ÉXODO 13:12 - Biblia Guarani Tumpa Iñee

¹² peñono tee opaete peraɨrɨpɨ reta, jökorai vi opaete perɨmba reta imembɨrɨpɨ kuimbae reta; echa yandeYa imbae ko.

ÉXODO 13:12 Iomraidhean Croise

NEHEMÍAS 10:36

jare rogüɨraja vaerä vi ñaneTumpa jo pe oreraɨrɨpɨ reta, jare orerɨmba guaka jare vecha imembɨrɨpɨ reta, mborookuai pe oyekuatía oï rami, sacerdote reta Tumpa jo pe oyeokuai vae reta jóvai.

NEHEMÍAS 10:37

Jare roñeñono vi rogüɨraja vaerä mbaembae oñeñovatúa pe ñaneTumpa jo pegua pe tenondegua trigo ikuigüe, opaete ɨvɨra iarɨpɨ reta, vino jare olivo iasaite sacerdote reta peguarä, jare levita reta peguarä, opaete roarɨvogüe güi, payandepo vae güi metei, jare jae reta etei omboresive vaerä jókuae payandepo güi metei vae tëta ñavo rupi.

ÉXODO 13:1

YandeYa jei Moisés pe:

ÉXODO 13:2

“Peñono tee cheve opaete membɨrɨpɨ kuimbae, echa opaete Israel iñemuña reta taɨrɨpɨ chembae ko, jökorai vi opaete mɨmba reta imembɨrɨpɨ kuimbae.”

ÉXODO 22:28

Agüɨye pere mbae jasɨ katu vae oporojäa vae reta kotɨ, agüɨye ave vi pere ñee ikavimbae perëta ruvicha reta kotɨ.

ÉXODO 22:29

Agüɨye peäro peru vaerä cheve mbota pembaagüɨyerɨpɨ güi jare peuva tɨgüegüe güi. Peraɨrɨpɨ pemeeta cheve,

ÉXODO 34:19

Opaete tenonde oa vae, chembae ko; jare opaete peguaka, jare vecha imembɨrɨpɨ reta kuimbae ko yave.

ÉXODO 34:20

Ërei pemboepɨ metei vecha kuimbae taɨrusu vae pe mburika imembɨrɨpɨ kuimbae, mbaetɨ ko yave peiyayu rakɨo. Pemboepɨ vi opaete peraɨrɨpɨ ñavo. Agüɨye metei ave tipogüɨrai tou cheróvai.

EZEQUIEL 16:20

Reipɨɨ vi nemembɨ cheve vae michia reta, jare remee netumpa-raanga reta pe ókai vaerä. ¿Jaekaviño maä pa ndeve aguasa reyapogüe,

EZEQUIEL 44:30

Opaete mbaagüɨyerɨpɨ jare opaete mbota reta oñemee vae güi, sacerdote reta peguarä toiko. Jaeramiño vi pemeeta sacerdote reta pe opaete trigokúi oyemómbɨu ramo mbɨyaperä vae güi; jökorai oime vaerä cheporerekua pero pe.

LEVÍTICO 27:26

Ërei opaete mɨmba imembɨrɨpɨ reta, che peYa imbae ko membɨrɨpɨ jeko pegua, mbaetɨ kia ipuere oñono tee cheveguarä, toro, vecha ani kavara, echa chembae ko.

NÚMEROS 18:15

Opaete kuimbae taɨrɨpɨ reta ani mɨmba imembɨrɨpɨ kuimbae reta güi oñemee cheve vae, toï ndembaerä; ërei kuimbae taɨrɨpɨ, toyemboepɨ; jare mɨmba oyeumbae imembɨrɨpɨ kuimbae, toyemboepɨ vi.

NÚMEROS 3:12

“Mase, che aiparavo Leví iñemuña reta Israel iñemuña reta ipɨte güi, opaete membɨrɨpɨ kuimbae reta jekovia pe; jayave chembae ko Leví iñemuña reta,

NÚMEROS 3:13

echa chembae ko opaete membɨrɨpɨ kuimbae reta. Ɨvɨ Egipto pe opa ayukauka membɨrɨpɨ kuimbae reta güive añono tee cheyeupe opaete membɨrɨpɨ kuimbae reta Israel iñemuña reta pegua, jaeramiño vi mɨmba imembɨrɨpɨ kuimbae reta, chembae ko. Che ko peYa.”

NÚMEROS 8:17

Echa, chembae ko opaete Israel iñemuña reta taɨrɨpɨ, jaeramiño vi opaete jɨmba reta imembɨrɨpɨ kuimbae; Egiptoɨgua reta taɨrɨpɨ ayukauka güive añono tee cheyeupe opaete.

San Lucas 2:23

Echa yandeYa iporookuai pe oyekuatía oï körai: “Kuña imembɨrɨpɨ kuimbae oa yave, michia oñeñono teeta yandeYa peguarä.”

DEUTERONOMIO 15:19

Opaete perɨmba guaka jare pevecha imembɨrɨpɨ kuimbae peñono tee yandeYa Tumpa peguarä. Agüɨye pemombaravɨkɨ toro membɨrɨpɨ, jare vecha kuimbae membɨrɨpɨ agüɨye peñapi.