ESTER 9:4 - Biblia Guarani Tumpa Iñee

⁴ Echa Mardoqueo tuicha pegua yae ko mburuvicha guasu jo pe, jare jërakua opaete tëta reta rupi; jare imbaepuere okuakuaa ara ñavo.

ESTER 9:4 Iomraidhean Croise

2 SAMUEL 3:1

Saúl iñemuña reta oñeraro avei yogüɨreko David iñemuña reta ndive. David iñemuña reta jeiete imbaepuere, ërei Saúl iñemuña reta jeieteño ipɨtu.

1 CRÓNICAS 11:9

Jare David imbaepuere okuakuaa ojo oiko, jare yandeYa imbaepuere yae ete vae oï jae ndive.

1 CRÓNICAS 14:17

Jare David jërakua yae opaete ɨvɨ rupi; jare yandeYa omee opaete tëtaguasu reta okɨɨye yae vaerä David güi.

ESTER 10:2

Jare opaete mbaepuere rupi oyapogüe, oyekuatía oï tembikuatía pe, jökoraiño vi Mardoqueo ombotuicha vae regua, opaete oasagüe reta oyekuatía oï Media jare Persia pegua mburuvicha guasu reta regua oyekuatía oïa pe.

SALMOS 1:3

Jókuae nunga kuimbae ko metei ɨvɨra ɨ̈aka jembeɨ pe oï vae rami, ia iara oväe yave ia, jokɨ katu avei, mbaetɨ jo osururu. ¡Opaete mbaembae oyapogüe oë kavi chupe!

SALMOS 18:43

Chereroasayepe tëta iñerarose vae güi, cheñono tëtaguasu reta itenondeguarä. Tëta aikuaambae yeokuai cheve.

SALMOS 92:13

Temitɨ rami ñogüɨnoi yandeYa jo pe, yandeYa jo joka pe ipotɨ reta.

ÉXODO 11:3

Jare yandeYa ombopɨakavi Egiptoɨgua reta, Israel iñemuña reta kotɨ. Echa opaete Egiptoɨgua reta jare tembiokuai reta Egipto pegua omboete yae reve omae Moisés re.

PROVERBIOS 4:18

Ërei jupi vae reta jape köembipe rami ko: Köe jembipe ojo oiko köe kavi regua rami.

ISAÍAS 9:7

Iporookuaía tuicha yaeta, jare mbɨakatu mbaetɨta opa David iguapɨa re jare iporookuaía re, oñono kavita ñejäa jupi rupi, jare isɨmbi rupi añave güive oiko avei vaerä. YandeYa imbaepuere yae vae jägüɨro rupi oyapota kuae.

SOFONÍAS 3:19

Jókuae ara che, añemopüata opaete oiporarauka ndeve vae reta kotɨ. Amborɨta vecha iköcho vae, aru yeta okañɨgüe; amboeteukata jare jërakua yaeta opaete ɨvɨ rupi.

San Mateo 4:24

Jare opaete ɨvɨ Siria pegua reta pe jërakua Jesús oyapo vae regua. Jare güeru reta chupe oipotagüe mbae jasɨ chupe vae reta, oiporara oipotagüe mbaerasɨ vae, jare aña oya jese vae reta, omano mano vae reta jare jete jëogüe vae. Jare Jesús ombogüera reta.

JOSUÉ 6:27

YandeYa oiko Josué ndive, jare jee jërakua opaete ɨvɨ rupi.

1 SAMUEL 2:30

Jáeramo, Israel iTumpa jei tëi tenonde yave neñemuñagüe reta pe, ndeve jare neñemuña reta oyeokuai vaerä chupe jekuae avei, ërei añave jei: ‘Ngaraa ma ayapo jökorai, amboeteukata chemboete vae reta, ërei chereröɨro vae reta aröɨrota vi.