ÉXODO 12:8 - Biblia Guarani Tumpa Iñee

⁸ Jare jókuae pɨ̈tu tou reta soo oyeapegüe jare mbɨyape oyembovumbae; ñana iro vae ndive tou reta.

ÉXODO 12:8 Iomraidhean Croise

2 CRÓNICAS 35:13

Jare omboyɨ reta soo Pascua pegua tätapɨi re, oyekuatía oï rami; jare ïru mbota oñeñono tee vae reta omboyɨ reta yapepo pe, takɨpe pe, ani ïru yapepo pe, jare opa omboyao yao reta jarembae pegua opaete vae pe.

SALMOS 22:14

Aiko ɨ oyepɨyere vae rami; mbaetɨecha chekägüe iyoapɨa. Chepɨa iraitɨ rami, ochɨrɨrɨecha cheɨvɨte pe.

ÉXODO 1:14

Oiporarauka yae chupe reta mbaravɨkɨ rupi, oyapouka chupe reta tuyuapo jare ladrillo jare opaete mbaravɨkɨ kó rupigua rupi; jare opaete mbaembae oyapouka chupe reta vae rupi omombaravɨkɨasɨ katu yae.

ÉXODO 12:9

Agüɨye tou reta mbae oyɨmbae chugüi, jare agüɨye tou reta oñemoigüe ave, jaeño tou reta oyeapegüe; iñäkagüe, ipɨgüe, jare ipɨagüe toyeape.

ÉXODO 13:3

Jare Moisés jei opaete vae pe: “Pemaendúa kuae ara peñerenoe Egipto güi vae re, yeokuaiasɨ katu güi, echa yandeYa perenoe kuae güi imbaepuere rupi. Jáeramo agüɨye peu mbɨyape oyembovugüe.

ÉXODO 13:7

Chiu ara toyeu mbɨyape oyembovumbae, agüɨye etei toime mbɨyape oyembovugüe, mbɨyape imbovúa ave agüɨye peiporu opaete peɨvɨ rupi.

ÉXODO 23:18

Agüɨye pemee cheve mbɨyape oyembovugüe ndive mɨmba oyeyuka vae jugüɨgüe, mɨmba oyeyuka vae ikɨragüe ave agüɨye peñovatu pɨareve peguarä.

ÉXODO 34:25

Agüɨye pemee mbɨyape oyembovugüe mɨmba oyeyukagüe jugüɨ ndive, agüɨye jembɨregüe peñovatu pɨareve peguarä mɨmba oyeyuka arete Pascua pe vae.

ISAÍAS 53:10

Ërei opaete kuae reve yandeYa oiporarauka chupe, omee oiporara yae vaerä. Omee jekove mano pe, mbaeyoa omboai vaerä yave, oechata iñemuña reta, oiko pukuta, jare ipo pe yandeYa jemimbota oë kavita.

AMÓS 4:5

Jare pemee mɨmba oyeyukagüe mbaemboete pegua, mbɨyape oyembovugüe ndive, jare pemoërakua oipota rupi mbota pepɨa-kɨ̈reɨ ngatu reve pemee vae, echa jókuae ko pemomora pe Israel iñemuña reta.” Jei yandeYa Tumpa.

ZACARÍAS 12:10

Jare che apɨyereta David iñemuña reta re jare Jerusalén pegua reta re mbɨakavi jare kɨ̈reɨ yerure pegua. Jayave omae retata cheré, jae reta oikutu vae re, jare oyaeo retata, kia nunga oyaeo membɨ jae vaeño re rami, ipɨatɨtɨ reve jese, kia nunga vae ipɨatɨtɨ membɨrɨpɨ re rami.

San Mateo 16:12

Jayave ramo jemimboe reta oikuaa Jesús mbaetɨ ko jei chupe reta mbɨyape imbovúa re vae. Jaeño ko oyeandu vaerä fariseo reta jare saduceo reta iporomboe güi.

San Mateo 26:26

Jare okaru ñogüɨnoi ramboeve, Jesús oipɨɨ mbɨyape, omee yasoropai jese Tumpa pe. Jayave opɨ̈saa mbɨyape jare omee jemimboe reta pe, jei reve: —Peu. Kuae ko jae cherete.

Gálatas 5:9

Mbovɨño mbɨyape imbovúa vae, ombovu opaete mbɨyaperä vae.

DEUTERONOMIO 16:7

soo pemeegüe peuta jókuae yandeYa Tumpa oiparavo jee oïta pɨpea pe, jare pɨareve pe peyerova yeta peo perëta kotɨ.

1 Tesalonicenses 1:6

Jare pe reta pemboɨpɨ peiko, ore jare yandeYa oiko rami. Perovia romombeu peve vae peyerovia reve Espíritu Santo rupi, peiporara yae tëi reve.