ÉXODO 10:3 - Biblia Guarani Tumpa Iñee

³ Jayave Moisés jare Aarón yogüɨraja Faraón pɨri, jare jei reta chupe: —OreYa, hebreo reta iTumpa jei körai: “¿Kërai yave regua pa mbaetɨta reñemomichi cheróvai? Emaeño toyogüɨraja tëta chembae, chemboete vaerä;

ÉXODO 10:3 Iomraidhean Croise

1 REYES 18:21

Jayave Elías oya katu opaete yatɨ vae reta re, jare jei: —¿Kërai regua pa jekuaeñota peiko mókoi yemongeta ndive? YandeYa ko Tumpa yave, peguata jupieño; ani Baal ko yave, peguata jupieño. Jare opaete vae reta mbaetɨ iñee omoë.

1 REYES 21:29

“¿Reecha pa Acab kërai oñemomichi cheróvai? Oñemomichi vae jeko pegua mbaetɨta ambou jese ikavimbae oikove oiko ramboeve, iñemuña reta re ambouta kuri ikavimbae.”

2 REYES 22:19

jare reyembopɨatɨtɨ jare reñemomichi cheróvai reendu ramboeve kuae tëta regua jare pɨpegua reta kotɨ jae vae, echa opata oñemokañɨtei, jare yogüɨrekota susere rupi vae yave, nde remondoro nderemimonde ndepɨatɨtɨ güi jare reyaeo cheróvai, jare che aendu vi ndeve. Jáeramo che amee,

2 CRÓNICAS 33:12

Ërei oecha oiko ma mbɨatɨtɨ rupi yave oyerure iYa Tumpa pe, oñemomichi yae reve iñemuñagüe reta iTumpa jóvai.

2 CRÓNICAS 33:19

Iyerure kërai oyemboyevɨ chupe vae, opaete iyoa regua, imbaeyavɨ regua jare mbaemboete renda ɨvɨtɨ rupigua reta omopüa vae, jare Asera iä reta oyapo vae jare tumpa-raanga reta, ndei oñemomichi Tumpa jóvai mbove vae regua, oime oyekuatía oï mbae re oecha voi vae reta jembikuatía pe.

2 CRÓNICAS 34:27

echa reyembopɨatɨtɨ jare reñemomichi cheróvai reendu ramboeve kuae tëta re jare pɨpegua reta kotɨ jae vae, nde remondoro nderemimonde ndepɨatɨtɨ güi jare reyaeo ramo cheróvai, che aendu vi ndeve. Jökorai jae che peYa.

2 CRÓNICAS 7:14

ërei chembae vae reta, jese reta cheree oyemboeteuka vae oñemomichi reve oyerure reta chereeka yave, jare oyepoepɨ reta jeko ikavimbae güi yave, che aenduta iyerure reta ara güi jare cheɨ̈rota chupe reta iyoa re, jare iɨvɨ pe oime yeta jeta mbaembae.

JOB 42:6

Jáeramo añemotareɨ, jare cheyemongeta aipoepɨ aguapɨ reve ɨvɨkúi jare tanimbu pe, chepɨatɨtɨ güi.

ÉXODO 10:4

jare mbaetɨñoi reipota remondo reta yave, pɨareve ambouta ndeɨvɨ re jetagüe tuku,

ÉXODO 16:28

Jayave yandeYa jei Moisés pe: —¿Kërai yave regua pa mbaetɨta perovia cheporookuai reta?

ÉXODO 4:23

Che jae ma ndeve remaeño vaerä yogüɨraja chemboete; ërei mbaetɨ ramo remaeño yogüɨraja, che ayukata nderaɨrɨpɨ.”

ÉXODO 5:1

Kuae jaɨkue rupi Moisés jare Aarón yogüɨraja jei Faraón pe: —OreYa, Israel iTumpa jei körai: “Emaeño toyogüɨraja chembae vae reta ñuu kotɨ oyapo vaerä cheve arete mbaemboete pegua.”

ÉXODO 9:17

Körai reve jekuaeñoi nde reyembopɨapochɨ tëta chembae kotɨ, mbaetɨ remaeño yogüɨraja reta.

PROVERBIOS 1:22

“Pe, yarakuaambae reta, peporoyóyai yóyai vae reta, ¿kërai yave regua pa peröɨrota arakuaa katu? ¿Kërai yave regua pa peporoyóyai yoyaita?

PROVERBIOS 1:24

Che poenɨi tëi, ërei mbaetɨ peipota peendu, aparea tëi peve, ërei mbaetɨ peyu.

PROVERBIOS 18:12

Ndei susere mbove, oime pɨayembotuicha; ndei oime yemboete mbove, oime susere.

ISAÍAS 1:5

¿Maera pa jekuaeñoi peipota peiporara? ¿Jekuaeñota pa peyembopɨapochɨ? Opaetei peäka imbaerasɨ oï, jare opaetei pepɨa pe peiporara peï.

ISAÍAS 2:11

Ipɨayemboete vae reta iñäkatindɨta opɨta; ipɨapochɨ vae reta oñemomichiukata. YandeYaño oyembotuichaukata jókuae ara,

JEREMÍAS 13:10

Kuae tëta jeko kavimbae vae, ñäteɨ cheporookuai oyapo vae, ipɨa jemimbotaño ombotenonde vae. Omboete jare oyeokuai tumpa ambuae reta pe. Jae ko, jókuae kuakuaa mbaetɨ etei ma ikavi rami.

JEREMÍAS 13:18

“Ere mburuvicha guasu pe jare ichɨ pe: ‘Pegüeyɨ tenda mborookuaía pegua güi, jare peguapɨ ɨvɨ pe, echa peäka-regua oa pegüi.’

JEREMÍAS 50:29

¡Pemboatɨ opaete uvɨ oikatu ojäa vae reta, oporepeña reta vaerä Babilonia re! ¡Peyembojeyupa opaetei tëta guasu ikupe rupi, agüɨye etei vaerä metei ave oasayepe! ¡Peiporarauka chupe reta, jeko reta oï rupi! ¡Peyapo chupe reta, jae reta oporoapo rami! Echa jae reta ipɨapochɨ chekotɨ, che Tumpa, iYoambae Israel pegua kotɨ.

EZEQUIEL 5:6

Ërei jae reta ñäteɨ oyapo cheporookuai reta, jare jeko reta ikaviä yae ïru tëtaguasu reta güi jare iyɨvɨrigua reta güi; echa güɨröɨro reta cheporookuai jare mbaetɨ yogüɨreko reta mborookuai jeia rupi.

DANIEL 5:22

Jare nde Belsasar, Nabucodonosor iñemuña, mbaetɨ ndepɨa remomichi reikuaa tëi reve opaete kuaekuae reta;

NÚMEROS 14:27

—¿Kërai yave regua pa aenduta kuae tëta ipɨapochɨ jare iñeenguru chekotɨ vae, Israel iñemuña reta chemboeko vae?

Romanos 2:4

Reröɨro Tumpa ipɨakavi jare ipɨaguasu yae ndeve vae. ¿Mbaetɨ pa reikuaa ipɨakavi ko ndeve, reeya vaerä ikavimbae ndepɨa pe oï vae?

Hebreos 12:25

Jáeramo peyeandu, agüɨye peäteɨ peyeapɨsaka imiari yandeve vae re, echa mbaetɨ ojoyepe jókuae ñäteɨ oyeapɨsaka kuae ɨvɨ pe omboarakuaa tëi vae reta, vɨtei pa yande ñaneäteɨ yayeapɨsaka yave ara güi yandemboarakuaa vae re.

Santiago 4:10

Peñemomichi yandeYa jóvai, jare jae pembotuichaukata.

1 Pedro 5:6

Jáeramo, peñemomichi Tumpa imbaepuere tuicha yae vae jóvai, jae pembotuicha vaerä ara oväe yave.