ÉXODO 15:9 - Biblia Guarani Tumpa Iñee

⁹ Tovaicho jei: ‘Taɨkuemoña aupitɨ regua, jare opa tamboyao apɨ̈ro chugüigüe chepɨakatu apɨta regua. Tanoe chekɨsepuku, jare chepo tomboai reta.’

ÉXODO 15:9 Iomraidhean Croise

GÉNESIS 49:27

Benjamín ko jae aguarayaɨmba pochɨ yae vae, ndeimbove yave jou jembia, jare kaaru yave omboyao jembɨregüe.”

2 SAMUEL 22:38

Amoña cherovaicho reta jare opa amokañɨtei, opa ayuka yave ramo ayerova ye.

1 REYES 19:2

Jayave Jezabel omondo Elías pe ñee jerajaa, jei körai: “¡Täta toiporarauka tumpa reta cheve! Pɨareve koyave mbaetɨ yave che royuka, nde reyuka vae reta rami.”

1 REYES 20:10

jare Ben-adad omondo jei Acab pe: “¡Täta toiporarauka cheve tumpa reta, mbaetɨ yave Samaria opaetei amboai!”

ÉXODO 14:5

Jare Faraón mburuvicha guasu Egipto pegua pe jërakua Israel iñemuña reta opa ko otekuarai; jayave jae jare imborɨa reta ipɨa oyepoepɨ Israel iñemuña reta kotɨ, jare jei reta: “¿Maera ra yayapo kuae, ñamaeño opa yogüɨraja oyeokuai vaerägüe yandeve reta?”

PROVERBIOS 16:19

Ikavi yae ko ñañemomichi vaerä paravete vae reta ndive, ipɨapochɨ vae reta ndive mbae oñepɨ̈rogüe yamboyao vae güi.

ISAÍAS 36:20

¿Kia nunga tumpa-raanga reta pa oepɨ jëtaguasu, mburuvicha guasu Asiria pegua ipo güi? ¿Perovia pa peYa Tumpa oepɨta Jerusalén chepo güi?

ISAÍAS 53:12

Jáeramo, che ameeta chupe oï vaerä jëia yae vae reta ndive, jare imbaepuere vae reta ndive omboyaota ñeraroa pe mbae opɨ̈rogüe; echa omee ramo jekove omano regua, jare oyepapa iyoa vae reta ndive, güɨraja ramo jeta vae reta iyoa, jare oyerure iyoa vae reta re.

JEREMÍAS 46:17

Peero Faraón mburuvicha guasu Egipto pegua körai: ‘Iñeegüeño, ërei mbaetɨ mbae ipuere oyapo.’

HABACUC 3:14

Itenondegua reyuka imii raɨ pe ae, ama ɨvɨtuai reve rami yavaete oporepeña yave ikavayu regua reta opa vaerä omoai moai ipuerembae vae reta, omboai vaerä paravete vae reta oikuaambae reve.

San Lucas 11:22

Ërei ou yave ïru kuimbae ipɨ̈rata yae chugüi vae jare omoamɨri, jare opɨ̈ro chugüi imboka oyerovia tëi jese vae. Jare opa omboyao chugüi imbaembae.

JUECES 5:30

‘Güɨramoi oime omboyao ñogüɨnoi oyoupe ñeraro pe opɨ̈rogüe. Metei ani mókoi tembipɨɨ kuñatai, ñeraro regua peguarä ñavo; Sísara peguarä temimonde ipïra kavi vae; metei ani mókoi, oporomoamɨri vae iyayu reguarä jeta ipïra vae. Oporomoamɨri vae reta juvicha reta peguarä temimonde jeta ipïra vae.’

1 SAMUEL 30:8

Jare David oparandu yandeYa pe jei reve: —¿Aaɨkuemoñata pa kuae imonda vae reta? ¿Aupitɨ retata pa? Jare yandeYa jei chupe: —Eaɨkuemoña reta, repɨ̈ro yeta jókuae oipɨɨ güɨrajagüe reta.