ESTER 3:8 - Biblia Guarani Tumpa Iñee

⁸ Jare Amán jei mburuvicha guasu Asuero pe: —Oime metei tëtaɨgua reta oñemoai ñogüɨnoi opaete tëta reta ndembaepuere pe oï vae rupi, jare mborookuai jae reta güɨnoi vae ambuaeyee ko opaete vae güi, jare mbaetɨ omboete reta ndeporookuai, mbaetɨ jaekavi remaeño vaerä oikove reta.

ESTER 3:8 Iomraidhean Croise

ESDRAS 4:6

Asuero omboɨpɨ oï mburuvicha guasurä rupive oikuatía reta chupe omboeko vaerä Judá jare Jerusalén pegua reta.

NEHEMÍAS 1:8

Nemaendúa añave neñee re, nderembiokuai Moisés pe remee vae, rere reve: ‘Pe reta peyoa yave, che opata pomoai moai tëtaguasu reta rupi;

ESTER 3:9

Jáeramo nde cheruvicha guasu jaekavi ko ndeve yave, emee mborookuai opa vaerä oñemokañɨtei; jare che tajäa tamee tresciento treinta mil kilo korepoti, ndeveguarä okovara vae reta pe, oñovatu vaerä ndeve.

ESTER 4:1

Mardoqueo oikuaa kavi ma oyeapogüe yave, omondoro jemimonde reta, jare oyemonde temimonde mbɨatɨtɨ pegua pe, tanimbu oñono iñäka re jare oë tëta guasu rupi ipɨatɨtɨ yae jare oyaeo jäse reve.

JEREMÍAS 33:24

“¿Mbaetɨ pa reikuaa amogüe ketɨgua reta kuae pe yogüɨreko vae jei che aröɨro ko mókoi tëtara aiparavo vae, jae ko Israel jare Judá? ¡Jáeramo güɨröɨro reve omae reta chembae vae reta re, jare mbaetɨ ma oipapa tëtaguasu rami!

JEREMÍAS 50:17

Israel ko metei vecha okañɨgüe rami, yaguapope reta opa omoai moai rami. Tenonde ete mburuvicha guasu Asiria pegua opa jou; jaɨkue rupi, Nabucodonosor mburuvicha guasu Babilonia pegua, opa oikäo.

EZEQUIEL 11:16

Jáeramo ere chupe reta: ‘Körai jei yandeYa Tumpa: Che opa anoe amombo jare opa amoai moai reta mombɨrɨ ïru tëtaguasu reta oikuaambaea rupi, ërei jeseve che etei aikota chupe reta omboete reta vaerä, ïru ɨvɨ pe yogüɨreko ramboeve.’

EZEQUIEL 6:8

Ërei mbovɨ che aroasayepeta mano güi oikoveño vaerä; kuae reta opata amoai moai ïru tëtaguasu reta rupi.

DANIEL 3:8

Kuae re jókuae ara rupi amogüe kuimbae Caldeaɨgua iyarakuaa vae reta yogüeru oñeapo iyemongeta kavimbae reve judío reta re.

DANIEL 6:13

Jayave jei reta mburuvicha guasu pe: —Daniel, tembipɨɨ reta Judá pegua iñemuña mbaetɨ ndemboete mburuvicha guasu, mbaetɨ omboete mborookuai reyapogüe; mase mboapɨ ye metei ara pe oyerure.

DANIEL 6:14

Mburuvicha guasu oendu kuae regua yave ipɨatɨtɨ yae, jare oeka kërai oepɨ vaerä Daniel. Kuaraɨ oike regua oeka tëi kërai oepɨ vaerä.

LEVÍTICO 26:33

Jare opata pomoai kerupi ïru tëtaguasu reta rupi, ñeraro rupi opata pomoai, peɨvɨ oikota ipombae jare perëta guasu reta tëtagüerä.

ZACARÍAS 7:14

Jare kusumirou guasu pe rami opa amoai moai reta tëtaguasu reta mbaetɨ oikuaa vae rupi, jare jaɨkue pe iɨvɨ ou opɨta ñuurä mbaetɨ kia ipuere oiko pɨpe. Tëta ikavi yae vae ou oyepoepɨ ñuurä.”

NÚMEROS 23:9

Echa ɨ̈vavira reta iyapɨte güi che amaeta jese, jare ɨvate güi aechata: Mase, jae ko metei tëta okɨɨyembae reve oikota vae, ambuaeyeeta ïru tëtaguasu reta güi.

San Juan 7:35

Jayave judío reta jei oyoupe: —¿Ketɨ ra ojota kuae kuimbae mbaetɨ vaerä ñaväe chupe? ¿Ojota ra judío reta tëta ambuae rupi ñogüɨnoia pe? ¿Ojota ra omboe judiombae vae reta?

Hechos 24:5

Echa roikuaa ma kuae kuimbae ko mbaerasɨ ikavimbae rami. Jae omopüa judío reta oyokotɨ opaete kerupi. Jare jae ko Nazaret-ɨgua jupiegua reta itenondegua.

Hechos 28:22

Ërei roipota roikuaa ndegüi etei mbae ra reyemongeta vae. Echa roikuaa opaete rupi jërakua ikaviä ko kuae mboromboe.

DEUTERONOMIO 30:3

jayave yandeYa pereroyerova yeta peyererajaukaa kotɨ güi, jare güɨnoita mboroparareko pekotɨ; pereru yeta opaete ketɨ ketɨ tëta reta kotɨ güi, yandeYa Tumpa opa pemoai moaia kotɨ güi.

DEUTERONOMIO 32:26

Ayemongeta ko mombɨrɨ rupi opa vaerä amoai moai, jare amboai ɨvɨ güi jee reta,

DEUTERONOMIO 4:27

YandeYa opata pemoai moai tëtaguasu reta rupi, mbovɨ yae peyekuaata jókuae yandeYa pererajata vae ipɨte pe.

Santiago 1:1

Che ko Santiago, Tumpa jare yandeYa Jesucristo jembiokuai. Amondo tamaraeme doce ñemuña Israel pegua reta oñemoai ñogüɨnoi vae pe.

1 Pedro 1:1

Che Pedro, Jesucristo jemimondo. Aikuatía aï kuae tupapire opaete Israel pegua Ponto, Galacia, Capadocia, Asia jare Bitinia rupi mombɨrɨ perëtaguasu güi peñemoai peï vae reta pe;