ÉXODO 1:7 - Biblia Guarani Tumpa Iñee

⁷ Jare Israel taɨ reta jeta yae oñemuña, jeiete okuakuaa reta jare imbaepuere yae reta, jökorai jae reta omotɨnɨe jókuae ɨvɨ.

ÉXODO 1:7 Iomraidhean Croise

GÉNESIS 1:20

Tumpa jei: “Tomoñemuña ɨ mbaembae oikove vae reta, jare güɨra reta oveve ɨvɨ iárambo rupi vae, ara oasavi vae rupi.”

GÉNESIS 1:28

Jare iporerekua jese reta; jei chupe reta: “Peñemuña jare pemotɨnɨe jare peiporu ɨvɨ; peyangareko jare penoi mbaepuere jevae reta ɨ rupigua re, güɨra reta re, jare opaete mbaemɨmba reta omɨi ɨvɨ rupi vae re.”

GÉNESIS 12:2

Ndegüi ayapota tëtaguasu tuicha yae vae, jare cheporerekuata nderé, jare ambotuicha yaeta nderee opaete ɨvɨ rupi, jare cheporerekuata jeta vae reta re ndereko pegua.

GÉNESIS 13:16

Jare che jeta yaeta amoñemuña neñemuña reta, ɨvɨkúi jeta yae rami, mbaetɨta kia ipuere oipapa.

GÉNESIS 15:5

Güɨraja ikatu pe jare jei chupe: —Añave emae ara re jare eipapa yasɨtata reta ndepuere yave, jökoraita ko neñemuña reta.

GÉNESIS 17:16

Cheporerekuata Sara re, jae rupi ameeta nderaɨrä; añetete ko cheporerekuata jese, jare jae ko tëta metei tugüɨ jare metei teko vae ichɨrä, jare tëtaguasu reta juvicha reta chugüi oëta.

GÉNESIS 22:17

añave añetete cheporerekuata nderé jare ambojetata neñemuña reta yasɨtata rami, jare ɨguasu jembeɨ rupi ɨvɨkuitï oï rami. Neñemuña reta opɨ̈rota jovaicho reta güi jëta.

GÉNESIS 26:22

Oyakavo joko güi, jare oipea ïru ɨkua, joko pe mbaetɨ ma oñomoata reta jese jare ombojee Rehobot, jare jei: “Echa yandeYa añave omee yandeve, ñamoñemuña vaerä jeta mbae kuae ɨvɨ pe.”

GÉNESIS 26:4

Ambojetata neñemuña, ara re yasɨtata rami, jare ameeta ndeve opaete kuae ɨvɨ. Jare neñemuña rupi opaete tëtaguasu reta re outa mborerekua.

GÉNESIS 28:14

Neñemuña reta jeta yaeta ɨvɨkúi rami, reñemoaita kuaraɨ oikea kotɨ, jare kuaraɨ oëa kotɨ, ɨvɨtuguasu kotɨ jare arayevɨ kotɨ; jare opaete ɨvɨ pegua reta oyekouta nderupi jare neñemuña rupi.

GÉNESIS 35:11

Tumpa jei vi chupe: “Che jae ko Tumpa imbaepuere yae vae; ekuakuaa jare eñemuña jeta. Ndegüi jeta oëta tëtaguasu reta jare tëta reta, jare neñemuña reta güi oëta mburuvicha guasu reta.

GÉNESIS 46:3

Jayave Tumpa jei: —Che ko jae Tumpa, nderu iTumpa; agüɨye ekɨɨye reo vaerä Egipto pe, echa joko pe che ayapota ndegüi tëta tuichagüe.

GÉNESIS 47:27

Jökorai Israel ou oiko Egipto pe, ɨvɨ Gosén pe; jare güɨnoi imbaembae pɨpe jare okuakuaa jare oñemuña reta jeta yeyé.

GÉNESIS 48:16

Araɨgua chereroasayepe opaete ikavimbae güi vae, tiporerekua kuae kunumi reta re. Kuae reta rupi toiko avei cheree, jare cheru Isaac jee, jare Abraham jee, jare toñemuña reta jeta yeyé kuae ɨvɨ pe.”

GÉNESIS 48:4

Jei cheve: “Mase, che rombotuichata, rombojetata, roñonota tëtaguasu reta iyɨpɨrä; jare kuae ɨvɨ ameeta neñemuña reta nderaɨkue rupigua reta pe jekuae avei pegua.”

GÉNESIS 9:1

Tumpa iñee kavi Noé pe jare taɨ reta pe, jei chupe reta körai: “Peñemuña jeta, pemotɨnɨe vaerä ɨvɨ.

NEHEMÍAS 9:23

Jare iñemuña reta rembojeta yasɨtata jeta yae rami, jare reru ɨvɨ nde reñererökuavee remee iñemuñagüe reta imbaerä vae pe.

SALMOS 105:24

Jare Tumpa ombojeta yae chupe iñemuña reta, jare imbaepuere yae jovaicho Egiptoɨgua reta güi.

SALMOS 107:38

Jae iporerekua jese reta, omoñemuña jetagüe; jökoraiño vi jɨmba reta.

ÉXODO 1:12

Ërei jeiete oiporarauka chupe reta reve, jekuaeñoi oñemuña jare okuakuaa reta; jáeramo Egiptoɨgua reta okɨɨye Israel iñemuña reta güi.

ÉXODO 12:37

Ñogüɨnoe Israel iñemuña reta tëta Ramesés güi Sucot kotɨ, seisciento mil kuimbae, oyepapambae reve kuña reta jare michia reta.

ÉXODO 5:5

Faraón jei ye vi chupe: —Mase, kuae ñemuña reta jeta yae ma kuae ɨvɨ pe, ërei añave pe reta peipota peeyauka chupe reta iparavɨkɨ.

EZEQUIEL 16:7

Rombokuakuaa temitɨ rami; rekuakuaa, ndetuicha, jare reñemokuñatai nepöra yae; ndekambusu kavi jare ndeavuku kavi. Ërei nenandi reï.

Hechos 13:17

Israel pegua reta iTumpa oiparavo ñaneñemuñagüe reta, jare ombotuichauka Egipto pe ketɨgua yogüɨreko ramboeve. Jare Tumpa imbaepuere yae rupi opa güɨnoe joko güi

DEUTERONOMIO 10:22

Peñemuñagüe reta yogüɨraja setenta kuimbae Egipto kotɨ, jare añave yandeYa Tumpa pembojeta yeyé yasɨtata rami.

DEUTERONOMIO 26:5

Jayave pemoë peñee jare pere yandeYa Tumpa jóvai: ‘Cheñemuñagüe ko Aram pegua oguata oiko vae, jae ojo Egipto pe mbovɨ kuimbae reta ndive, jare opɨta joko pe oiko vaerä; joko pe oñemuña, ou oyeapo metei tëtaguasu tuicha yae vae jare imbaepuere vae.