ÉXODO 15:11 - Biblia Guarani Tumpa Iñee

¹¹ CheYa, ¿kia pa nde rami ïru tumpa reta güi? ¿Kia pa nde rami tuicha yae jare iyoambae, mɨakañɨ tuichagüe jare yavaetegüe iyapoa? ¡Jupi ko reyemboeteuka vaerä!

ÉXODO 15:11 Iomraidhean Croise

2 SAMUEL 7:22

jáeramo, nde cheYa Tumpa: ¡Tuichagüe yae ko nde! Echa mbaetɨ ko kia nde rami vae, jare mbaetɨ yé ïru Tumpa ndegüi, echa ore etei ko roendu jókuae.

1 REYES 8:23

jei: “CheYa, Israel iTumpa, mbaetɨ Tumpa nde rami vae, ɨvate ara pe ave, ani ɨvɨ pe, nde reñovatu morogüɨrökuavee päve nderembiokuai reta peguarä vae, nderóvai oguata kavi, opaete ipɨa ndive kavi vae reta;

1 CRÓNICAS 16:25

echa yandeYa tuicha yae ko, jupi ko oyemboete vaerä, jare kɨɨyea yae ko opaete tumpa-raanga reta güi.

2 CRÓNICAS 2:5

Jókuae tupao guasu amopüata vae tuicha yaeta ko, echa oreTumpa imbaepuere yae vae ko opaete tumpa-raanga reta güi.

2 CRÓNICAS 6:14

“CheYa, Israel iTumpa, mbaetɨ Tumpa nde rami vae ara pe ani ɨvɨ pe, rembopo morogüɨrökuavee päve reyapo vae jare reiparareko nderembiokuai ipɨa reve kavi oyeokuai ndeve vae reta;

SALMOS 113:5

¿Kia pa yandeYa Tumpa rami? ¿Kia pa güɨnoi iporookuaía ɨvate yeyé?

SALMOS 119:120

Arɨrɨi, aipoɨu ndegüi jeko pegua, ¡aipoɨu ndeporookuai reta güi!

SALMOS 136:4

Pemboete mɨakañɨ tuichagüe iyapoa, echa iporoparareko jekuae avei vae ko.

SALMOS 145:17

Jupi ko yandeYa opaete oyapogüe rupi, iporoparareko opaete oyapogüe rupi.

SALMOS 22:23

Pemboete yandeYa, pe peipoɨu chugüi vae reta, ¡opaete pe Jacob iñemuña reta, pemboete yandeYa! ¡Peipoɨu chugüi, opaete pe Israel iñemuña reta!

SALMOS 35:10

Opaete chepɨa ndive jaeta: “¿Kia pa nde rami cheYa? Reepɨ oikoasɨ katu vae, imbaepuere yae chugüi vae ipo güi; paravete vae jare mbae oata chupe vae, imbaeyuvanga katu vae güi.”

SALMOS 60:2

Ɨvɨ remokana jare oyeka; ¡eñono kavi, echa opa osururu oï!

SALMOS 66:5

Peyu pemae Tumpa jembiapo reta re, mɨakañɨ reta tuichagüe oyapo kuimbae reta peguarä:

SALMOS 77:11

Chemaenduata cheYa kërai mbaembae oyapogüe re, jókuae arakae yave oyapogüe re.

SALMOS 77:14

¡Nde ko jae Tumpa, mɨakañɨ tuichagüe iyapoa! ¡Reechauka ndembaepuere opaete tëtaguasu reta pe!

SALMOS 77:19

Ɨguasu rupi oï nderape; reasa jeta ɨ reta, ërei mbaetɨ kia oväe nderaɨkuere.

SALMOS 86:10

Echa nde ko Tumpa tuicha yae ete vae, ¡mɨakañɨ iyapoa! Mbaetɨ yé ïru Tumpa.

SALMOS 86:8

CheYa Tumpa, ¡mbaetɨ tumpa-raanga reta güi metei ave nde rami vae! ¡Nderembiapo ave mbaetɨ omboyovake vae!

SALMOS 89:18

¡OreYa Tumpa nde ko jae oreyeopiaka! ¡Oreruvicha guasu jae ko Iyoambae Israel pegua!

SALMOS 90:11

¿Kia pa oikuaa yavaete yae ko ndearasɨ vae? ¿Kia pa oikuaa kërai ko nde ndearasɨ yave vae?

ÉXODO 18:11

añave aikuaa yandeYa tuicha yae ete ko opaete ïru tumpa reta güi vae; echa ipɨayemboete pekotɨ vae reta re oechauka imbaepuere.

ÉXODO 20:3

Agüɨye pereko ïru tumpa reta chegüi.

ÉXODO 3:20

Ërei che amopüata chepo; jare aiporaraukata Egipto pe, opaete mɨakañɨ ayapota joko pe vae rupi, jayaveño omaeñota peo.

ÉXODO 8:10

Jare Faraón jei: —Pɨareve. Jare Moisés jei: —Toyeapo nde rere rami, reikuaa vaerä mbaetɨ ye kia oreYa Tumpa rami vae.

ÉXODO 8:6

Jayave Aarón güɨropövee ipopoka opaete ɨ Egipto pegua re, jare oë pïte opaete ɨvɨ Egipto rupi.

ÉXODO 9:14

echa añave opaete mbaerasɨ reta amondota nderé, nderembiokuai reta re, nerëta pegua reta re, reikuaa vaerä mbaetɨ ye ïru Tumpa che rami opaete kuae ɨvɨ pe vae.

ISAÍAS 30:11

Peeya jupi vae, peyembosɨrɨ jókuae güi, agüɨye peyapo jókuae, agüɨye peñono oreróvai Iyoambae Israel pegua.”

ISAÍAS 40:18

¿Kia ndive pa pepuere pemboyovake Tumpa? ¿Mbae iä pa peyapota Tumpa iärä?

ISAÍAS 40:25

Tumpa Iyoambae oparandu: “¿Kia ndive pa chemboyovaketa pe reta? ¿Kia pa ipuere chemboyovake?”

ISAÍAS 46:9

pemaendúa oasa arakae güive voi ma vae re. Che ko jae Tumpa, mbaetɨ yé ko ïru Tumpa; mbaetɨ yé oime che rami vae.

ISAÍAS 57:15

Echa Tuicha yae ete vae, oikoño mai vae, jae ko jee iYoambae, jae jei: “Che aiko ɨvate jare oñeñono teea pe, ërei aiko vi oiporara jare ipɨatɨtɨ vae reta ndive, amee chupe tekove, jäta ngatu vaerä.

ISAÍAS 6:3

Jare osapúkai päve jei oyoupe reta: “Iyoambae, Iyoambae, Iyoambae ko yandeYa Imbaepuere yae ete vae; opaete ɨvɨ tɨnɨe oï iyemboetea pe.”

JEREMÍAS 10:16

Ërei ¡ambuaeyee ko chugüi reta Jacob iTumpa, opaete mbaembae iYapoa! Jae oiparavo imbaerä Israel. YandeYa Imbaepuere yae ete vae; jókuae jae ko jee.

JEREMÍAS 49:19

Mase, ayuta metei yaguapope Jordán pegua kaa tëɨ yae vae güi oë ojo kapii jokɨ katu vae pe rami, joko güi ambotekuaraita Edom pegua reta, jare ameeta oporookuai che aiparavo vae. Echa ¿kia pa chemboyovake? ¿Kia pa oyemboɨta cheve? ¿Kia nunga vecha iyangarekoa pa ipuereta cheré?

LEVÍTICO 19:2

“Ere opaete Israel iñemuña reta pe: Peiko tee peyoambae, echa che peYa Tumpa iyoambae ko.

MIQUEAS 7:18

Mbaetɨ ïru Tumpa nde rami; echa nde neɨ̈ro ikavimbae iyapoa pe jare neakañɨ ndembae vae reta jembɨregüe iyoa güi, mbaetɨ ndearasɨ avei; echa ndeporoparareko nekɨ̈reɨ ngatu reve.

San Lucas 12:5

Ërei tamombeu peve kia güi pekɨɨye vaerä. Pekɨɨye jókuae ipuere oekɨ perekove güire oporomondo kañɨtei pe vae güi. Añete che jae peve, pekɨɨye chugüi.

DEUTERONOMIO 1:30

YandeYa Tumpa ko ojota perenonde, jae oñorarota peré, peecha Egipto pe oyapo rami.

DEUTERONOMIO 3:24

‘CheYa Tumpa, nde remboɨpɨ reechauka che nderembiokuai pe ndetuicha yae vae, jare ndembaepuere; echa mbaetɨ yé ïru Tumpa ara pe ani ɨvɨ pe ikavi yae oyapo vaerä nde reyapo rami vae.

DEUTERONOMIO 33:26

Mbaetɨ kia omboyovake Jesurún iTumpa, jae oguata ɨvate rupi pemborɨ vaerä jare amapɨtu reta re imbaepuere reve.

DEUTERONOMIO 4:34

¿Ani oime pa mbae nunga tumpa ou oiparavo tëtaguasu imbaerä ïru tëtaguasu güi vae, yemboaporova ndive, mɨakañɨ ndive, ñeraro ndive, imbaepuere yae jare ipo oporoiämondo yae reve, opaete oyapo perovake yandeYa Tumpa Egipto pe rami?

Apocalipsis 13:4

jare omboete reta mbaeporou guasu omee mbaepuere mbaemɨmba guasu pe vae. Jaeramiño vi omboete reta jókuae mbaemɨmba guasu, jei reve: “Mbaetɨ yé ko kia kuae mbaemɨmba guasu rami vae. ¿Kia pa ipuereta oñeraro jae ndive?”

Apocalipsis 15:4

¡Opaete vae okɨɨyeta ndegüi, oreYa! ¡Opaete vae omboeteta nderee! Echa ndeño ko jae iyoambae vae. Jáeramo opaete tëtaguasu reta yogüeruta jare ndemboete retata, echa oyekuaa ma neporojäa reta.”

Apocalipsis 4:8

Jare metei ñavo jókuae irundɨ oikove vae reta, güɨnoi ova ipepo, jare ipepo iárambo jare igüɨ rupi güɨnoi jeta jesa. Jare ikueraiä jei reta ara rupi jare pɨ̈tu rupi: “¡Iyoambae, iyoambae, iyoambae ko yandeYa Tumpa Imbaepuere yae ete vae, jae ko iyɨpɨ güive, añave jare outa vae!”

1 SAMUEL 2:2

¡Mbaetɨ kia iyoambae nde rami cheYa! ¡Echa mbaetɨ yé kia nde rami! ¡Jare mbaetɨ kia oporoepɨ nde oreTumpa rami!