä jae ndive, ara mbutuu pe. Jare fariseo reta oipïaro ñogüɨnoi Jesús.

San Lucas 14:15

Jare metei jae ndive oguapɨ oï mesa pe vae kuae oendu yave, jei Jesús pe: —Oyeroviata ko, Tumpa iporookuaía pe okaruta vae.

1 Corintios 10:18

Yambojaanga Israel pegua reta re. Kërai jou reta mɨmba reta oyeyukagüe Tumpa pe oñemee vae isoo güi yave, oyeapo reta ko metei ramiño joko pe oyeapo vae ndive.

1 Corintios 10:21

Mbaetɨ ko jaekavi peu vino oyembojaanga yandeYa jugüɨ re vae jare vi vino aña reta pe oñemee vae. Jaeramiño mbaetɨ ko jaekavi peu mbɨyape oyembojaanga yandeYa jete re vae jare vi soo aña reta pe oñemee vae.

1 Corintios 10:31

Ërei che jae peve opaete mbaembae peu vae rupi jare opaete mbaembae peyapo vae rupi pemboete Tumpa.

DEUTERONOMIO 12:7

Joko pe pekaru yandeYa Tumpa jóvai, jare peyerovia katu pero pegua reta ndive peparavɨkɨagüe re, yandeYa Tumpa iporerekua peré vae rupi.

DEUTERONOMIO 27:7

jare mbota yembopɨakatu pegua, jare peu joko pe, jare peyerovia yandeYa Tumpa jóvai.