ESTER 1:10 - Biblia Guarani Tumpa Iñee

¹⁰ Chiúa ara pe mburuvicha guasu osavaɨpo ma yave omondo Mehumán, Bizta, Harbona, Bigta, Abagta, Zetar jare Carcas, chiu eunuco reta oyeokuai mburuvicha guasu Asuero pe vae,

ESTER 1:10 Iomraidhean Croise

GÉNESIS 43:34

Jare José omee jóvai tembíu oï vae chupe reta, ërei Benjamín pe omee jeta, pandepo ye omoïru chupe ïru reta güi; okaru jare jou reta vino jae ndive oyerovia katu reve.

2 SAMUEL 13:28

Absalón yepe jei jembiokuai reta pe: “Pemae kavi, Amnón osavaɨpo ma oï yave, che jaeta peve peyuka vaerä yave, peyuka; agüɨye pekɨɨye, echa che ko jae peve. Jayave peñemomɨ̈rata jare peñemoäta ngatu.”

ESTER 1:9

Vasti mburuvicha guasu jembireko oyapo vi arete okaru reta vaerä oyeparea chupe vae reta jembireko reta peguarä, mburuvicha guasu Asuero jo pe.

ESTER 3:15

Jare tupapire jerajaa reta oë aramoete pegua mburuvicha guasu iporookuai jei rami, kuae mborookuai oñemee Susa pe, kuae tëta güi mburuvicha reta oporookuai. Jare mburuvicha guasu okau Amán ndive ramboeve Susa pegua reta ipɨa kaviä yae ñogüɨnoi.

ESTER 7:9

Jare metei jembiokuai eunuco Harbona jee vae jei mburuvicha guasu pe: —Mase, oime Amán jëta pe oyatɨka ɨvɨra veintidó metro ɨvate vae oeterasa vaerä jese Mardoqueo, jókuae kuimbae omombeu ndeve ndemomburu vae reta regua vae. Jayave mburuvicha guasu jei: —¡Peeterasa jese!

PROVERBIOS 20:1

Vino jare mbae oporombosavaɨpo vae, oporoapoasɨ katu yae ko jare oporogüɨrekorai vae ko; kia nunga vae ombaeyavɨ yave kuae reta jou vae jeko pegua, mbaetɨ ko iyarakuaa.

PROVERBIOS 31:4

Chemembɨ Lemuel, mbaetɨ ko ikavi mburuvicha guasu reta jare imborɨa reta jou vaerä vino jare mbae oporombosavaɨpo vae,

ECLESIASTÉS 10:19

Yavɨakatu vaerä ko oyeapo arete, vino yau, yayerovia vaerä, ërei ñanoita korepoti jókuae reta peguarä.

JUECES 16:25

Jare oyandu reta ipɨa pe oyerovia yae ma yave, imaendúa reta güeru vaerä Sansón ipɨte pe oyuvanga vaerä jese, jökorai oyerovia reta vaerä. Jayave güɨnoe reta Sansón tembipɨɨ rɨru güi jare oyuvanga reta jese, jökorai oyembovɨa katu reta. Jare oñono reta okɨta mókoi vae ipäu pe.

JUECES 19:6

Jare mókoi reve oguapɨ okaru jare jou reta vino, jare kuña tu oiporu opɨta ye vaerä jókuae pɨ̈tu.

RUT 3:7

Jare Booz opa ma okaru jare oɨu yave, oyerovia katu reve ojo oyapakua oke mbaeatɨ iyɨpɨ pe. Jayave Rut kïrii ngatu ou oipea chugüi itɨma jare oyapakua joko pe.