ESTER 8:8 - Biblia Guarani Tumpa Iñee

⁸ Peikuatía Judáɨgua reta pe, peikuaa rupi cheree re, jare pemboyeɨ jese chepoäka-vera; echa mborookuai mburuvicha guasu jee re oyekuatía jare ipoäka-vera oyemboyeɨ jese yave, ngaraa ye ma oyemboai.

ESTER 8:8 Iomraidhean Croise

1 REYES 21:8

Jayave jae oikuatía tupapire Acab jee re, jare omboyeɨ jese mburuvicha ipoäka-vera, jare omondo tenondegua reta pe jare mburuvicha reta pe, Nabot jëta pegua reta pe.

ESTER 1:19

Jáeramo mburuvicha guasu, jaekavi ndeve yave, toë mborookuai ndembaepuere güi, jare toyekuatía mborookuai Persia jare Media pegua ipɨte pe, agüɨye vaerä oyemboai: “Vasti agüɨye ye mo tou mburuvicha guasu Asuero jóvai.” Jare mburuvicha guasu toñono ipoepɨka pe ïru kuña jeko kavi yae chugüi vae.

ESTER 3:12

Jayave oenɨi mburuvicha guasu pe ombaekuatía vae reta, tenondegua yasɨ ara trecea pe, jare oikuatía reta Amán oyókuai rami, ɨvɨ re oyangareko mburuvicha guasu pe vae reta pe, sundaro ruvicha reta ñogüɨnoi ɨvɨ ñavo rupi vae pe, jare tëta ruvicha ñavo pe; tëta ñavo imbaekuatía ae rupi jare iñee ae pe; mburuvicha guasu Asuero jee re oyekuatía, jare ipoäka-vera omboyeɨ jese oñemoañete vaerä.

ESTER 8:10

Jare oikuatía mburuvicha guasu Asuero jee re, jare ipoäka-vera omboyeɨ jese, jare omondo kuatía jerajaa reta ndive kavayu iñäkua vae re, mburuvicha guasu ikavayu reta re;

ESTER 8:5

Jare jei: —Mburuvicha guasu, jaekavi ndeve yave jare ndepɨakatu chekotɨ, jare aiporu vae rerovia jaekavi yave, jare nde añetete cheraɨu yave, toyekuatía metei mborookuai omboai vaerä Amán, Hamedata taɨ Agag iñemuña oyapogüe, opa vaerä Judáɨgua reta oñemokañɨtei opaete tëta reta rupi vae.

DANIEL 6:8

Añave mburuvicha guasu, emoañetete jare eikuatía nderee jese, agüɨye vaerä oyemboai, Media jare Persia pegua mborookuai oyemboaimbae vae rami.

2 Timoteo 2:19

Ërei Tumpa iñee añete ko, mbaetɨ etei ko oyepoepɨ, echa jei körai: “YandeYa oikuaa imbae reta.” Jare: “Opaete omboete Cristo vae, tosɨrɨ ikavimbae vae güi.”