ESTER 8:3 - Biblia Guarani Tumpa Iñee

³ Ester jekuae imiari ye mburuvicha guasu ndive, oyetavatɨka reve itindɨasɨ jae ipɨ re, oyaeo jare omoñera reve omboai vaerä Amán Agag iñemuña omee mborookuai ikavimbae yae vae, agüɨye vaerä jókuae oyeapo oï Judáɨgua reta kotɨ vae oyembopo.

ESTER 8:3 Iomraidhean Croise

2 REYES 4:27

Javoi ojo oväe ɨvɨtɨ re Tumpa iñeemombeúa oïa pe yave, oyepɨɨ ipɨ re. Giezi oya jese ombosɨrɨ vaerä chugüi. Ërei Eliseo jei chupe: —Emaeño jese, echa ipɨatɨtɨ yae ko oï, jare añave rupi mbaetɨño yandeYa omombeu cheve, maratu ra oasa vae.

ESTER 3:1

Kuaekuae reta jaɨkue rupi mburuvicha guasu Asuero ombotuicha yae Amán, Hamedata taɨ Agag iñemuña pegua, jare omee oiko vaerä opaete mburuvicha reta itenondeguarä.

ESTER 7:4

echa che jare cherëtaɨgua reta roñemee roï opa vaerä romano jare opa vaerä rokañɨtei. Tembiokuairä roñemee yave chekïriiñota tëi; ërei jókuae tovaicho oyapogüe ngaraa etei jaekavi mburuvicha guasu iporookuaía peguarä.

ESTER 8:2

Jare mburuvicha guasu oekɨ ipoäka güi moäka-vera opɨ̈ro ye Amán güi vae jare omee Mardoqueo pe. Jare Ester omee Mardoqueo ipo pe opaete mbaembae Amán imbaegüe.

ESTER 8:4

Jayave mburuvicha guasu ipopoka oro pegua güɨropövee Ester kotɨ, jare jae opüa oyemboɨ mburuvicha guasu jóvai.

ISAÍAS 38:2

Jayave Ezequías oyerova ovapetea kotɨ jare oyerure Tumpa pe, körai:

OSEAS 12:4

Oñoïraro araɨgua ndive jare omoamɨri; oyaeo jare omoñera oiparareko vaerä. Tumpa oväe chupe Bet-el pe, jare imiari jae ndive joko pe.

Hebreos 5:7

Cristo kuae ɨvɨ pe oiko ramboeve, iñeeäta jare jesaɨ reve jeta oyerure ipuere tëi omboasa mano güi vae pe. Jare iñeereendu ramo Tumpa oendu chupe iyerure.

1 SAMUEL 25:24

Javoi oya katu David ipɨ re, jei chupe: —¡Cheya, cheré toï teko! Romoñera reyeapɨsaka vaerä cheré jare eendu che nderembiokuai iñee.