ÉXODO 12:16 - Biblia Guarani Tumpa Iñee

¹⁶ Tenondegua ara, jökorai vi chiúa ara pe toime yemboatɨ guasu Tumpa peguarä; agüɨye mbae toyeapo jókuae ara rupi; jaeño pepuere peyapo tembíu peyeupeguarä.

ÉXODO 12:16 Iomraidhean Croise

ÉXODO 16:23

Jare Moisés jei chupe reta: —Körai ko yandeYa jei. Pɨareve ko jae ara mbutuu pegua, mbutuu oñeñono tee yandeYa peguarä vae, pemboyɨ añave pemboyɨta vae, jare pembopupu añave pembopuputa vae, jare peñovatu pɨareve peguarä opaete jembɨre peve vae.

ÉXODO 16:29

Mase, che peYa amee peve ara mbutuu pegua; jáeramo ovaa ara pe amee peve tembíu mókoi ara peguarä. Jayave, metei ñavo toï jo ae rupi, agüɨye metei ave toë chiúa ara pe.

ÉXODO 16:5

Ërei ovaa ara pe toyupavo reta oñovatu vaerä mókoi ara peguarä.

ÉXODO 20:10

ërei chiúa ara, mbutuu pegua ko, che peYa Tumpa peguarä; jókuae ara agüɨye peyapo mbae nunga mbaravɨkɨ, jaeramiño vi peraɨ, perayɨ, perembiokuai kuimbae, perembiokuai kuña, ani perɨmba yepe, ani ketɨgua pero pe pereko vae yepe.

ÉXODO 34:18

Peyapo arete mbɨyape oyembovumbae pegua; chiu ara peu mbɨyape oyembovumbae, che poyókuai rami, yasɨ Abib pe che amombeu pevea pe, echa yasɨ Abib pe peë Egipto güi.

ISAÍAS 1:13

Agüɨye mo peru raangaiño mbota cheve; ikäti kavi vae incienso pɨ̈chɨi yae ko cheve; arete reta yasɨ pɨau jare ara mbutuu iara, peyomombarandu peyomboatɨ vae mbaetɨ chepuere aropɨa; pearete reta ikavi yae peyapo vae, ikaviä yae ko cheve.

LEVÍTICO 23:21

Jókuae ara peyapo yemboatɨ mbaemboete pegua, agüɨye mbae nunga mbaravɨkɨ ipoɨgüe peyapo; mborookuai jekuae avei pegua toiko peve jare peñemuña reta peguarä oipota rupi peikoa rupi.

LEVÍTICO 23:27

“Payandepo ara kuae chiúa yasɨ re, toiko cheɨ̈ro vaerä mbaeyoa re vae pegua; peyapo yemboatɨ mbaemboete pegua, peiporarauka peyeupe aeño, jare pemee mbota oyeapɨ vae cheve.

LEVÍTICO 23:35

Tenondegua ara pe toiko yemboatɨ mbaemboete pegua. Agüɨye mbae nunga mbaravɨkɨ ipoɨgüe peyapo.

NÚMEROS 28:18

Tenondegua ara pe toyeapo yemboatɨ guasu Tumpa peguarä; agüɨye peyapo mbae nunga mbaravɨkɨ ave.

NÚMEROS 28:25

Jare ara chiúa pe penoi yemboatɨ guasu Tumpa peguarä; jókuae ara agüɨye peyapo mbae nunga mbaravɨkɨ ave.

NÚMEROS 28:26

Jare vi mbaagüɨyerɨpɨ reta güi oñemee mbota pɨau Tumpa pe yave, jae ko arete semana; penoita yemboatɨ guasu Tumpa peguarä, agüɨye peyapo mbae nunga mbaravɨkɨ ave.

NÚMEROS 29:1

Chiúa yasɨ pe, tenondegua ara pe, penoi yemboatɨ guasu Tumpa peguarä, jókuae ara agüɨye peyapo mbae nunga mbaravɨkɨ ave. Mimbɨguasu oñemoñee iara toiko peveguarä.

NÚMEROS 29:12

Yasɨ chiúa pe, ara quince pe, penoi yemboatɨ guasu Tumpa peguarä; jókuae ara agüɨye peyapo mbae nunga mbaravɨkɨ ave, peyapo chiu ara arete ikavi yae vae yandeYa pe.

San Juan 19:31

Jókuae ara judío reta oyeapokatu ñogüɨnoi Pascua peguarä. Jáeramo oyerure reta Pilato pe omopëuka vaerä kurusu re ñogüɨnoi vae reta itɨmaka jare güɨrajauka vaerä joko güi. Echa oipotaä jetegüe reta opɨta vaerä kurusu reta re jókuae ara mbutuu pe. Echa jókuae ara ko arete mbaemboete pegua.

DEUTERONOMIO 16:8

Ova ara peu mbɨyape oyembovumbae, jare chiúa ara pe peyemboatɨ arete ikavi yae vae peyapo vaerä yandeYa Tumpa peguarä, agüɨye mbae nunga mbaravɨkɨ peyapo jókuae ara.