ÉXODO 17:7 - Biblia Guarani Tumpa Iñee

⁷ Jare ombojee reta jókuae ɨ oëa, Masah jare Meriba, echa Israel iñemuña reta iñeengeta jeko pegua ojäa reta yandeYa, echa jei reta: “¿Oime pa yandeYa oï yande ndive ani mbaetɨ pa?”

ÉXODO 17:7 Iomraidhean Croise

SALMOS 106:32

Ɨ Meriba pe omboarasɨuka reta vi Tumpa, jae reta jeko pegua Moisés pe oyavɨuka.

SALMOS 78:18

Echa ojäa reta Tumpa, oiporu reta jembiurä jae reta oyúe vae.

SALMOS 81:7

Resapúkai reyerure mbɨatɨtɨ iara pe jare che roepɨ; amboyevɨ ndeve ararɨapu rupi; rojäa ɨ Meriba jembeɨ pe.

SALMOS 81:8

Peyeapɨsaka, tëta chembae, amombeu kavi voita peve. ¡Israel, eendu cheñee!

SALMOS 95:8

“Agüɨye pepɨa pemotäta, Meriba pe rami; ani jókuae ara Masah pe rami ñuu pe,

ÉXODO 17:2

Javoi iñeengeta reta Moisés pe, jei reta chupe: —¡Emee ɨ rou vaerä! Jare Moisés jei chupe reta: —¿Maera pa peñeengeta cheve? ¿Maera pa pejäa yandeYa?

ÉXODO 34:9

Jare jei: —Añave cheYa, ndepɨakatu ko chekotɨ yave, ekua orerupíe añave; echa kuae reta ipɨa täta yae vae ko, neɨ̈ro oreve orembaeyavɨ re, oreyoa re jare toroiko ndembaerä.

ISAÍAS 12:6

Pesapúkai jare petairari peyerovia güi, pe Sión pegua reta, echa Tumpa, Iyoambae Israel pegua tuicha yae vae, oime oï pepɨte pe.”

MIQUEAS 3:11

Peruvicha reta oporojäa omboepɨuka vɨari iyeupe reve, sacerdote reta oporomboe okovara reve, ñeemombeúa reta omoërakua apu korepoti oipɨɨ vaerä; jare oyeko reta yandeYa re, jei reta reve: “YandeYa oï yande ndive; ngaraa maratu yaasa.”

NÚMEROS 14:22

Opaete oecha reta cheyemboetea vae, mɨakañɨ ayapo Egipto pe vae, ñuu rupi vae, jare ojäa reta tëi chepɨaguasu payandepo ye ma vae, jare mbaetɨ oendu reta cheñee vae,

NÚMEROS 20:13

Kuae jae ko ɨ yemboarasɨ pegua, kuae re ko Israel iñemuña reta oyemboyovaicho yandeYa kotɨ, jare jae oyekuaauka jese reta.

NÚMEROS 20:24

“Aarón omanota ma, ngaraa oike Israel iñemuña reta pe ɨvɨ amee vae pe, peyembopɨapochɨ cheporookuai kotɨ Meriba pe jeko pegua.

NÚMEROS 27:14

peyembopɨapochɨ cheporookuai kotɨ ñuu Zin pe jeko pegua, opaete vae reta oyemboarasɨ chekotɨ yave, pe reta mbaetɨ chemboete jae reta ɨ oeka yave. (Kuae ko jae ɨ yemboarasɨ pegua, Cades pe, ñuu Zin pe.)

San Juan 1:14

Jókuae Ñee oyeapo Kuimbaerä, jare ou oiko orepɨte rupi mbɨakatu ndive jare añetegüe rupi. Jare ore roecha iyemboetea, Tumpa Taɨ jae vaeño vae iyemboetea.

DEUTERONOMIO 31:17

jókuae ara chearasɨta chupe reta, aeya retata, ayerovata chugüi reta jare oiporara yae jeta mbaembae ikavimbae vae jeko pegua jei retata jókuae ara: ‘¿Mbaetɨ ma ndipo ñaneTumpa oï yande ndive, jáeramo yaiporara kuae mbaembae reta?’

DEUTERONOMIO 33:8

Leví iñemuña reta pe jei: “CheYa ndeTumim jare ndeUrim emee nderembiokuai jupi vae pe, Masah pe rejäa vae, reyomboarasɨ jae ndive ɨ Meriba pegua pe vae,

DEUTERONOMIO 6:16

Agüɨye pejäa yandeYa Tumpa ipɨaguasu, ñuu Masah pe pejäa rami.

DEUTERONOMIO 9:22

Jökoraiño vi Tabera pe, Masah pe jare Kibrot-hataava pe, pemboarasɨuka yandeYa.

JOSUÉ 22:31

Jayave Finees sacerdote Eleazar taɨ jei chupe reta: —Añave yaikuaa kavi ma yandeYa oï yande ndive vae, echa kuae peyapo vae mbaetɨ peyapo pepɨapochɨ yandeYa kotɨ jeko pegua. Jökorai añave orereroasayepe yandeYa iporonupa güi.