ESTER 7:4 - Biblia Guarani Tumpa Iñee

⁴ echa che jare cherëtaɨgua reta roñemee roï opa vaerä romano jare opa vaerä rokañɨtei. Tembiokuairä roñemee yave chekïriiñota tëi; ërei jókuae tovaicho oyapogüe ngaraa etei jaekavi mburuvicha guasu iporookuaía peguarä.

ESTER 7:4 Iomraidhean Croise

NEHEMÍAS 5:5

“Ore mbaetɨ ko ambuae vae orerëtara reta güi, oremichia reta mbaetɨ ko ambuae vae imichia reta güi; ërei, ore opa romee oreraɨ jare orerayɨ reta yogüɨreko vaerä tembiokuairä. Jare oime ma ko amogüe orerayɨ reta ñogüɨnoi jökorai, añave ore mbaetɨ orepuere mbae royapo, echa oreɨvɨ jare oreuvarupa reta ïru vae reta imbae ma ko.”

ESTER 3:13

Jare omondo reta tupapire, jerajaa reta ndive opaete tëta reta mburuvicha guasu iporookuaía pegua pe, pɨpe oyókuai opaetei vaerä oyuka jare omokañɨtei opaete Judáɨgua reta jókuae ara voi: Taɨrusu reta, ndechi reta, michia reta jare kuña reta yasɨ Adar pe, jae ko yasɨ docea ara trece pe, oyemombae reve imbaembaegüe reta re.

ESTER 3:9

Jáeramo nde cheruvicha guasu jaekavi ko ndeve yave, emee mborookuai opa vaerä oñemokañɨtei; jare che tajäa tamee tresciento treinta mil kilo korepoti, ndeveguarä okovara vae reta pe, oñovatu vaerä ndeve.

ESTER 7:5

Mburuvicha guasu Asuero jei Ester pe: —¿Kia pa, jare ketɨ pa oime oï jókuae oyemongeta ikavimbae yae oyapo vaerä vae?

ESTER 7:6

Ester jei: —¡Tovaicho jare ikavimbae yae oyapo vae, jae ko kuae Amán ipɨapochɨ vae! Jayave Amán jova iyu yae opɨta okɨɨye güi mburuvicha guasu jare jembireko jóvai.

ESTER 8:11

pɨpe mburuvicha guasu jei Judáɨgua reta ñogüɨnoi opaete tëta guasu rupi vae oyemboatɨ vaerä, oporepeña jese reta vae güi oyeepɨ vaerä; toyuka jare topa tomokañɨtei oipotagüe tovaicho yogüeru tëta güi ani ïru ɨvɨ güi vae, kuña jare michia reta vi jare toyemombae imbaembaegüe reta re,

ESTER 8:6

Echa, ¿këraita pa aropɨa cherëtaɨgua reta pe ou oväe ikavimbae vae? ¿Këraita pa aropɨa opa oñemokañɨtei vae?

ESTER 9:25

Ërei Ester ou yave mburuvicha guasu jóvai, omee mborookuai jókuae ipɨapochɨ vae oyemongeta oyapota tëi rami, chupe oyeapo vaerä, jökorai Amán jare taɨ reta opa oeterasa ɨvɨra re.

DANIEL 6:2

Jare kuae reta re omae vaerä ñogüɨnoita mboapɨ mburuvicha reta; metei ko jae Daniel; chupe reta jókuae ɨvɨ iyangarekoa reta imiarita iparavɨkɨ re, agüɨye vaerä mburuvicha guasu güɨnoi mbae nunga mbaemboavai.

JOEL 3:6

Jare pemee Judá pegua reta, Jerusalén ipo reta pemee griego reta pe, opa vaerä matɨ pemondo iɨvɨ güi.

AMÓS 2:6

YandeYa jei körai: “Israel iñemuña reta iyoa yae jeko pegua, mbaetɨta cheɨ̈ro chupe reta; echa jupi vae omee reta korepoti re, jare paravete vae omee reta pɨapaa re.

San Lucas 12:45

Ërei jókuae tembiokuai jei iyeupe ipɨa pe: ‘Cheya ngaraa ou ye jarembae.’ Jare omboɨpɨ oinupa ïru tembiokuai kuimbae reta jare tembiokuai kuña reta, okaru, okau jare oyembosavaɨpo.

DEUTERONOMIO 28:68

Yepe tëi yandeYa jei peve mbaetɨta ma peo ye jókuae tape rupi, ërei pereraja yeta Egipto kotɨ barco pe; jare joko pe peñemeeta tembiokuairä, ërei mbaetɨta kia ave pegua vae.”

JOSUÉ 9:23

Kuae jeko pegua peikota yepopeyu rupi, peiko aveita tembiokuairä. Peyapota yepea, ɨ penoeta cheTumpa jo pe oyeporu vaerä.

1 SAMUEL 22:23

Ërei nde epɨta che ndive, agüɨye ekɨɨye, jókuae oipota ndeyuka vae che oipota vi ko cheyuka, ërei che ndive ngaraa mbae reasa.