ESTER 4:4 - Biblia Guarani Tumpa Iñee

⁴ Jare yogüeru kuñatai reta jare eunuco reta oyeokuai mburuvicha guasu jembireko Ester pe vae, oikuaauka reta vaerä chupe mbae oasa oï vae. Jayave jae ipɨatɨtɨ yae; jare omondo temimonde omondeuka vaerä Mardoqueo pe, omboi vaerä jókuae temimonde jaimbe vae; ërei ngatu jae mbaetɨ oipota.

ESTER 4:4 Iomraidhean Croise

GÉNESIS 37:35

Jayave opüa opaete taɨ reta jare tayɨ reta ombopɨakatu vaerä tëi; ërei jae mbaetɨ oipota oyeapɨsaka taɨ reta iñee re, jare jei: “Ajata ko kuae mbɨatɨtɨ ndive cheraɨ oïa pe, omanogüe reta ñogüɨnoia pe.” Jare oyaeo tu.

2 REYES 9:32

Jehú omae ventana kotɨ, jare jei: —¿Kia pa oï che ndive? Mókoi ani mboapɨ kuimbae eunuco itindɨ omae ikotɨ,

ESTER 1:12

Ërei ngatu Vasti mbaetɨ oipota ou mburuvicha guasu jóvai, jae oyókuai eunuco reta rupi rami; jare mburuvicha guasu iyarasɨ yae;

ESTER 4:3

Jare ɨvɨ oyemboyao vae ñavo rupi mburuvicha guasu omee mborookuai vae ojo oväea pe, Judáɨgua reta ipɨatɨtɨ yae, oyekuaku reta tembíu güi, oyaeo mbɨatɨtɨ ndive; jare jeta amogüe reta jemimonde mbɨatɨtɨ pegua ndive oke tanimbu re.

ESTER 4:5

Jayave Ester oenɨi Hatac, metei eunuco reta güi mburuvicha guasu omee oyeokuai vaerä chupe vae, kuae oyókuai omondo Mardoqueo pɨri, oikuaa vaerä mbae ra oasa oï vae, jare maera ko jökorai oï vae.

SALMOS 77:2

Chepɨatɨtɨ aï yave aeka cheYa, chekueraimbae reve aupi chepo ayerure pɨ̈tu yave, ërei mbaetɨ aväe mbɨakatu.

ISAÍAS 56:3

Ketɨgua oñemee yave yandeYa pe, agüɨye tei: “CheYa chembosɨrɨta imbae vae reta güi.” Eunuco ave agüɨye tei: “Che ko ɨvɨra yɨpigüe rami.”

JEREMÍAS 31:15

YandeYa jei: “Ramá pe oyeendu yaeo, tesaɨ jare yaeo yemboasɨkatu pegua; Raquel ipɨatɨtɨ oï imembɨ reta re, jare mbaetɨ oipota oyembopɨakatuka, echa opa omano reta.”

Hechos 8:27

Jayave Felipe opüa ojo. Jare metei eunuco Etiopíaɨgua ojo ye jëta kotɨ Jerusalén güi. Echa ou Jerusalén pe omboete vaerä Tumpa. Kuae eunuco ko jae metei mburuvicha. Jae oyangareko oiko Candace ikorepoti jare ïru imbaembae ikavi vae re. Candace ko jae Etiopía pegua reta juvicha kuña.

1 SAMUEL 8:15

Peremitɨ jäɨgüe jare uva iagüe güi oekata peve pediezmo reta, omee vaerä iyɨvɨrigua pe jare jembiokuai reta pe.