ESTER 4:3 - Biblia Guarani Tumpa Iñee

³ Jare ɨvɨ oyemboyao vae ñavo rupi mburuvicha guasu omee mborookuai vae ojo oväea pe, Judáɨgua reta ipɨatɨtɨ yae, oyekuaku reta tembíu güi, oyaeo mbɨatɨtɨ ndive; jare jeta amogüe reta jemimonde mbɨatɨtɨ pegua ndive oke tanimbu re.

ESTER 4:3 Iomraidhean Croise

ESTER 1:1

Mburuvicha guasu Asuero oporookuai ciento veintisiete ɨvɨ oyemboyao vae reta re, tëtaguasu India güive Etiopía pe.

ESTER 3:12

Jayave oenɨi mburuvicha guasu pe ombaekuatía vae reta, tenondegua yasɨ ara trecea pe, jare oikuatía reta Amán oyókuai rami, ɨvɨ re oyangareko mburuvicha guasu pe vae reta pe, sundaro ruvicha reta ñogüɨnoi ɨvɨ ñavo rupi vae pe, jare tëta ruvicha ñavo pe; tëta ñavo imbaekuatía ae rupi jare iñee ae pe; mburuvicha guasu Asuero jee re oyekuatía, jare ipoäka-vera omboyeɨ jese oñemoañete vaerä.

ESTER 4:16

“Ekua emboatɨ opaete Judáɨgua Susa pe ñogüɨnoi vae, jare peyekuaku tembíu güi cheré, agüɨye pekaru jare peɨu mboapɨ ara, ara rupi jare pɨ̈tu rupi; jökoraita vi che ayapo cherembiokuai kuñatai reta ndive, jare jaɨkue rupi aiketa mburuvicha guasu oïa pe, yepe tëi mbaetɨ mborookuai jökorai; cheyuka yave tacheyuka.”

ESTER 4:2

Jare jökorai ou oväe mburuvicha guasu jöke jóvai; echa mbaetɨ jókuae nunga temimonde ndive kia ipuere oike mburuvicha guasu oïa pe.

ESTER 4:4

Jare yogüeru kuñatai reta jare eunuco reta oyeokuai mburuvicha guasu jembireko Ester pe vae, oikuaauka reta vaerä chupe mbae oasa oï vae. Jayave jae ipɨatɨtɨ yae; jare omondo temimonde omondeuka vaerä Mardoqueo pe, omboi vaerä jókuae temimonde jaimbe vae; ërei ngatu jae mbaetɨ oipota.

ESTER 9:31

omoañete vaerä kuae ara Purim iara oñemokañɨmaa oï vae, Judáɨgua Mardoqueo jare mburuvicha guasu jembireko Ester oporookuai rami. Jae reta ombojee ma iyeupe jare iñemuña reta pe, oyemomaendúa avei vaerä isapúkai poi mbɨatɨtɨ reve vae re jare oyekuaku poi reta tembíu güi vae re.

JOB 2:8

Jare Job oguapɨ tanimbu re, oipɨɨ takɨpe jaɨgüe oñekari vaerä pɨpe.

ISAÍAS 22:12

Jáeramo, kuae ara yandeYa Imbaepuere yae ete vae, oparea peve reta peyaeo vaerä jare pepɨatɨtɨ vaerä, oparea peve reta peñeapi vaerä jare pemonde reta vaerä temimonde mbɨatɨtɨ pegua.

ISAÍAS 22:4

Jáeramo jae: Pemaeño tayaeo chepɨatɨtɨ yae reve, agüɨye peyemoambeko chembopɨakatu vaerä, kuae cherëta oyemboai vae güi.

ISAÍAS 58:5

¿Jae pa kuae yekuaku tembíu güi vae chembopɨakatu vae? Pepɨatɨtɨ vae, peäkatindɨ käipepe rami vae, peyepɨso temimonde jaimbe vae re vae, ani tanimbu re vae. ¿Jókuae pe pa pere ‘yekuaku tembíu güi’, jare ‘ara yandeYa omboyerovia vae’?

EZEQUIEL 27:30

Jäse retata nderé, neräpiro retata jasɨ katu reve, oñono retata iñäka re ɨvɨkúi, oyapayere retata tanimbu pe.

DANIEL 9:3

Ayerure cheYa Tumpa pe yemborɨ re, ayekuaku reve tembíu güi, ayemonde temimonde mbɨatɨtɨ pegua pe jare aguapɨ tanimbu re chepɨatɨtɨ güi.

JONÁS 3:6

Jare jókuae jërakua mburuvicha guasu Nínive pegua pe, jare opüa jenda güi omboi jemimonde jare oñeapeva temimonde mbɨatɨtɨ pegua pe, jare oguapɨ tanimbu re ipɨatɨtɨ güi.

San Mateo 13:42

Jare omombo retata tata guasu pe. Joko pe oyaeo retata jare jäi ombokɨrɨrɨuta.

San Mateo 22:13

Jayave mburuvicha guasu jei jembiokuai reta pe: Peipokua jare peraja pemombo oka pe pɨtumimbía pe. Joko pe toyaeo jare jäi tombokɨrɨrɨu.

San Mateo 25:30

Jare pemombo kuae cherembiokuai oyeokuai kaviä cheve vae oka pe pɨtumimbi oïa pe. Joko pe toyaeo jare jäi ombokɨrɨrɨuta.’

JOSUÉ 7:6

Jayave Josué jare Israel iñemuña itenondegua reta, omondoro jemimonde jare oñono reta ɨvɨkúi iñäka re ipɨatɨtɨ güi; javoi oyetavatɨka reta itindɨasɨ ɨvɨ re yandeYa ikäjou jóvai, ojoi kaaru chupe reta regua.

1 SAMUEL 11:4

Jare ñee jerajaa reta yogüɨraja oväe Gabaa pe Saúl oikoa pe, jare omombeu reta ñee jókuae tëta pe. Opaete vae jäse oyaeo kuae oendu yave.