ESTER 5:1 - Biblia Guarani Tumpa Iñee

¹ Jare mboapɨa ara pe Ester oyemonde kavi, jare oike mburuvicha guasu jo joka japɨpe pe, oyemboɨ mburuvicha guasu öke re katu oguapɨ oïa jóvai.

ESTER 5:1 Iomraidhean Croise

ESTER 1:11

güeru reta vaerä jóvai Vasti, mburuvicha guasu jembireko, iñäka regua jembipe vae ndive, oechauka vaerä imaepöra opaete vae pe jare mburuvicha reta pe; echa ipöra yae ko.

ESTER 2:5

Tëta Susa mburuvicha guasu oikoa pe oiko metei kuimbae Judáɨgua Mardoqueo jee vae, Jair taɨ; Jair jae ko Simei taɨ, Simei jae ko Cis taɨ, Cis jae ko Benjamín iñemuña pegua.

ESTER 4:11

“Opaete oyeokuai mburuvicha guasu pe vae, jare opaete ɨvɨ oyemboyao yaoa rupigua reta oikuaa ko meteiño mborookuai oï vae. Kërai oipotagüe kuimbae ani kuña oike yave mburuvicha guasu joka pe, omae vaerä jese oenɨiukambae reve vae yave omanota ko. Jaeño mburuvicha guasu güɨropövee ikotɨ popoka oro pegua yave oasayepeta; jare che mbaetɨ etei chereenɨi aecha vaerä mburuvicha guasu treinta ara rupi ma.”

ESTER 4:16

“Ekua emboatɨ opaete Judáɨgua Susa pe ñogüɨnoi vae, jare peyekuaku tembíu güi cheré, agüɨye pekaru jare peɨu mboapɨ ara, ara rupi jare pɨ̈tu rupi; jökoraita vi che ayapo cherembiokuai kuñatai reta ndive, jare jaɨkue rupi aiketa mburuvicha guasu oïa pe, yepe tëi mbaetɨ mborookuai jökorai; cheyuka yave tacheyuka.”

ESTER 4:17

Jayave Mardoqueo ojo oyapo Ester oyókuai rami.

ESTER 6:4

Jökorai yave Amán oike ou mburuvicha guasu jo joka pe, oiporu vaerä Mardoqueo ombosavava jókuae oyapouka chupeguarä vae re. Jayave mburuvicha guasu oparandu: —¿Kia pa aipo oï oka pe?

ESTER 8:15

Mardoqueo oë mburuvicha guasu oïa güi temimonde mburuvicha pegua jovɨ jare tïi vae ndive, jare äka-regua oro pegua tuicha vae ndive, jare oñeapeva lino pegua pɨ̈ta vae pe. Jayave tëta guasu Susa pegua reta oyerovia yae jare oyekou.

San Mateo 10:16

Mase, ko che pomondo vecha reta rami aguarayaɨmba reta ipɨte rupi. Jáeramo, peyeandu avei mboi rami. Jaeramiño vi, pɨkasu rami peñeraä.

San Mateo 11:8

¿Kia re pa ko peo pemae? ¿Kuimbae oyemonde kavi vae re pa? Mase, temimonde ipöra vae omonde vae reta, yogüɨreko mburuvicha guasu reta jo pe.

San Mateo 27:64

Eyókuai ndesundaro reta oyangareko vaerä tɨvɨa re mboapɨ ara pegua, agüɨye vaerä jemimboe reta yogüɨraja pɨ̈tu yave oñomi jetegüe. Echa jökorai yave, jei retata opaete vae pe, “oikove ye ma omanogüe vae reta ipɨte güi.” Jare ombotavɨta jeta yae Jesús ombotavɨ vae güi.

San Lucas 22:30

Pekaru vaerä chemesa pe cheporookuaía pe. Jaeramiño vi penoita mbaepuere pejäa vaerä jókuae doce ñemuña Israel pegua reta.”

Apocalipsis 3:21

Oporomoamɨri vae pe ameeta oguapɨ vaerä che ndive cheguapɨa pe, che aporomoamɨri jare aguapɨ cheRu ndive iguapɨa pe rami.