ESTER 10:3 - Biblia Guarani Tumpa Iñee

³ Echa Mardoqueo Judáɨgua oiko mburuvicha guasu Asuero jaɨkueguarä; tuicha yae jëtara Judáɨgua reta ipɨte pe, oyeaɨuka yae chupe reta, echa jae oyapo ikavi vaeño jëtaɨgua reta peguarä, oeka yembopɨakatu opaete jókuae ñemuña pegua reta peguarä.

ESTER 10:3 Iomraidhean Croise

GÉNESIS 41:40

Jare añave güive reïta cherëta pe tenondeguarä jare nde rere rami toyeapo cheɨvɨ pe; jaeño ete che aïta ndetenondeguarä.

GÉNESIS 45:10

Reikota ɨvɨ Gosén jee vae pe, jökorai reikota köiño chegüi nde jare nderaɨ reta, jare nerɨmɨmino reta, jare opaete nderɨmba reta jare ïru ndembaembae.

GÉNESIS 45:11

Jare joko pe ameeta nderembiurä, echa oime vɨteri pandepo año rupi karuaita vae, agüɨye vaerä pemano mbaravete jeko pegua, nde jare ndero pegua reta jare opaete mbaembae renoi vae.”

2 CRÓNICAS 28:7

Jare Zicri, Efraín pegua kuimbae imbaepuere yae vae, oyuka Maasías, mburuvicha guasu taɨ, jare Azricam mburuvicha guasu jembiokuai reta itenondegua, jare mburuvicha Elcana mburuvicha guasu iyɨvɨrigua tenondegua ete.

NEHEMÍAS 2:10

Ërei kuae oendu yave Sanbalat horonita pegua jare tembiokuai Tobías Amón iñemuña, mbaetɨ etei kërai ave yepe ipöra chupe reta, kia ou omborɨ vaerä Israel iñemuña reta vae.

ESTER 2:5

Tëta Susa mburuvicha guasu oikoa pe oiko metei kuimbae Judáɨgua Mardoqueo jee vae, Jair taɨ; Jair jae ko Simei taɨ, Simei jae ko Cis taɨ, Cis jae ko Benjamín iñemuña pegua.

ESTER 3:2

Jare opaete oyeokuai mburuvicha guasu pe vae öke rupi ñogüɨnoi vae, oyetavatɨka itindɨasɨ reve Amán oasa yave; echa jökorai mburuvicha guasu oyókuai reta, ërei Mardoqueo mbaetɨ ave oyetavatɨka ani oñemomichi yepe.

DANIEL 5:16

Che aendu nderegua, kërai ndepuere reikuaauka oipotagüe mbae ko oipota jei vae, jare reñono kavi yemboavai reta. Añave ndepuere remongeta cheve kuae oyekuatiagüe jare reikuaauka mbae ko oipota jei vae yave, reyemondeukata temimonde pɨ̈taasɨ vae mburuvicha pegua pe, jare mboɨ oro pegua reñonota ndeayu re, jare reïta mboapɨa mburuvicha guasurä mborookuaía pe.

DANIEL 5:29

Jayave Belsasar omondo omboemimondeuka Daniel temimonde pɨ̈taasɨ vae mburuvicha pegua pe, jare oñonouka iyayu re mboɨ oro pegua, jare omoërakuauka jae ko mboapɨa mburuvicha guasu jókuae mborookuaía pe vae.

DANIEL 6:3

Ërei Daniel etei oyapɨraa arakuaa katu pe kuae ɨvɨ iyangarekoa reta jare ɨvɨ ruvicha reta, echa oime jese arakuaa katu yae; jáeramo mburuvicha guasu oyemongeta oñono vaerä opaete jae iporookuaía re.

Romanos 10:1

Cherɨvɨ reta, añetete chepɨa pe aipota yae jare ayerure Tumpa pe vae ko Israel pegua reta oyemboasauka vaerä.

Romanos 14:18

Echa körai oyeokuai Cristo pe vae, omboyerovia ko Tumpa, jare kuimbae reta güɨrovia katu.

1 SAMUEL 18:16

Ërei opaete Israel kotɨgua jare Judá kotɨgua oaɨu David, echa jae güɨraja jare güeru ye yepi ñeraroa güi.

1 SAMUEL 23:17

jei chupe: —Agüɨye ekɨɨye, echa cheru Saúl ngaraa neväe. Nde ko reikota mburuvicha guasurä Israel pe, jare ndeɨvɨriguarä che aikota. Kuae re cheru oikuaa ko oï.