ÉXODO 14:21 - Biblia Guarani Tumpa Iñee

²¹ Jayave Moisés güɨropövee ipopoka ɨguasu re, jare jókuae pɨ̈tu yandeYa ombou ɨvɨtu täta yae vae kuaraɨ oëa kotɨ güi ombosɨrɨ vaerä ɨ oyougüi jare otini, jökorai ɨ oyemboyao opɨta.

ÉXODO 14:21 Iomraidhean Croise

ISAÍAS 63:12

jókuae iyemboetea oñono Moisés re vae; ɨguasu omboyao jae reta japerä vae, jökorai oyapo jee jërakua yae avei vaerä vae,

ÉXODO 15:8

Nepɨ̈túe rupi oyemboatɨ ɨ; ɨaparúa reta oyemboatɨ meteia pe ovapetea rami; ɨguasu tɨpɨ yae vae opa ñasusu iyɨvɨte rupi.

SALMOS 66:6

Omboyao ɨguasu jare omotini, ñaneñemuñagüe reta oasa ipɨ re ɨ̈aka; jáeramo, ¡yayerovia jese!

ISAÍAS 51:10

opa ko remondɨpa ɨguasu, ɨguasu rupi reyapo tape, reyoragüe reta oasa vaerä jokoropi.

SALMOS 78:13

Omboyao ɨguasu, jare güɨroasa reta mbɨte rupi, ovapetea rami ɨ oyemboatɨ opɨta.

SALMOS 74:13

Remboyao ɨguasu ndembaepuere pe, reyoka ɨ rupigua mbaeporou reta iñäka.

NEHEMÍAS 9:11

Remboyao ɨguasu chupe reta, jare jökorai oasa reta jókuae remotinía rupi; ërei jaɨkuemoñaa reta opa reitɨ ɨ rugua pe, ita oyeitɨ ɨ tɨpɨ yae vae pe rami.

JOSUÉ 4:23

Echa yandeYa Tumpa omotini ɨ̈aka Jordán pegua ɨ perenonde güi opa peasa regua, yandeYa Tumpa oyapo íguasu Pɨ̈ta vae pe rami, echa jae omotini orerenonde opa roasa regua.

SALMOS 136:13

Ɨguasu Pɨ̈ta vae omboyao vae, echa iporoparareko jekuae avei vae ko;

ÉXODO 14:16

Eupi ndepopoka jare eropövee ɨguasu re, jare emboyao, jare toike Israel iñemuña reta jókuae ɨguasu ipäu rupi, ɨvɨ otini vae rupi.

ISAÍAS 51:15

Echa che ko ndeYa, amomembe ɨguasu vae, jare ambojɨapu ɨaparúa. Che ko neTumpa, ndeYa Imbaepuere yae ete vae, jae ko cheree.

JOB 26:12

Jae oipɨguara ɨguasu imbaepuere pe, ipoki rupi omoamɨri mbaeporou Rahab.

Hechos 7:36

Moisés güɨnoe reta güeru, mɨakañɨ reta oyapo Egipto pe vae rupi, Ɨguasu Pɨ̈ta vae pe, jare cuarenta año ñuu rupi yogüɨreko ramboeve.

GÉNESIS 8:1

Jare Tumpa imaendúa Noé re, jare opaete mbaemɨmba reta jae ndive ñogüɨnoi arca pe vae re. Jare Tumpa ombou ɨvɨtu ɨvɨ iárambo, jare ɨ omboɨpɨ jagüe.

ÉXODO 7:19

YandeYa jei ye Moisés pe: —Ere Aarón pe: “Eipɨɨ ndepopoka jare eropövee ɨ re kuae Egipto pe, ɨ̈aka kotɨ, ɨ̈aka raɨ kotɨ, ɨupa kotɨ jare opaete ɨrɨru tuicha vae kotɨ oyeapo vaerä tugüɨrä.” Toime tugüɨ opaete ɨvɨ Egipto rupi; jökorai vi vaso reta ɨvɨra pegua jare ita pegua rupi.

ÉXODO 14:20

jare oñeñono Egiptoɨgua reta jare Israel iñemuña reta ipäu pe; Egiptoɨgua reta pe amapɨtu ombopɨtumimbi, ërei Israel iñemuña reta pe omboesape pɨ̈tu yave; jáeramo jókuae pɨ̈tu Egiptoɨgua reta mbaetɨ ipuere oupitɨ Israel iñemuña reta.

JOSUÉ 2:10

Echa roendu kërai peYa opa omondɨpa Ɨguasu Pɨ̈ta vae peasa vaerä Egipto güi peë yave; jare kërai opa pemokañɨtei, jókuae mókoi mburuvicha guasu reta, Sehón jare Og, amorreo reta juvicha guasu, ɨ̈aka Jordán jovaicho kotɨ ñogüɨnoi vae reta.

JOSUÉ 3:17

Ërei sacerdote reta, yandeYa ikäjou morogüɨrökuavee päve pegua güɨraja vae reta ñogüɨnoi otini vae pe, ɨ̈aka Jordán mbɨte pe, opaete vae oasa regua; jare opaete Israel iñemuña reta oasa ɨvɨ otini vae rupi.

2 REYES 2:8

Jayave Elías oipɨɨ jemimonde iarambogua, omboyeapa jare oiporu ɨ re, jare ɨ oyemboyao oyougüi, jare oasa päve reta otinía rupi.

ISAÍAS 23:11

YandeYa omopüa ipo ɨguasu re, omborɨrɨiuka tëta guasu ñavo, jare opa omboaiuka Canaán iñepɨ̈roka reta.

ISAÍAS 43:16

Jökorai jei yandeYa oipea tape ɨguasu mbɨte rupi vae, ɨ yavaete vae rupi omboape vae;

ISAÍAS 50:2

¿Maera pa ayu yave, mbaetɨ etei kia aväe chupe? ¿Maera pa aporoenɨi tëi yave, mbaetɨ kia ave omoë iñee? Jae reta iyemongeta pe, mbaetɨ potaecha ndipo aepɨ reta, mbaetɨ potaecha ndipo chepuere ayora reta iyeupe. Cheñee peño ko opa amondɨpa ɨguasu jare ɨ̈aka reta opa amotini; jevae ɨ rupigua reta opa omano ɨ oata jeko pegua.

ISAÍAS 63:13

ɨguasu rupi güɨroasa reta ogüɨapimbae reve vae, kavayu mbaetɨ ogüɨapimbae ñuu rupi vae rami?”

HABACUC 3:8

CheYa, ¿ndearasɨ pa ɨ̈aka reta kotɨ? ¿Ndearasɨ pa ɨguasu reta kotɨ? ¿Jaerä pa repo ndekavayu reta re jare reyeupi nekäretou pe ñeraro regua rami?

JOB 38:24

¿Mbae nunga tape rupi pa opa oñemoai tembipe, jare ketɨ rupi pa oñemoai ɨvɨtuakuvo reta ɨvɨ iárambo rupi?

SALMOS 148:8

¡Ama-tiriri jare amandau, iroɨ jare ɨ̈vɨti! ¡Ama ɨvɨtuai reve vae, oyapo Tumpa jei vae!

ISAÍAS 44:27

Che chepuere opa omondɨpa ɨguasu jare ɨ̈aka reta.