ÉXODO 10:7 - Biblia Guarani Tumpa Iñee

⁷ Jayave Faraón jembiokuai reta jei: —¿Kërai yave pa ikueraita yandembosusere kuae kuimbae? Emaeño mo toyogüɨraja kuae kuimbae reta omboete vaerä iYa Tumpa. ¿Mbaetɨ pa reikuaa Egipto opa ma ko oyemboai oï vae?

ÉXODO 10:7 Iomraidhean Croise

SALMOS 107:34

ɨvɨ kavi oipoepɨ, ɨvɨ ikavimbae pe, pɨpegua reta iyoa jeko pegua;

ÉXODO 12:33

Jare Egiptoɨgua reta omoangeko opa reta vaerä omoë iɨvɨ güi, echa jei reta: “¡Opata ñamano!”

ÉXODO 23:33

agüɨye peɨvɨ pe ave toyogüɨreko, agüɨye vaerä oyavɨuka peve chekotɨ, jare peyeokuai itumpa reta pe, echa pererokomeguata ko.”

ÉXODO 7:5

Jare Egiptoɨgua reta oikuaata che ko jae peYa vae, aitɨ yave chembaepuere Egipto re, Israel iñemuña reta pogüɨnoe jae reta ipɨte güi yave.

ÉXODO 8:19

Jayave imbaekuaa vae reta jei Faraón pe: —¡Tumpa imbaepuere ko kuae! Ërei Faraón ipɨa oñemotäta, mbaetɨ oipota oyeapɨsaka jae reta iñee re, yandeYa jei rami.

PROVERBIOS 29:6

Jeko kavimbae, oata iyoa pe aeño, ërei jupi rupi oiko vae, otairarita oyerovia reve.

ECLESIASTÉS 7:26

Ayu aikuaa mano güi ikavimbae yae ete vae, jae ko kuña ñuai rami, oporoitɨ jare oporoäpɨti. Tumpa reño oyeko vae ojoyepe chugüi, ërei iyoa vae, oa ipo pe.

ISAÍAS 14:20

Mbaetɨta neotɨ reta ïru mburuvicha guasu reta rami, echa opa rerokomegua ndeɨvɨ, opa reyuka joko pegua reta. Jeko kavimbae vae reta iñemuña reta ngaraa yogüɨreko avei.

ISAÍAS 51:9

Epüa, epüa cheYa, eyemonde mbaepuere pe; epüa, arakae tenonde rupi repüa rami, arakae reyapo rami. Nde ko opa rembojaɨ jaɨ Rahab, mbaeporou ɨguasu rupigua;

JEREMÍAS 48:4

Moab oyemboai oï; michia reta jäse jasɨ katu reve vae oyeendu.

JEREMÍAS 51:8

Ërei güɨramoiño Babilonia oa, opa oyemboai. ¡Peäpiro! Peru chupe moa ipere peguarä, güɨramoi okuera.”

SOFONÍAS 1:18

YandeYa iporojäa iara pe, kuimbae reta ngaraa oyereroasayepe, ikorepoti rupi ani ioro rupi ave, echa yandeYa jägüɨro jeko pegua iyarasɨ yae, opaeteita omboai mbaembae kuae ɨvɨ pe. ¡Opaete ɨvɨ pegua reta okañɨteita jarembae pegua!

1 Corintios 7:35

Jare kuae che jae peve ikavi peve vaerä. Mbaetɨ ko jae poyopia vaerä menda güi. Jaeño aipota peyapo vaerä jupi vae jare jaekavi vae, pepuere vaerä peyeokuai yandeYa pe yemboavaimbae reve.

JOSUÉ 23:13

peikuaa voi, yandeYa ngaraa ye ma oekɨ güɨnoe omombo perenonde güi kuae tëtaguasu reta, yogüɨreko retata peve ñuai rami, pepɨ̈sa-yeyuka rami jese reta vaerä, yogüɨreko retata chikote rami peve, yogüɨreko retata peve ñurati rami peresa peguarä, opa regua pekañɨtei kuae ɨvɨ kavi yandeYa Tumpa omee peve vae güi.

1 SAMUEL 18:21

Jare Saúl oyemongeta jei: “Tamee cherayɨ chupe, jae toitɨuka filisteo reta ipo pe.” Jayave jei ye David pe mokoía ma: —Añave reikota cherovayarä.

1 SAMUEL 5:11

Jare omboatɨ reta opaete filisteo juvicha reta, jare jei chupe reta: “Peraja peeya Israel iñemuña reta iTumpa ikäjou, oyererúa güi, agüɨye vaerä opa ñamano.” Echa jërakua oï mano opaete jókuae tëta guasu pe, Tumpa oiporarauka yae oï joko pe.