ÉXODO 15:16 - Biblia Guarani Tumpa Iñee

¹⁶ ¡Toa jese reta ñeiämondo jare kɨɨye! ¡Ndeyɨva imbaepuere jeko pegua topɨta reta kïrii ita rami, opa regua oasa ndembae vae reta, cheYa, opa regua oasa ndembae vae reta reyora vae!

ÉXODO 15:16 Iomraidhean Croise

GÉNESIS 35:5

Jare oë reta ma yave joko güi, Tumpa omee okɨɨye yae vaerä opaete tëta iyɨvɨrigua reta, jare mbaetɨ oaɨkuemoña reta Jacob taɨ reta.

2 SAMUEL 7:23

Jare Israel tëta ndembae vae, mbaetɨ yé ïru tëta jae rami vae kuae ɨvɨ pe; echa nde ko reyora ndembaerä Egipto güi, ïru tëtaguasu reta güi jare itumpa reta güi, jare remoërakua yae reta, reyapo ramboeve chupe reta mɨakañɨ tuichagüe jare yavaetegüe, reaɨu tëta ndembae vae ramo,

SALMOS 105:38

Egiptoɨgua oecha opa ñogüɨnoe yogüɨraja yave, oyerovia reta, echa okɨɨye yae chugüi reta.

SALMOS 74:2

Nemaendúa tëta ndembae vae re, arakae güive reiparavo ndeyeupe vae, reyora reta reyapo vaerä ndembaerä vae; nemaendúa kuae ɨvɨtɨ guasu Sión re, nde reiko pɨpe vae.

SALMOS 89:14

Ndeguapɨa mborookuaía pegua oï jupi jare sɨmbi vae re; mboroparareko jare añete vae ojo nderenonde.

ÉXODO 11:7

Ërei opaete Israel iñemuña reta güi, kuimbae reta jare mɨmba, ngaraa metei yaɨmba ave iñaro oyeendu; peikuaa vaerä ambuaeyee ko cheYa, pe Egiptoɨgua reta Israel iñemuña reta güi vae.

ÉXODO 15:13

Ndeporoparareko rupi reroata kuae tëta reyora vae; reraja ndembaepuere rupi nerëta oñeñono tee vae pe.

ÉXODO 15:5

Ɨ rugua tɨpɨ yae vae pe oa reta ita rami; ɨguasu opa oyasoi reta.

ÉXODO 15:6

CheYa, ndepo ndeakatu kotɨgua omboyekuaa ndembaepuere, ndepo ndeakatu kotɨgua omoamɨri tovaicho reta.

ÉXODO 18:8

Joko pe Moisés imiari jovaya pe yandeYa oyapo opaete mbaembae Faraón pe jare Egiptoɨgua reta pe vae re, Israel iñemuña reta oaɨu jeko pegua, jare opaete mbaemboavai oasa jae reta ndive tape rupi vae re, kërai yandeYa güɨroasayepe vae re.

ÉXODO 20:2

“Che ko jae peYa Tumpa, perenoe ɨvɨ Egipto güi vae, yeokuaiasɨ katu güi.

ÉXODO 23:20

Mase, ko che amondo chearaɨgua, peangareko vaerä tape rupi, jare pereroike vaerä ɨvɨ amokätɨro pevea pe.

ÉXODO 23:22

Ërei añetete perovia iñee jare peyapo opaete che jae peve vae yave, aikota perovaicho reta jovaichorä jare ambopɨatɨtɨta pembopɨatɨtɨ vae reta.

ÉXODO 23:27

Che amondota perenonde kɨɨye; amongɨɨyeta pegüi opaete tëta peikea rupi, ambotekuaraita opaete perovaicho reta perenonde güi.

ÉXODO 6:7

Jare poapota tëta chembaerä jare che aikota peTumparä; jare pe reta peikuaata che ko jae peYa Tumpa vae, pogüɨnoe mbaravɨkɨasɨ katu peyapo Egipto pe vae güi.

ISAÍAS 51:10

opa ko remondɨpa ɨguasu, ɨguasu rupi reyapo tape, reyoragüe reta oasa vaerä jokoropi.

ISAÍAS 63:12

jókuae iyemboetea oñono Moisés re vae; ɨguasu omboyao jae reta japerä vae, jökorai oyapo jee jërakua yae avei vaerä vae,

JEREMÍAS 31:11

Echa yandeYa güɨnoe ye Jacob iñemuña reta, oyora metei tëtaguasu imbaepuere yae ete chugüi reta vae güi.

EZEQUIEL 16:8

Aasa ye ndeɨpɨ rupi yave, roecha rekuakuaa ma jare reñemokuña ma; jare cheñeapevaka pe roñova nenandi reï vae; añererökuavee ndeve jare ayapo morogüɨrökuavee päve nde ndive, jökorai reiko chembaerä. Che ndeYa Tumpa jae.

Hechos 20:28

Jáeramo peyeandu jare peyangareko opaete oporogüɨrovia vae reta re, Espíritu Santo peparavo peyangareko jese vaerä vae reta re. Jókuae yandeYa oiparavo vae reta re, jae ogua jugüɨ ae pe vae.

DEUTERONOMIO 11:25

Ngaraa etei kia ipuere peré, yandeYa Tumpa oñonota kɨɨye jare orɨrɨi vaerä pegüi opaete ɨvɨ rupi peoa rupi, jae jei peve rami.

DEUTERONOMIO 2:25

Añave güive amboɨpɨta añono kɨɨye rai opaete tëta reta re pegüi; oendu yave peregua, ipɨatɨtɨta jare orɨrɨita pegüi.’

DEUTERONOMIO 2:4

Eyókuai opaete vae, rere reve: Peasa perëtara Esaú iñemuña reta Seir pe yogüɨreko vae iɨvɨ rupi, jae reta okɨɨyeta pegüi, ërei ngatu peyeandu.

DEUTERONOMIO 32:6

¿Jökorai pa pemboekovia yandeYa pe? Tëta imbokere jare mbaetɨ arakuaa güɨnoi vae. ¿Jaeä pa peRu peapoa? ¡Jae ko peapo jare omee peiko vaerä!

DEUTERONOMIO 32:9

echa imbae ko kuae tëta, jae ko Jacob iñemuña reta.

Tito 2:14

Echa jae oñemee omano vaerä yanderé, jae yandereepɨ vaerä opaete ikavimbae güi, jare oyoe vaerä yandepɨa yandeyoa reta güi, yandeapo vaerä imbae retarä, yaipota yae vaerä yayapo mbaravɨkɨ ikavi vae.

JOSUÉ 2:9

—Aikuaa peYa ko omee peve kuae ɨvɨ; echa opaete ore rokɨɨye yae pegüi. Opaete kuae tëta guasu pegua reta okɨɨye yae ko ñogüɨnoi pereko pegua.

JOSUÉ 4:24

Opaete ɨvɨ pegua reta oikuaa vaerä yandeYa imbaepuere, jare pe peipoɨu vaerä yandeYa Tumpa güi opaete ara rupi.”

1 Pedro 2:9

Ërei pe reta ko jae ñemuña oyeparavogüe, sacerdote reta, tëtaguasu oñeñono tee vae, Tumpa peparavo jae imbaerä, pemoërakua vaerä mbae tuichagüe oyapogüe, perenoe pɨtumimbi güi peiko vaerä jembipe ikavi yae vae pe.

2 Pedro 2:1

Ërei Israel pegua reta ipɨte pe oime arakae ñemombeúa jaanga reta, jökorai oimeta pepɨte pe añetembae oporomboe vae reta, jae reta güɨroiketa mboromboe añetembae ikavimbae yae vae, oikuakuta yandeYa jae reta imboasaa; jae reta aeño güeruta iyeupe reta jarembae Tumpa iyarasɨ.

1 SAMUEL 2:9

Jae oyangareko jupi rupi oiko chupe vae re, ërei iyoa vae reta omanota pɨtumimbi pe, echa mbaetɨ kia ave ipuere iyeugüi aeño.

1 SAMUEL 25:37

Ërei pɨareve ndeimbove pe, Nabal mbaetɨ ma osavaɨpo yave, Abigail imiari kavi chupe mbae ko oasa vae re, jayave Nabal omano tëi jare jete jëogüe opɨta.