ESTER 2:16 - Biblia Guarani Tumpa Iñee

¹⁶ Jare güɨraja reta Ester mburuvicha guasu Asuero jo pe payandepoa yasɨ pe, jae ko Tebet yasɨ; Asuero chiu año ma mburuvicha guasurä oiko yave.

ESTER 2:16 Iomraidhean Croise

ESDRAS 4:6

Asuero omboɨpɨ oï mburuvicha guasurä rupive oikuatía reta chupe omboeko vaerä Judá jare Jerusalén pegua reta.

ESDRAS 7:8

ou oväe pandepoa yasɨ pe chiúa año re ma Artajerjes oiko mburuvicharä yave.

ESTER 2:1

Opa güire oasa kuaekuae reta, mburuvicha guasu Asuero iyarasɨ poi ma, jare imaendúa Vasti oyapogüe re jare mborookuai oñemoërakua ikotɨ vae re.

ESTER 2:15

Ester, Mardoqueo ombokuakuaa tayɨrä vae, itutɨ Abihail amɨri tayɨgüe, ara oväe ma ou vaerä mburuvicha guasu pɨri yave, mbaetɨ ye mbae oiporu, jaeño eunuco Hegai, kuña reta iyangarekoa jei chupe vae; jare opaete vae ipɨakatu omae Ester re.

ESTER 2:17

Jare mburuvicha guasu oaɨu yae Ester opaete ïru kuña reta güi, ipɨakatu yae jese opaete ïru kuñatai reta ndeiño etei oasa kuimbae ndive vae güi; jare oñono iñäka re äka-regua mburuvicha pegua, jare oyapo jembirekorä, Vasti ipoepɨka pe.

ESTER 2:3

Jare eñono kuimbae reta tëta reta ñavo güi, güɨraja vaerä kuñatai reta maepöra yae vae, ndeiño etei oasa kuimbae ndive vae, o kuña reta pegua pe, tëta Susa mburuvicha guasu jëta pe, eunuco Hegai oyangareko mburuvicha guasu ikuña reta re vae ipo pe, jare joko pe toñemee chupe reta oñemopöra vaerä.

ESTER 8:9

Jayave oenɨiuka mburuvicha guasu pe ombaekuatía vae reta, veintitré ara mboapɨa yasɨ pe, jae ko Siván, jare oyekuatía Judáɨgua reta pe Mardoqueo oporookuai rami, ɨvɨ iyangarekoa reta pe, sundaro ruvicha reta pe, mburuvicha tenondegua tëta ñavo ñogüɨnoia pe, tëtaguasu India güive tëtaguasu Etiopía kotɨ, ciento veintisiete ɨvɨ oyemboyao vae reta; tëta ñavo imbaekuatía ae pe, jare iñee ae pe, jökoraiño vi Judáɨgua reta pe imbaekuatía ae pe jare iñee ae pe.